Maafiù 10:22 - WƆŊ FƐ̀Ì EBÒ SÌÀŊ DAYÀA

²² Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 10:22 ပူးပေါင်းရင်းမြစ်များ

Maafiù 10:39

Wo nyùnɔ̀ɔŋ gbiŋ kamàŋ ɗewe wèè wo jòèyè wɔŋ nyiiuŋ nɔɔ̀ŋ wɔ, wɔ̀ŋ douŋ nàŋ gbɛ̀nɛ̀ŋ wèè julɔfɔ. Kɛɛ wo nyùnɔ̀ɔŋ gbiŋ naim haawè yèè wò naŋ nyimèè wèè wo fà wèè esaɓù mɛ̀ wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Maafiù 24:13

Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 24:9

“Anyùùŋ doiŋ nàŋ kùwò aiŋ kòà ke sàwà wèè naŋ kà e keì nyìnga dìì, e kìlà aiŋ jìwà. Anyùùŋ nyaŋ maŋ fuɔŋ màŋ gbiŋ sùà, doiŋ nàŋ wùɔ̀ŋ esàɓù e deè mɛ̀.

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

Luù 21:17

Aŋ nyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀.

Luù 21:19

Sèè nìŋ jeeà e hààwe sùà ko nɛ̀ɛ̀ŋ miìŋ, niŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Luù 8:15

Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Jɔ̀ɔŋ 17:14

Mìŋ naŋ nyiŋ wòò e yèɛ mùŋ naim wa woò wèè ka nyiŋ woò lɛ. Kɛɛ anyùùŋ nyaŋ e ɗuunyaŋ lɛɛ̀ naŋ nyiŋ wùɔ̀ŋ, esaɓù kɛ̀ aŋ fè àŋ bà nyiŋ bà wèè è ɗuunyaŋ lɛɛ̀, màànààŋ nɔŋ miàŋ pɛɛ miŋ fè wò bà lɛ.

Jɔ̀ɔŋ 7:7

Anyùùŋ nyaŋ e ɗuunyaàŋ kuwà èsaɓù bà wèè aiŋ wùàŋ. Kɛɛ àŋ naim wùɔ̀ŋ esaɓù kɛ̀, mìŋ woà nyiìŋ kɛ̀ maŋ keì nyɛ̀nɛŋ nyiŋ màŋ maŋ fè tɛ̀ɛ̀.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

2 Kɔliìŋ 4:11

Wɔŋ nyiiŋ gè wiɔ̀ gbiŋ sùà è sìàìŋ e kèì nyìngà fàa fɛɛ̀feìŋ esàɓù Jisɛ̀ɛ sùà e wèè kɛ̀ aŋ yɛmɛ̀ wɔŋ nyiiuŋ nɔɔ̀ŋ maŋ kpùnaŋ wi màŋ sùà.

Gàla 6:9

E bɔ̀mɔ̀ŋ ɓɔ̀ è nyɛ̀nɛ̀ìŋ wèè è tɛ̀ɛ̀tɛ̀ɛ̀ nyɛ̀nɛŋ, sèè e bɔ̀mɔ̀ŋ goiŋ nyɛ̀nɛ̀ŋ, nìŋ do nàŋ yɛ̀mɛ̀ e jìwààjɛ̀wɛ̀ siaŋ sèè e teenga kɛnɛɛ̀ haì wa nàwèè.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 6:11

È manaŋ e teenga gbiŋ, wèè nyɛ̀iŋ nààŋ bà guùŋ gbiŋ, maŋ nɔ̀ŋ e wùànàŋ gbee sùà, wèè kɛ̀ manɛ̀ŋ maŋ mùŋ yaà yɛ̀ɛ̀mɛ̀ dòmaŋ ke jii tùlia gbee sùà maŋ, maŋ hnàŋ.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

1Jɔ̀ɔŋ 3:13

Ɓɔ̀ è foonòiŋ, nyɛ̀ìŋ nààŋ wùìyaim nyàŋ, sèè anyùùŋ nyaŋ e ɗuunyaàŋ lɛɛ̀ wùɔ̀ìŋ.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”

Maŋ kèì nyɛɛnɛŋ 2:17

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e gbɔ̀uɛ̀ bà e yèɛ àŋ nyaaŋ maanàŋ è yaà ko nyɛɛnɛŋ lɛ̀, wèè e nɔ̀ŋ e jìwààjɛ̀wɛ̀ nyiŋ nɛ̀. Mìŋ do ɓɛìŋ nàŋ kìɛ̀ŋ ke duò fùà koɓɛ̀ wo bà guùŋ gbiŋ, ke yèɛ àŋ naŋ sìngè è dèè e yèɛ wo nyùùŋ gbiŋ wo nyimààŋ lɛ, sɔɔ̀ nɔŋ wo nyùnɔ̀ɔŋ do nyiŋ nàŋ yɛmɛ̀ wɔ.”

Maŋ kèì nyɛɛnɛŋ 2:26

Koɓɛ̀ anyùùŋ nyaŋ do nàŋ ɓùlò nyaŋ, e kìlà aŋ jèè nyìnìè è yèɛ mìŋ manaŋ lɛ̀ e jèèsùà e hàì ko dìa, mìŋ do nyiŋ nàŋ kìɛ̀ŋ e gààŋ guùŋ nɛ̀ wo Dèda miɔ̀ŋ naim kiɛ̀ŋ lɛ. Mìŋ do nyiŋ nàŋ kìɛ̀ŋ e gààŋ maŋ fuɔŋ màŋ diɛŋ, wèè aŋ nyiŋ kìlìà e kànà siwè nanàŋ diɛŋ, yèè aŋ nyiŋ sɛ̀ɛ̀sɛ̀ɛ̀ maŋ fàà mààŋ e golà kpoò. Mìŋ do nyiŋ ɓɛìŋ nàŋ kìɛ̀ŋ wɔŋ ɗù maŋ nyiìŋ tɛ̀tɛ̀ɔ.”

Maŋ kèì nyɛɛnɛŋ 2:3

Nìŋ kuwa maŋ jii tɔumtɔ̀ùm, nàŋ kùwà e keì nyìnga wèè esaɓù e deè mɛ̀, kɛɛ e bɔ̀mɔ̀ŋ kòò è wùiyèìŋ wèè naŋ dàngè è hààwiŋ nɛ̀.

Maŋ kèì nyɛɛnɛŋ 2:7

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, kòmàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, e jìwààjɛ̀wɛ̀ nyiŋ nɛ̀ do nàŋ nɔ̀ŋ wèè ka nyiŋ gè nyààŋ diɛŋ aŋ gbìlà ke kuù kòmàŋ yìwìà ke kùlɛ̀ɛ kiɛ̀ŋ wɔŋ nyiiŋ gèe, ke yèɛ sia wɔŋ gbòlò maŋ nyùànɛ̀ŋ Dayà maŋ sùà yɛ.”

Maŋ kèì nyɛɛnɛŋ 3:21

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e tɔ̀ɔ̀nyaàŋ wèè aim jɛ̀ì kɔɔ ke kpùà kana miɛ̀ŋ diɛŋ, màànààŋ nɔŋ mìŋ naŋ wa ɓùlò yèè mìŋ naŋ jɛ̀ì wo Dèda miɔ̀ŋ kɔɔ ke kpùà kanauŋ nɛɛ̀ŋ diɛŋ lɛ̀.”