Maafiù 10:20 - WƆŊ FƐ̀Ì EBÒ SÌÀŊ DAYÀA

²⁰ Esaɓù kɛ̀, maŋ mìè gbòa màŋ nìŋ do nàŋ nɔ̀ɔ̀ŋ gbuuye màŋ, maŋ naàŋ yìwìè kò nɛ̀ɛ̀iŋ niìŋ. Nìŋ do nàŋ wòò e yèɛ wo Jìnàŋ Dèdaiŋ nɔɔ̀ŋ ko àìjɛnɛ̀ŋ naiŋ woò lɛ.

Maafiù 10:20 ပူးပေါင်းရင်းမြစ်များ

Maafiù 6:32

Anyùùŋ nyaŋ nɔŋ gongà maŋ keì mɛɛ̀ŋ e teenga gbiŋ nyàŋ nàŋ yaà anyùùŋ nyaŋ fè àŋ Juùù nyaŋ. Wo Dèdaiŋ nɔɔ̀ŋ ko àìjɛnɛ̀ŋ nyìmàŋ kɛ̀ nìŋ naŋ kpɛɛ̀ŋ wèè manɛ̀ŋ mɛɛ̀ŋ gbiŋ.

Luù 11:13

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ wò Jìnàŋ Nɛɛmaàŋ kòɓɛ̀ ànyùùŋ nyaŋ dawàuŋ nyaŋ?”

Luù 12:12

Esaɓù kɛ̀ wo Jìnàŋ Nɛɛmaàŋ doiŋ nàŋ woò e teenga lii sùà kɛ̀ kiìŋ nìŋ do nàŋ woò.”

Luù 21:15

esaɓù kɛ̀ mìŋ doiŋ nàŋ kìɛ̀ŋ maŋ mìè gbòa miiŋ yaà e jiikɛ̀ɛ lii, wèè kɛ̀ aŋ jooiŋ nyàŋ bà gbiŋ naàìŋ gììyè màŋhɛɛ ɔ̀ɔ̀ aŋ naàŋ woò nyààŋ niŋ naŋ wòò è keì nàànààŋ.

Nyɛ̀nɛ̀ŋ 13:9

Kɛɛ wo Sɔɔ̀, wo yèɔ àŋ hewa ɓɛìŋ nyààŋ wo Pɔɔ̀ wɔ, wo Jìnàŋ Nɛɛmaàŋ nauŋ wa dìèsùà. Wò naŋ wa yɛ̀mɛ̀ wo Ɓà-Jisɛ̀ dììŋ

Nyɛ̀nɛ̀ŋ 2:4

Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

Nyɛ̀nɛ̀ŋ 28:25

Nààŋ aŋ gò wa nyimèè nyiŋ wouwòù è fèemàŋ, àŋ naŋ tɔ̀ɔ̀tù kàa. Kɛɛ wo Pɔɔ̀ naŋ nyiŋ tɛɛ̀ woò wààŋ, “Wo Jìnàŋ Nɛɛmaàŋ naŋ wa wòò e keì kɛnɛɛ̀ e teengaà wò naŋ wa tùɔ̀ŋ wo wɛ̀ijìɔ Àzaayà lɛ,

Nyɛ̀nɛ̀ŋ 4:8

Wo Jìnàŋ Nɛɛmaàŋ naŋ wa dìè wo Pììlɛ sùà, yèè wò naŋ nyiŋ woò wààŋ, “Nyɛ̀iŋ nààŋ nyùùŋ gbèègbèè yèè màmànkùmɛ̀ŋ fuɔŋ nyàŋ,

Nyɛ̀nɛ̀ŋ 6:10

Kɛɛ wo Jìnàŋ wo Kanaà Dayà naŋ wa kìɛ̀ŋ wo Siiwììŋ e jiikɛ̀ɛ, yèè nààŋ wò naŋ wa gbòò, aŋ felaa nyàŋ gòuŋ wa ɓɛ̀nɛ̀ŋ fàsai.

2 Kɔliìŋ 13:3

Tɛɛ̀ do nàŋ tɔ̀ɔ̀ ko nɛ̀ɛ̀ŋ niìŋ kɛ̀ mìŋ gboo wèè Jisɛ̀ Kulaì. Sèè wò dèùm ke dòmaàŋ diɛŋ, wo fè niŋ nɔŋ nyɛ̀nɛ̀ŋ mààŋ wò nyùùŋ naŋ yɔkpɔ̀, wò tɔɔ̀ e gaàuŋ nɛ̀ e tɛɛiŋ.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

2Pììlɛ 1:21

E mìè nyààŋ wɛ̀ijì gbiŋ gò wa nɔŋ e yìwìà è gòngò nyiiŋ bi sùà, kɛɛ wo Jìnàŋ Dayàa nàŋ yaà wa tòòmò anyùùŋ nààŋ àŋ yaà wa fèe sùà ke miè gbìaàŋ e yìwìà Dayà.