Maafiù 10:2 - WƆŊ FƐ̀Ì EBÒ SÌÀŊ DAYÀA

² Maŋ dèè anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ wò naŋ wa nyààŋ aŋ keela tàeɗùù nyaŋ nyɛɛ̀ŋ, wò naŋ tà wo Saimɔ̀ŋ ɗùù (wo yèɔ wò naŋ wa jàà e deè jɛ̀ìɛ Piilɛ̀), yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, aŋ jɔ̀àfèlàà Zɛɓɛdiì nyaŋ.

Maafiù 10:2 ပူးပေါင်းရင်းမြစ်များ

Maafiù 17:1

E gɔ̀ɛ̀ɛ̀ nɔɔnɔŋ dièguùŋ naŋ mààŋ, yèè wo Jisɛ̀ naŋ ɓèmè wo Pììlɛ yèè wo wùìyauŋ nɔɔ̀ŋ Jìiiŋ yèè wo Jɔ̀ɔŋ, yaà nyiŋ naŋ kɔ̀ wɔŋ toò mùŋlaŋ bà dìmɛ̀ nyiŋ wouwòù.

Maafiù 20:20

Kpeiŋ wo jàwè Zɛɓɛdiìɔ naŋ hnè yèè wò naŋ hìɛ̀ŋ aŋ jɔ̀àfèlàà tìyèeuŋ nyàŋ koɓɛ̀ Jisɛ̀i, wò naŋ dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ, yèè wò nauŋ pɔwɔ̀ wèè wo nyɛ̀nɛ̀ŋ e nɛ̀ŋ bà e weèuŋ.

Maafiù 26:37

Wò naŋ kɔ̀ɔ̀ wo Pììlɛ, yèè aŋ jɔ̀àfèlàà Zɛɓɛdiì nyaŋ àŋ tìyèe maŋjɛ̀wɛuŋ. Ke jìì sɛ̀ɛ̀ e keì nyìnga yèè e gòngo gbee nauŋ sɛ̀ɛ̀ sùà,

Maafiù 4:18

Nààŋ wo Jisɛ̀ yaà wa kààìŋ wɔŋ juwoɔ̀ kɔɔ wɔŋ fùɔ̀ŋ Galaliìɔ sùà, wò naŋ yɛ̀mɛ̀ aŋ wùìyà nyùùŋ tìyèe, àŋ yaà wa anyuùŋ sùnga. Aŋ wùìyà tìyèe bi nàŋ yaà wa wo Saimɔ̀ŋ Piilɛ̀ yaà wo wùìyauŋ nɔɔ̀ŋ Anɗù, àŋ yaà gbììnyɛ̀ŋ kpee wɔŋ juwoɔ̀ sùà àŋ kuwo aŋ kɛ̀ì.

Maafiù 4:21

Nààŋ nyiŋ taai naŋ kɔ̀ e yìwìà koɓɛ̀ wii, wo Jisɛ̀ naŋ yɛ̀mɛ̀ aŋ wùìyà nyùùŋ tìyèe, aŋ jɔ̀àfèlàà Zɛɓɛdiì nyaŋ, wo Jìiiŋ yaà wo wùìyauŋ nɔɔ̀ŋ Jɔ̀ɔŋ. Nyiŋ yaà wo dèda nyiŋ Zɛɓɛdiì nàŋ yaà wa wɔŋ gɔɔ̀ sùà àŋ yaà bànèbànè sùà maŋ kpee nyiŋ màŋ. Wo Jisɛ̀ naŋ nyiŋ nyààŋ wààŋ aŋ jòà e tòmo nyiŋ nɛ̀ aŋ dèuŋ maŋjɛ̀wɛ.

Luù 11:49

E wèè esaɓù lɛɛ̀, wo Dayà wo yèɔ kuwa jiikɛ̀ɛ wɔ̀ naŋ woò wààŋ, ‘Mìŋ do nyiŋ nàŋ tùɔ̀ŋ aŋ wɛ̀ijì yèè aŋ keela. Àŋ do nàŋ jìwè aŋ bà nyiŋ e kìlà aŋ jàà aŋ bà nyiŋ e keì nyìnga.’

Luù 22:14

Nààŋ e teengaà naŋ wa haì, wo Jisɛ̀ yaà aŋ keela tàeɗùùuŋ nyàŋ naŋ jɛi wèè aŋ jènɛ̀ŋ.

Luù 22:8

Kpeiŋ wo Jisɛ̀ naŋ tùɔ̀ŋ wo Pììlɛ yaà wo Jɔ̀ɔŋ yèè wò naŋ nyiŋ woò wààŋ, “Kɔ̀aìŋ yèè niŋ e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ weè wi.”

Luù 5:10

È naŋ wa ɓɛìŋ fòònò wo Jìiiŋ yaà wo Jɔ̀ɔŋ, aŋ jɔ̀àfèlàà Zɛɓɛdiì nyaŋ. Nyiŋ nàŋ yaà wa anyùùŋ tòmò dàwì Saimɔ̀ŋ nyaŋ. Kɛɛ wo Jisɛ̀ naŋ wòò wo Saimɔ̀ŋ wààŋ, “E jùù ɓɔ̀ è nyɛ̀nɛ̀iŋ, e yìwìà nàaŋ nìŋ do nàŋ hìɛ̀ŋ anyùùŋ koɓɛ̀ Dayài.”

Luù 9:10

Aŋ keela tàeɗùù nyaŋ naŋ kɛ̀ɛ̀ maŋjɛ̀wɛ àŋ naŋ wòò wo Jisɛ̀ e nɛ̀ɛŋ gbiŋ àŋ naŋ nyɛ̀nɛ̀ŋ lɛ. Kpeiŋ wo Jisɛ̀ naŋ nyiŋ ɓemè yèè àŋ naŋ kɔ̀ nyiŋ wouwòù ko jawa bà àŋ nyaaŋ Bɛ̀sailià.

Jɔ̀ɔŋ 12:22

Kpeiŋ wo Felè naŋ niŋ wòò wo Anɗù. Yèè wo Felè yaà wo Anɗù naŋ kɔ̀ yèè àŋ naŋ niŋ wòò wo Jisɛ̀.

Jɔ̀ɔŋ 13:23

Wo nyùùŋ màŋjɛ̀wɛ̀ɔ bà guùŋ, wo yèɔ wo Jisɛ̀ manaŋ wa sɛmɛ wɔ̀ jàaùŋ wa kɔɔ fɔ̀ɔ̀.

Jɔ̀ɔŋ 20:2

Nààŋ wo Mèèle naŋ tii yɛmɛ̀, wò naŋ dùɔ̀ŋ wo kà koɓɛ̀ Saimɔŋ Piilɛ̀i yèè wo nyùùŋ màŋjɛ̀wɛ̀ɔ wo Jisɛ̀ manaŋ wa kai wɔ̀, yèè wò naŋ nyiŋ woò wààŋ, “Anyùùŋ nyaŋ gè wo Kanaà ke hùaàŋ sùà! Kɛɛ e nyimààŋ naàŋ kɛ̀ kòò àŋ nauŋ heè.”

Jɔ̀ɔŋ 21:2

Wo Saimɔŋ Piilɛ̀, wo Sewìɔ Tàmaŋ, wo Nàntanyàŋ e yìwìà ko Kenàŋ yèè ko Galaliì, aŋ jɔ̀àfèlàà Zɛɓɛdiì nyaŋ yèè aŋ wùìyauŋ nyàŋ Jìiiŋ yaà wo Jɔ̀ɔŋ, àŋ yaà wa koɓɛ̀ guùŋ, e hààwè anyùùŋ màŋjɛ̀wɛ̀ tìyèe bà ɓɛìŋ.

Jɔ̀ɔŋ 21:20

Wo Pììlɛ naŋ kìlè wo yɛ̀mɛ̀ ko jɛ̀wɛ̀, yèè wò naŋ yɛ̀mɛ̀ wo nyùùŋ màŋjɛ̀wɛ̀ɔ wo Jisɛ̀ manaŋ wa wɔ̀ wò kùwà nyiìŋ maŋjɛ̀wɛ. Wo nyùùŋ màŋjɛ̀wɛ̀ bi nàŋ jaa wa wo Jisɛ̀ kɔɔ fɔ̀ɔ̀ e teengaà àŋ yaà wa jììyè nɛ̀ŋje lɛ̀. Wuŋ naŋ wa dawè wààŋ, “Kanaà, ɓòò nàŋ yaà hinie wèè woum maàŋ?”

Jɔ̀ɔŋ 21:24

Wo nyùùŋ màŋjɛ̀wɛ̀ wɛɛ̀ naŋ sìngè maŋ keì mɛɛ̀ŋ gbiŋ. Èiŋ nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔɔɓaa.

Jɔ̀ɔŋ 6:67

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ wààŋ, “Nyɛ̀iŋ pɛɛ nìŋ manaŋ naŋ ka?”

Jɔ̀ɔŋ 6:70

Wo Jisɛ̀ naŋ fasàì wààŋ, “Mìŋ naiŋ wa tàeɗùù nyɛ̀iŋ nààŋ zììyà jɛ̀wɛ̀ tìyèe nyàŋ, kɛɛ nyɛ̀iŋ nyɛɛ̀ŋ wo bà guùŋ wò yaà wo nyuùŋ kɛ̀ɛ̀nɛ̀ŋ ke kpèè naanààŋ!”

Jɔ̀ɔŋ 6:71

Wò yaà wa wòò e kèè wo Juɗà, wo jɔ̀àfèlàà Saimɔŋ Àkaaliɔ̀ɔ. Wo Jisɛ̀ wààŋ kɛ̀ wo Juɗà nàŋ douŋ wa nàŋ maàŋ, jòòpɛɛ wò yaà wa àŋ zììyà jɛ̀wɛ̀ tìyèe nyàŋ bà guùŋ.

Jɔ̀ɔŋ 6:8

Wo Anɗù, wo wùìyà Saimɔŋ Piilɛ̀ɔ wo yèɔ yaà wa wo nyùùŋ màŋjɛ̀wɛ̀ Jisɛ̀ɔ bà guùŋ wɔ naŋ woò wààŋ,

Nyɛ̀nɛ̀ŋ 1:13

Nààŋ àŋ naŋ hàì ko jawa gbeeì, àŋ naŋ jòwò ko sààŋ fùùiŋ ko yèi àŋ hewa joo lɛ̀. Aŋ yè nyaŋ yao wa ko fɛɛ̀feìŋ nyaŋ nàŋ yaà, wo Pììlɛ, wo Jɔ̀ɔŋ, wo Jìiiŋ yèè wo Anɗù, wo Felè yèè wo Tàmaŋ, wo Bàtolomiò yèè wo Maafiù, wo Jìiiŋ wo jɔ̀àfèlàà Afiɔ̀ɔ yèè wo Saimɔ̀ŋ wo yèɔ manaŋ e kìlà wò toomàŋ e tɔ̀ɔ̀nyaàŋ sùà wèè wɔŋ fuɔuŋ nɔɔ̀ŋ, yaà wo Juɗà wo jɔ̀àfèlàà Jìiɔ̀ŋ.

Nyɛ̀nɛ̀ŋ 1:26

Kpeiŋ àŋ naŋ dàà ke kpɔlɔ maŋ dèè aŋ fèlàà tìyèe nyɛɛ̀ŋ diɛŋ, yèè kekpɔlɔɛ̀ naŋ kùwò e dèè Màtayàa, yèè àŋ naŋ gbìɛ̀ŋ e deèuŋ nɛ̀ ke gbòò aŋ keela tàeɗùù zììyà jɛ̀wɛ̀ guùŋ nyaŋ e tɛɛ.

Nyɛ̀nɛ̀ŋ 12:2

Wò naŋ wa nyɛ̀nɛ̀ŋ aŋ kààlòòɗùà nyaŋ aŋ jìwìà wo Jìiiŋ e koya fòo, wo wùìyà Jɔ̀ɔɔ̀ŋ.

Nyɛ̀nɛ̀ŋ 3:1

Ke ɗɔ̀ɔ̀ guùŋ wo Pììlɛ yaà wo Jɔ̀ɔŋ naŋ kɔ̀ ko Saaŋ Zòòlò Dayài e tèèngà zòòloɛ̀ e gɔ̀ɛ̀ɛ̀ gbòà è taaà diɛŋ, e gɔɛɛ kìla.

1 Kɔliìŋ 15:7

Wò naŋ fòlò wo Jìiiŋ feìŋ, tii naŋ mààŋ yèè wò naŋ fòlò aŋ keela tàeɗùù nyaŋ gbiŋ feìŋ.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

2Jɔ̀ɔŋ 1:1

E yìwìà koɓɛ̀ wo màmàŋkùmɛɔ̀ŋ, wo sìèfeìŋ anyuùŋ hààwe nyàŋ. E kà koɓɛ̀ wo nìe tàeɗùù titi bà yaà aŋ jɔ̀àuŋ nyàŋ. Tɔɔɓaa mìŋ manaŋ nyɛiŋ gbiŋ. Yèè aŋ yè nyaŋ gbiŋ naŋ nyìmè e tɔ̀ɔ̀nyaàaŋ lɛ̀ àŋ mànaìŋ.

3Jɔ̀ɔŋ 1:1

E yìwià koɓɛ̀ wo màmàŋkùmɛɔ̀ŋ, wo sìèfèìŋ anyuùŋ hààwe nyàŋ. E kà koɓɛ̀ wo dàwi miɔ̀ŋ Gayɔ̀i, wo yeɔ̀ mìŋ naŋ kaì mɔ̀nɔ̀ŋ e tɔ̀ɔ̀nyaàŋ sùà wɔ.

Maŋ kèì nyɛɛnɛŋ 1:1

Wɔŋ fɛi wɛɛ̀ŋ nàŋ yaà maŋ keì maŋ yaà wa ko nyɛɛnɛŋ maŋ yè maŋ wo Jisɛ̀ Kulaì naŋ wa gɔ̀àì sùà maŋ. Wo Dayà nauŋ wa tɔ̀ɔ̀ maŋ kèì ko nyɛɛnɛŋ mɛɛ̀ŋ wèè wo woò anyuùŋ hààweuŋ nyàŋ kɛ̀ kiìŋ nàŋ do nàŋ kaaìŋ e teenga kpuu sùà. Kpeiŋ wo Jisɛ̀ Kulaì naŋ kìɛ̀ŋ ke miè gbìaàŋ koɓɛ̀ wo màikàuŋ nɔɔ̀ŋ wèè wo koà nyiŋ koɓɛ̀ wo ɓɔìjɔ̀àuŋ nɔɔ̀ŋ Jɔ̀ɔŋ.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.

Maŋ kèì nyɛɛnɛŋ 18:20

Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ ko àìjɛnɛ̀ŋ, esaɓù kɛ̀ wo Dayà wòuŋ pɔɔpɔ̀ɔ̀! Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ, nyɛ̀iŋ nààŋ keela tàeɗùù nyaŋ, yèè nyɛ̀iŋ nààŋ wɛ̀ijì nyaŋ! Esaɓù kɛ̀ wo Dayà wòuŋ gbaì yèè wòuŋ kìlìà e kiti diɛŋ wèè e keìɛ wò naiŋ jàà lɛ!

Maŋ kèì nyɛɛnɛŋ 22:8

Miàim Jɔ̀ɔŋ, kà kòmàŋ e kìlà kà yɛ̀mɛ̀ maŋ keì mɛɛŋ gbiŋ. Nààŋ mìŋ naŋ kpɛ̀ɛ̀yɛ̀ maŋ keì mɛɛ̀ŋ kòmaŋ e kìlà mìŋ naŋ miŋ yɛmɛ̀, mìŋ naŋ dè maŋ gɛ̀ɛ̀nìim màŋ dììnaŋ wo màikàa fɛɛ̀feìŋ, wo yèɔ naim tɔ̀ɔ̀ maŋ keì mɛɛ̀ŋ gbiŋ wɔ̀ wèè kauŋ zoolò.