Maafiù 10:18 - WƆŊ FƐ̀Ì EBÒ SÌÀŊ DAYÀA

¹⁸ Nìŋ do nàŋ sìè aŋ kànà fuɔŋ yèè anyùùŋ nyaŋ fè àŋ Juùù nyaŋ fɛɛ̀feìŋ wèè esàɓù e deè mɛ̀, wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ.

Maafiù 10:18 ပူးပေါင်းရင်းမြစ်များ

Maafiù 10:17

Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì.

Maafiù 10:19

Sèè anyùùŋ kùwòìŋ e kìlà aiŋ hìàŋ ke sàwàa fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè e nɛ̀ɛŋ nìŋ do nàŋ woò lɛ, ɔ̀ɔ̀ dièsɔa nìŋ do niŋ nàŋ woò. Wo Jìnàŋ Nɛɛmaàŋ doiŋ nàŋ kìɛ̀ŋ mìè gbòa màŋ wèè e yèɛ nìŋ do nàŋ woò lɛ.

Maafiù 8:4

Kpeiŋ wo Jisɛ̀ naŋ wòò wo felaaà wààŋ, “Kùmiàim, ɓɔ̀ mùŋ woò wò nyùùŋ bà gbiŋ è keì lɛɛ̀. Kɔ̀à muŋ tɔɔ̀ muàŋ bi koɓɛ̀ wo sìèfèìŋ zòòloɔ̀ wo yɛmɛ yɛ̀mɛ̀ùm tɛ̀ɛ̀ wèè wo nyìmàŋ kɛ̀ e sààŋ maŋkùnùɛ èum jùà e kɔɔ sùà. Kpeiŋ wò do nàŋ kiɛ̀ŋ ke mìè seì koɓɛ̀ anyùùŋ fuɔŋ nyàŋ, kɛ̀ àŋ nyìmàŋ kɛ̀ e sààŋ maŋkùnùɛ èum jùà e kɔɔ sùà janyai. Tɛɛ̀ dò nàŋ nyɛ̀nɛ̀ŋ nyɛ̀iŋ nyiŋ naŋ ɓɛìŋ tòòmò koɓɛ̀ guùŋ. Kpeiŋ kɔ̀à muŋ kiɛ̀ŋ e kìɛ̀ŋ e nɛ̀ŋ saàa wo Mòòze naŋ wa wòò kii niŋ lɛ̀ ko Saaŋ Zòòlò Dayài wèè e tɔɔ̀ kɛ̀ wo Dayà wòum joeyè.”

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.

Maŋ kèì nyɛɛnɛŋ 11:7

E teengaà aŋ sèì nyaŋ wo Dayà naŋ tùɔ̀ŋ nyaŋ àŋ kpɛɛyɛ̀ kìɛ̀ŋ ke mìè seì nyiŋ nɛɛ̀ŋ, wo yilì kùùno do nàŋ fòlò ko golo zutùùiŋ wo nyiŋ sumiàŋ. Wo yilì kùùno bi do nyiŋ nàŋ ɓùlò wo nyiŋ jìwà,

Maŋ kèì nyɛɛnɛŋ 6:9

Wo Ɓaawaaà naŋ yìlè e fèè e nɛ̀ŋ yìlia dìà nɔɔnɔɛ̀ŋ. Nààŋ mìŋ naŋ yɛ̀mɛ̀ wɔŋ gbɛ̀gbɛ̀ zòòloɔ̀ dìì, miŋ naŋ yɛ̀mɛ̀ aŋ jìnàŋ anyùùŋ nyaŋ gbiŋ àŋ naŋ wa jìwè nyaŋ. Àŋ naŋ nyiŋ wa jìwè esaɓù kɛ̀ àŋ naŋ wa gbòò kè mìè Dayàa, yèè àŋ naŋ kìɛ̀ŋ mìè sèì tɔ̀ɔ̀nyaàŋ e yìwìà maŋ jii nyiŋ màŋ sùà e nyaàiŋ dè e hààwe nyiŋ nɛ̀.