Maafiù 10:17 - WƆŊ FƐ̀Ì EBÒ SÌÀŊ DAYÀA

¹⁷ Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì.

Maafiù 10:17 ပူးပေါင်းရင်းမြစ်များ

Maafiù 10:18

Nìŋ do nàŋ sìè aŋ kànà fuɔŋ yèè anyùùŋ nyaŋ fè àŋ Juùù nyaŋ fɛɛ̀feìŋ wèè esàɓù e deè mɛ̀, wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ.

Maafiù 20:19

yèè àŋ doim nàŋ kìlè koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ doim nàŋ hiilè, aim ɓùlà yèè aim jìwà. Sèè e gɔ̀ɛ̀ɛ̀ taai maaŋ, mìŋ do nàŋ yèwè e fàaà dìì wɔŋ nyiiŋ gèe sùà.”

Maafiù 23:34

Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Maafiù 26:59

Aŋ kànà sìèfèìŋ zòòlo nyàŋ e kpùlìà anyùùŋ gbèègbèè aŋ Juùù nyaŋ naŋ wa kàmè aŋ seì wèè aŋ jeèè wo Jisɛ̀ e keì wèè kàìsa aŋ jìwàuŋ.

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Jɔ̀ɔŋ 11:47

Kpeiŋ aŋ Fɛlosiì nyaŋ yèè aŋ kànà sìèfèìŋ zòòlo nyàŋ naŋ nyààŋ aŋ màmànkùmɛ̀ŋ fuɔɔ̀ŋ koɓɛ̀ guùŋ yèè àŋ naŋ nyiŋ woò nyààŋ, “Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Wo felaa wɛɛ̀ kòò wò yaà nyìnìè maŋ kèè mèè zimgbe.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Nyɛ̀nɛ̀ŋ 17:14

Ko fɛɛ̀feìŋ anyuùŋ hààwe nyàŋ naŋ tùɔ̀ŋ wo Pɔɔ̀ wɔŋ juwoɔ̀ kɔɔ, kɛɛ wo Silà yaà wo Timetè naŋ wa jòò ko Bɛ̀lià.

Nyɛ̀nɛ̀ŋ 22:19

Mìŋ naŋ fàsàì mìàŋ, ‘Kanaà, anyùùŋ nyaŋ nyìmàŋ kɛ̀ mìŋ naŋ wa kùwò anyuùŋ zimgbe maŋ sààŋ zòòlò aŋ Juùù nyaŋ dìì yèè mìŋ naŋ ɓùlò anyùùŋ nyaŋ naum wa haawè nyaŋ.

Nyɛ̀nɛ̀ŋ 26:11

Mìŋ he nyiŋ wa kìɛ̀ŋ keì nyìnga e teenga zimgbe maŋ sààŋ zòòlò aŋ Juùù wi nyàŋ dìì, yèè mìŋ kamàŋ wa e ɗewe wèè ka nyiŋ nyɛ̀nɛ̀ŋ aŋ woò maŋ mìè ɓɛ̀ɛ̀pɔ̀ɔ koɓɛ̀ Dayài. Yèè ngèè, mìŋ naŋ nyiŋ wa tùù sìwè zimgbe, e nɔ̀ŋ esaɓù sɔɔ̀ ka wa kà ko kaame nyiŋ maŋ jawa gbeegbèè maŋ fuɔ̀ŋ joo màŋ sùà.”

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.

Fèle 3:2

Yɛ̀mɛìŋ nyɛ̀iŋ bi diɛŋ, wèè anyùùŋ maŋ kpèè naanààŋ nyaŋ, aŋ yè nyaŋ tuwà mààŋ aŋ sùùŋ. Maŋ je nyiŋ tòmo màŋ naŋ yaà nɔŋ wèè aŋ jàà aŋ dàwi nyiŋ maŋ keì keekèè e nyaàiŋ dè nyuùŋ jàà kpùa.

2Time 4:15

Yɛ̀mɛ̀ muàŋ bi diɛŋ e weèuŋ, e fèfoo wò naŋ gììyè ke mìè gbìaàŋ maŋhɛɛ e waasu sùà.

Hiɓu 11:36

Anyùùŋ naŋ wa hììlè aŋ bà nyiŋ yèè àŋ naŋ nyiŋ ɓùlò, àŋ sìà aŋ bà nyiŋ maŋ jɔ̀ɔɔ yèè aŋ nyiŋ gbìàŋ ko sààŋ nyìwì.