Maafiù 1:23 - WƆŊ FƐ̀Ì EBÒ SÌÀŊ DAYÀA

²³ Wò naŋ woò wààŋ, “Wo jɔ̀ùŋ jɔ̀à bɛ̀ɛ̀ do nàŋ nɔ̀ŋ le sùà yèè wò do nàŋ kòmò wo jɔ̀àfelaa, yèè àŋ douŋ nàŋ jàà e dèèɛ Ìmaanuɛ̀.” (E fàsàì e dèèɛ Ìmaanuɛ̀ nàŋ yaà kɛ̀, “Wo Dayà yaà wì e tɛɛ.”)

Maafiù 1:23 ပူးပေါင်းရင်းမြစ်များ

Maafiù 1:24

Nààŋ wo Jòòsɛ naŋ wa kɛɛyɛ̀, wò naŋ nyɛ̀nɛ̀ŋ e nɛ̀ɛŋ wo màìkà Kanaà nauŋ woò wèè wo nyɛ̀nɛ̀ŋ lɛ, yèè wò naŋ kɔ̀ɔ̀ wo Mèèle ko gboouŋ noo wèè wo nɔ̀ŋ wo jawèuŋ.

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Luù 20:44

Wo Dèèwe wuŋ bi nauŋ nyààŋ ‘wo Kanaà,’ kpeiŋ kɛ̀ dièsɔa wo yèɔ wo Dayà naŋ tàeɗùù wèè wo joeyè e ɗuunyaàŋ wɔ naŋ ɓɛ̀nɛ̀ŋ fòlà ke kpòò Dèèweɛ̀ sùà?”

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Nyɛ̀nɛ̀ŋ 18:9

Wɔŋ dùùm guùŋ wo Pɔɔ̀ naŋ gò e gɔa, yèè e gɔagòo bi sùà wo Kanaà nauŋ woò wààŋ, “E jùù ɓɔ̀ è nyɛ̀nɛ̀um wèè kè mìè Kanaà gbòa kòɓɛ̀ ànyùùŋ nyaŋ, yèè ɓɔ̀ mùŋ hɔnè nyiŋ gbòa.

Luùm 8:31

Kiìŋ è naiŋ ɓɛ̀nɛ̀ŋ wòo e nyaàiŋ dè maŋ keì mɛɛ̀ŋ gbiŋ? Sèè wo Dayà nɔ̀ŋ weè wi, kɛ̀ ɓòò naŋ ɓɛ̀nɛ̀ŋ nɔ̀ŋ wo joo wi?

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

2 Kɔliìŋ 5:19

Ke miè gbìaŋ wiɛ̀ è woàìŋ nɛ nàŋ yaà kɛ̀, wo Dayà naŋ wa nyɛ̀nɛ̀ŋ anyùùŋ kpùùŋ ɗuunyaŋ nyàŋ gbiŋ aŋ dàwiuŋ esàɓù Jisɛ̀ Kulaì sùà. Wo Dayà gò wa gbìàŋ màŋ jùumù nyiŋ màŋ kè jiio sùà, yèè wò wi fè ke miè gbìaàŋ ke yèɛ naŋ tɔ̀ɔ̀ e ɗeweɛ̀ wò naŋ nyiŋ mììnè aŋ dàwiuŋ nɛ̀.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

2Time 4:22

Wo Kanaà Jisɛ̀ yɛmɛ̀um diɛŋ. Tɔ̀ e tɛ̀ɛ̀tɛ̀ɛ̀ Dayàa nɔ̀ŋ nyɛ̀ìŋ gbiŋ maŋjɛ̀wɛ.