Maafiù 1:21 - WƆŊ FƐ̀Ì EBÒ SÌÀŊ DAYÀA

²¹ Wò do nàŋ kòmò wo jɔ̀àfelaa, yèè mùŋ kuwa mauŋ jàà e dèèɛ wo Jisɛ̀. Esaɓù kɛ̀, wuŋ nàŋ do nàŋ jòèyè anyunùuŋ nyàŋ e yìwìà maŋ jùumù nyiŋ màŋ sùà.”

Maafiù 1:21 ပူးပေါင်းရင်းမြစ်များ

Maafiù 1:25

Kɛɛ wo Jòòsɛ gò wa nyìmàŋ è kèè kɔ̀ɔ̀ Mèèle e jèèsùà wo kòmàŋ wo jɔ̀àuŋ nɔɔ̀ŋ. Yèè wo Jòòsɛ nauŋ jàà e dèèɛ Jisɛ̀.

Luù 1:13

Kɛɛ wo màikàa nauŋ woò wààŋ, “E jùù ɓɔ̀ è nyɛ̀nɛ̀um Zakalayà! Wo Dayà jàà e zòòlo mɔ̀ɛ̀ kùàŋ dìì, yèè wo jawè mɔɔ̀ŋ Ìlesebɛ̀ɛ̀ do nàŋ kòmò wo jɔ̀àfelaa weèum. Mùŋ kuwa mauŋ jàà e dèèɛ Jɔ̀ɔŋ.

Luù 1:31

Mùŋ do nàŋ nɔ̀ŋ le sùà e kìlà maŋ kòmàŋ wo jɔ̀àfelaa. Mùŋ douŋ nàŋ jàà e dèèɛ Jisɛ̀.

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Luù 2:21

Nààŋ maŋ ɗɔ̀ɔ̀ nɔɔnɔŋ le taai naŋ haì, anyùùŋ kòmàŋ Jisɛ̀ nyaŋ naŋ nyɛ̀nɛ̀ŋ e yèɛ maŋ Sàwà Mòòze màŋ naŋ woò wèè aŋ nyɛ̀nɛ̀ŋ lɛ, àŋ nauŋ jàà kpùa, yèè àŋ nauŋ jàà e dèèɛ Jisɛ̀, màànààŋ nɔŋ wo màikàa naŋ wa wòò wo Mèèle lɛ̀.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 4:42

Àŋ naŋ wòò wo nìeɔ̀ nyààŋ, “Tɔɔɓaa e gòiŋ naàŋ nɔŋ hààwè wò Jisɛ̀ èsàɓù è yèɛ mùŋ naŋ wi woò lɛ. Yàwi bì èiŋ kùmìàŋ e yèɛ wò naŋ woò lɛ, yèè è naiŋ haawè kɛ̀ wuŋ nàŋ yaà wo yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè e ɗuunyaàŋ wɔ!”

Nyɛ̀nɛ̀ŋ 13:23

Wo Dayà naŋ wa jɔ̀ɔ̀ ɗààhiì kɛ̀ wo nyùùŋ bà hewa nàŋ fòlò ke kpòò Dèèweɛ̀ sùà wèè wo nɔ̀ŋ wo Nyuùŋ Jòèyeɔ̀ wèè anyùùŋ Ezɔ̀ɛ̀ nyaŋ, yèè wo nyùùŋ bi nàŋ yaà wo Jisɛ̀.

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Nyɛ̀nɛ̀ŋ 4:12

Wuŋ guùŋ nɔŋ naum ɓɛ̀nɛ̀ŋ jòèye. Wo nyùùŋ bà gbiŋ fè kò àìjɛnɛ̀ŋ dìì wò yèɔ wò Dayà naŋ wi kiɛ̀ŋ wɔ wèè wo wi joeyè eɓìèmàŋjɛ̀wɛ̀ wuŋ.”

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

1Jɔ̀ɔŋ 3:5

Nàŋ nyìmàŋ kɛ̀ wo Jisɛ̀ naŋ wa hnè wèè wo ɓèmè maŋ jùumù wi màŋ, yèè wo fè wo nyùùŋ maŋ jùumù.

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.