Maafiù 1:20 - WƆŊ FƐ̀Ì EBÒ SÌÀŊ DAYÀA

²⁰ E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Maafiù 1:20 ပူးပေါင်းရင်းမြစ်များ

Maafiù 1:18

E ɗewe kii lɛɛ̀ sùà àŋ naŋ wa kòmò wo Jisɛ̀ Kulaì. Wo yèyè Jisɛ̀ɔ nàŋ yaà wa wo Mèèle. Wo Jòòsɛ nauŋ wa dìkìè jèè kpɔ̀nɔ̀ŋ wèè wo nɔ̀ŋ wa wo jawèuŋ. Kɛɛ wèè paŋ tɛɛ̀ kaaìŋ wa, wo Mèèle naŋ wa nyìmè kɛ̀ wò hewa nàŋ kòmò wo jɔ̀à e yìwìà e gààŋ wo Jìnàŋ Nɛɛmaàŋ sùà.

Maafiù 2:12

Yèè wo màìkà Dayàa naŋ kìɛ̀ŋ anyuùŋ kɛ̀ɛ̀jii nyàŋ e go e gɔagòo sùà kɛ̀ ɓɔ̀ àŋ kɛɛ̀ ɓɛìŋ kòɓɛ̀ Hɛɛlɔ̀i, yèè àŋ naŋ wa ɓèmè ke dòmaŋ joo àŋ naŋ kɔ̀ fuɔŋ nyiŋ.

Maafiù 2:13

E teengaà anyuùŋ kɛ̀ɛ̀jii nyàŋ naŋ wa kɛ̀ɛ̀ maŋjɛ̀wɛ lɛ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà yèè wò nauŋ woò wààŋ, “Wo Hɛɛlɔ̀ do nàŋ nɔ̀ɔ̀ŋ kààmè wo jɔ̀àa wèè wouŋ jìwà. Weètii yewà dìì muŋ ɓemè wo jɔ̀àa yaà wo yèyeuŋ nɔɔ̀ŋ niŋ ka wɔŋ fùɔ̀ŋ Ijèɔ sùà maŋ dùaŋ dùaŋ. Yèè jèeiŋ noo e jèèsùà kaiŋ woò kɛ̀ kiìŋ nìŋ do nàŋ nyɛ̀nɛ̀ŋ.”

Maafiù 2:19

Nààŋ wo Hɛɛlɔ̀ naŋ wa naàŋ fɔ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà ko Ijè,

Maafiù 2:22

Kɛɛ nààŋ wo Jòòsɛ naŋ wa kòmò kɛ̀ wo Àkiiliɔ̀ dè ebɛ̀ŋ wo dèdauŋ nɔɔ̀ŋ Hɛɛlɔ̀, wèè wo nɔ̀ŋ wo kànà fuɔɔ̀ŋ wèè wɔŋ fùɔ̀ŋ Jùdiàa, e jùùɛ naŋ wa nyɛ̀nɛ̀ŋ wo Jòòsɛ wèè woo ka. Kpeiŋ e gɔagòo sùà, wo Dayà nauŋ woò wààŋ wo ka wɔŋ fùɔ̀ŋ Galaliìɔ sùà.

Maafiù 27:19

Nààŋ wo Paalè jaa wa ko sààŋ sàwài, wo jawèuŋ nɔɔ̀ŋ nauŋ tùɔ̀ŋ ke miè gbìaŋ wààŋ, “Ɓɔ̀ mùŋ nyiniàŋ wò fèlàà tɔ̀ɔ̀nyaàŋ wii è nɛ̀ŋ gbiŋ, esaɓù kɛ̀ mìŋ naŋ nàaŋ kɔ̀ e mɔ̀ɔ̀nɛŋ dìì wɔŋ dùùm wɛɛ̀ŋ e weèuŋ e gɔagòo sùà.”

Maafiù 28:5

Kpeiŋ wo màikàa naŋ wòò aŋ jɔùŋ nyaŋ wààŋ, “E jùù ɓɔ̀ è nyɛ̀nɛ̀iŋ. Kà nyìmàŋ kɛ̀ nìŋ yaà kààmè wo Jisɛ̀, wo yèɔ àŋ naŋ daai jìwìyè wɔŋ vànèkpaaà diɛŋ wɔ̀.

Luù 1:19

Wo màikàa naŋ fasàì wààŋ, “Miàŋ nàŋ yaà wo Geeɓulɛ̀, mìŋ sia ko fɛ̀ɛ̀fèìŋ Dayài, wo yèɔ naim tùɔ̀ŋ ko nɛ̀ɛ̀ŋ muìŋ wèè kaum wòò ebò siaŋ lɛɛ̀.

Luù 2:4

Wo Jòòsɛ naŋ wa yèwè ko Naazɔ̀ɛ̀ wɔŋ fùɔ̀ŋ Galaliìɔ sùà, yèè wò naŋ kɔ̀ ko Bɛfilehɛɛ̀ŋ wɔŋ fùɔ̀ŋ Jùdiàa sùà, ko jàwà kùmìàŋ wo Kanaà Dèèweì. Kuŋ wo Jòòsɛ naŋ wa kɔ̀, esaɓù kɛ̀ wò yewe wa ke kpòò Dèèweɛ̀ sùà.

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

Maŋ kèì nyɛɛnɛŋ 19:7

Gè wììŋ zɔlɔ̀ e kìlà e nɔ̀iŋ ke jii fàa sùà. Tɛ̀nɛ̀ŋ wiìŋ e gaàŋ gbeeuŋ nɛ̀, esaɓù kɛ̀ e teengaà è haì wèè wo Ɓaawaaà ɓèmè wo jɔùŋ, yèè wo jawèuŋ nɔɔ̀ŋ bànèbànè wuŋ bi weè niŋ.