Maafiù 1:2 - WƆŊ FƐ̀Ì EBÒ SÌÀŊ DAYÀA

^2-6a E yìwìà e tèèngà Eɓulɔhɛɛ̀ɛŋ e hàì koɓɛ̀ wo Kanaà Dèèwe, maŋ dèè aŋ nèwàènèwè Jisɛ̀ nyaŋ mɛɛ̀ŋ. Wo Eɓulɔhɛɛ̀ŋ nàŋ yaà wa wo dèdà Ààzeɔ̀. Wo Ààze nàŋ yaà wa wo dèdà Jègɔɔ̀. Wo Jègɔ nàŋ yaà wa wo dèdà Juɗàa e kpùlìà aŋ wùìyauŋ nyàŋ. Wo Juɗà nàŋ yaà wa wo dèdà Pɛɛlɛ̀ɔ yaà wo Zɛlà, (wo yèye nyiŋ nɔɔ̀ŋ nàŋ yaà wa wo Tàmaà). Wo Pɛɛlɛ̀ nàŋ yaà wa wo dèdà Hɛselɔ̀ɔŋ. Wo Hɛselɔ̀ŋ nàŋ yaà wa wo dèdà Alàìam. Wo Alàìm nàŋ yaà wa wo dèdà Àminaɗàa. Wo Àminaɗà nàŋ yaà wa wo dèdà Nasɔ̀ɔŋ. Wo Nasɔ̀ŋ nàŋ yaà wa wo dèdà Saamɔ̀ɔŋ. Wo Saamɔ̀ŋ yaà wo jawèuŋ nɔɔ̀ŋ Làhaà naŋ wa kòmò wo Booà. Wo Booà nàŋ yaà wa wo dèdà Oɓɛ̀ɔ (wo yèyeuŋ nɔɔ̀ŋ nàŋ yaà wa wo Lùu). Wo Oɓɛ̀ nàŋ yaà wa wo dèdà Jɛ̀seɔ̀. Wo Jɛ̀se nàŋ yaà wa wo dèdà Kanaà Dèèwe.

Maafiù 1:2 ပူးပေါင်းရင်းမြစ်များ

Maafiù 1:1

Maŋ dèè aŋ nèwàènèwè Jisɛ̀ Kulaì nyaŋ mɛɛ̀ŋ wɔŋ fɛ̀ì Dayàa sùà, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo jɔ̀ɛ̀jɔ̀ɛ̀ Dèèweɔ̀, wo yèɔ naŋ fòlò ke kpòò Eɓulɔhɛɛ̀ɛŋ sùà wɔ.

Nyɛ̀nɛ̀ŋ 7:8

E tɔ̀ɔ̀maŋsèì e fèè ɗààhìì e mìèsùàguùŋ nɛ wo Dayà naŋ wa kìɛ̀ŋ wo Eɓulɔhɛɛ̀ŋ wèè e nyiŋ nɔ̀ŋ fèemàŋ lɛ nàŋ yaà wa wèè wo Eɓulɔhɛɛ̀ŋ wa nyimèè wèè anyùùŋ nyaŋ nɔ̀ŋ kpùà jàa nyiŋ. Wo Dayà wààŋ sèè tii kaaìŋ wa Kpeiŋ, kɛ̀ anyùùŋ nyaŋ jàà e ɗààhìì mìèsùàguùŋ nɛ kùàŋ dìì. Yèè wo Eɓuɔhɛɛ̀ŋ naŋ kòmò wo Ààze yèè wò nauŋ jàà kpùa e gɔ̀ɛ̀ɛ̀ nɔɔnɔŋ le taaà diɛŋ e yìwìà ke ɗɔ̀ɔ̀ kòmauŋ nɛɛ̀ŋ. Wo Ààze naŋ jàà wo jɔ̀àfelaauŋ nɔɔ̀ŋ wo Jègɔ ke kpùa, yèè wo Jègɔ naŋ jàà aŋ jɔ̀àfèlàà zììyà jɛ̀wɛ̀ tìyèeuŋ nyàŋ kpùa, aŋ nèwàènèwe wi nyàŋ.

Hiɓu 11:11

E hààwe naŋ nyɛ̀nɛ̀ŋ wo Eɓulɔhɛɛ̀ŋ naŋ wa nɔ̀ŋ wo kɛ̀ɛ̀ kòmaŋ, jòòpɛɛ wò wa naàŋ tiiyè. E hààwe naŋ wa nyɛ̀nɛ̀ŋ wo Sèèla naŋ wa kɛ̀ɛ̀nɛ̀ŋ gààŋ wèè wo nɔ̀ŋ le sùà, jòòpɛɛ wò wa naàŋ tiiyè wèè wo kòmàŋ aŋ jɔ̀à. Wò kuwa wa jii tùlia kɛ̀ wo Dayà do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wò nyɛ̀nɛ̀ŋ lɛ.

Hiɓu 7:14

Anyùùŋ nyaŋ gbiŋ àŋ nyìmàŋ kɛ̀ wo Kana wiɔ̀ Jisɛ̀ naŋ yìwìè e zìì Juɗàa sùà, kɛɛ wo Mòòze gò wa woò wààŋ wò sìèfèìŋ zòòlo do wa nàŋ nɔ̀ŋ e ziì lii sùà.

Maŋ kèì nyɛɛnɛŋ 7:5

Anyuùŋ tààsùùŋ zììyà jɛ̀wɛ̀ tìyèe (12,000) naŋ wa yèwè e ziì lɛɛ̀ bà guùŋ gbiŋ sùà aŋ yè nyaŋ àŋ naŋ wa hèè e fèè Dayàa nyàŋ. Anyùùŋ maŋ ziì bi nàŋ yaà wa, wo Juɗà, wo Lubɛ̀ŋ, wo Gaà,