Luùm 9:8 - WƆŊ FƐ̀Ì EBÒ SÌÀŊ DAYÀA

⁸ Tɛɛ̀ naŋ tɔɔ̀ kɛ̀, e fè àŋ jɔ̀à nyaŋ gbiŋ wò Eɓulɔhɛɛ̀ŋ naŋ wa kòmò nyaŋ, wò Dayà naŋ wa jɔ̀ɔ̀ ɗààhiì wèè aŋ nɔ̀ŋ àŋ jɔ̀à Dayà. Kɛɛ aŋ jɔ̀à nyaŋ àŋ naŋ kòmò e esàɓù e ɗààhiìɛ wo Dayà naŋ wo jɔ̀ɔ̀ lɛ̀ nàŋ yaà aŋ jɔ̀à tɔ̀ɔ̀nyaàŋ nyaŋ.

Luùm 9:8 ပူးပေါင်းရင်းမြစ်များ

Maafiù 3:9

Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Luùm 8:14

Anyùùŋ nyaŋ wo Jìnàŋ Kanaà Dayà toomàŋ sùà nyaŋ, nàŋ yaà aŋ jɔ̀à Dayà nyaŋ.

Luùm 8:16

Wo Jìnàŋ Nɛɛmaàŋ toomàŋ aŋ jinàŋ wi nyàŋ kùàŋ sùà wèè wo woò wààŋ è yààìŋ aŋ jɔ̀à Dayà.

Luùm 8:19

Manɛ̀ŋ maŋ gbiŋ wo Dayà naŋ banè maŋ e ɗuunyaàŋ lɛ, màŋ yaà fùlìè e teenga titiɛ̀ wèè wo Dayà tɔɔ̀ kɛ̀ ɓòò nàŋ yaà aŋ jɔ̀àuŋ nyàŋ.

Hiɓu 11:11

E hààwe naŋ nyɛ̀nɛ̀ŋ wo Eɓulɔhɛɛ̀ŋ naŋ wa nɔ̀ŋ wo kɛ̀ɛ̀ kòmaŋ, jòòpɛɛ wò wa naàŋ tiiyè. E hààwe naŋ wa nyɛ̀nɛ̀ŋ wo Sèèla naŋ wa kɛ̀ɛ̀nɛ̀ŋ gààŋ wèè wo nɔ̀ŋ le sùà, jòòpɛɛ wò wa naàŋ tiiyè wèè wo kòmàŋ aŋ jɔ̀à. Wò kuwa wa jii tùlia kɛ̀ wo Dayà do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wò nyɛ̀nɛ̀ŋ lɛ.