Luùm 9:5 - WƆŊ FƐ̀Ì EBÒ SÌÀŊ DAYÀA

⁵ Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

Luùm 9:5 ပူးပေါင်းရင်းမြစ်များ

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luù 20:44

Wo Dèèwe wuŋ bi nauŋ nyààŋ ‘wo Kanaà,’ kpeiŋ kɛ̀ dièsɔa wo yèɔ wo Dayà naŋ tàeɗùù wèè wo joeyè e ɗuunyaàŋ wɔ naŋ ɓɛ̀nɛ̀ŋ fòlà ke kpòò Dèèweɛ̀ sùà?”

Jɔ̀ɔŋ 10:30

Wo Dèdaà yèè miàŋ è yaà anyùùŋ guùŋ.”

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

Luùm 1:25

Àŋ vɔɔnɔ̀ŋ e tɔ̀ɔ̀nyaàaŋ wèè e tòa e nyaàiŋ dè wo Dayà. Àŋ zoolà yèè àŋ kiɛ̀ŋ ɓɛ̀ɛ̀jàa koɓɛ̀ aŋ yìlì nyaŋ wo Dayà naŋ banè nyaŋ. E nɛ̀ɛŋ nyɛ̀nɛ̀ŋ aŋ zoolò wo Dayàa naŋ miŋ banè wɔ, wo yèɔ do nàŋ nɔ̀ŋ tɛ̀nɛuŋ wèè julɔfɔ wɔ̀. Àmiinàŋ.

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

Luùm 10:12

Tɛɛ̀ è yaà wèè anyùùŋ nyaŋ gbiŋ, esaɓù kɛ̀ e tɛɛ gòòno fè è fèèmàŋ aŋ Juùù nyaŋ yaà anyùùŋ nyaŋ fè àŋ Juùù nyaŋ. Wo Dayà nàŋ yaà wo Kànà È Gunɔ̀ɔŋ wèè anyùùŋ nyaŋ gbiŋ, yèè wò kpuumàŋ wo nyùnɔ̀ɔŋ gbiŋ dawàuŋ wèè e kpùùmaŋ wɔ̀.

Luùm 11:28

Nààŋ anyùùŋ Ezɔ̀ɛ̀ nyaŋ gò wa jàà è Ebò Siaàŋ kùàŋ dìì lɛ, àŋ naŋ kìlè aŋ joo koɓɛ̀ Dayài esàɓù anyùùŋ nyaŋ fè àŋ Juùù nyaŋ. Kɛɛ esàɓù e kèì jìì Dayàa, wo Dayà naŋ nyiŋ tàeɗùù wèè aŋ nɔ̀ŋ aŋ nyuùŋ mɔ̀ɔ̀nɔuŋ esàɓù aŋ nèwàènèwe nyiŋ nyàŋ.

1 Kɔliìŋ 14:16

Sèè mùŋ ge Dayà esɛ̀ wo Jinàaŋ sùà nɔŋ, dièsɔa anyuùŋ gbànaŋ nyàŋ àŋ yaà e dèèneɛ̀ sùà nyaŋ kuwo nyààŋ, “Tɔɔɓaa” koɓɛ̀ e zòòlò ke sɛ̀ gèe muɛ̀ŋ? Aŋ kuwà è ɗewe bà wèè aŋ nyìmàŋ è nɛ̀ɛŋ mùŋ yaà woo lɛ̀.

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Time 6:15

E hnàauŋ nɛ̀ do naŋ nɔ̀ŋ e teenga kɛnɛɛ̀ wo Dayà naŋ jàà e ɓula lɛ̀, wuŋ guùŋ nɔŋ nàŋ yaà wo Kana jòèyeɔ̀, wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔɔŋ nyaŋ gbiŋ diɛŋ.

2Time 2:8

Jaà wo Jisɛ̀ Kulaì jii, wo yèɔ wo Dayà naŋ wa gèe e fàaà dìì wɔ, wo yèɔ yaà wa jɔ̀ɛ̀jɔ̀ɛ̀ wèè Dèèwe wɔ̀, màànààŋ è yaà woo niŋ ke mìè gbìàŋ Ebò Siaàŋ mìŋ woà lɛ̀ sùà.

Hiɓu 7:24

Wo Jisɛ̀ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ, e kìlà e tòmò sìèfèìŋ zòòlouŋ nɛ̀ naàŋ nɔ̀ŋ kìɛŋ niŋ kòɓɛ̀ wò nyuùŋ joo bà.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.

Maŋ kèì nyɛɛnɛŋ 22:16

“Miàim Jisɛ̀, Kà tùàŋ wo màikà miɔ̀ŋ wèè wo woò ke mìè seì yɛɛ̀ ko nɛ̀ɛ̀iŋ niìŋ nyɛ̀iŋ nààŋ anyuùŋ hààwe nyàŋ gbiŋ. Mìŋ yaà e gùlò e yìwìà ke kpòò Dèèweɛ̀ sùà. Miàŋ nàŋ yaà wɔŋ ɗù maŋ nyiìŋ tɛ̀tɛ̀ɔ mɛɛŋ wɔ̀ŋ.”

Maŋ kèì nyɛɛnɛŋ 22:20

Wo nyùnɔ̀ɔŋ kiɛ̀ŋ ke mìè seìuŋ nɛɛ̀ŋ koɓɛ̀ e keì wòo lɛɛ̀ gbiŋ wɔ̀ wo woò wààŋ, “Hɛ̀ɛɛ̀ŋ, tɔɔɓaa, kòò mìŋ yaà hinie e teenga kpuu sùà!” Weètii, Kanaà Jisɛ̀, kɔ̀nɛɛ̀ŋ hnaàŋ e teenga kpuu sùà!

Maŋ kèì nyɛɛnɛŋ 5:14

Maŋ ɗòlònɛ̀ŋ tiinàŋ maŋ naŋ woò nyààŋ, “Àmiinàŋ!” Yèè aŋ màmàŋkùmɛŋ nyàŋ naŋ dè maŋ gɛ̀ɛ̀nìŋ nyiŋ màŋ dììnaŋ àŋ naŋ zoolò.