Luùm 9:4 - WƆŊ FƐ̀Ì EBÒ SÌÀŊ DAYÀA

⁴ Anyùùŋ Ezɔ̀ɛ̀ nyaŋ, nyiiŋ wo Dayà naŋ tàeɗùù. Wò naŋ nyiŋ ɓemè wèè aŋ nɔ̀ŋ anyunùuŋ. Wò naŋ nyiŋ tɔ̀ɔ̀ e jòòwouŋ nɛ̀, yèè wò naŋ bànè e ɗààhìì e mìèsùàguùŋ ko nɛ̀ɛ̀ŋ nyiŋ niìŋ yèè wò naŋ nyiŋ kìɛ̀ŋ maŋ Sàwàuŋ màŋ. Nyiiŋ nàŋ kanaŋ e ɗèwè kìì zòòlo kɛnɛɛ̀ yèè e ɗààhiìɛ wo Dayà naŋ ɓèmè ko nɛ̀ɛ̀ŋ nyiŋ niìŋ lɛ.

Luùm 9:4 ပူးပေါင်းရင်းမြစ်များ

Maafiù 21:33

Wo Jisɛ̀ naŋ nyiŋ ɓɛìŋ wòò ke kàɓanè joo bà wààŋ, “Wo felaa bà naŋ wa tòmò wɔŋ ɓù gbɛɛwɛ̀jɛ̀wɛ̀, yèè wò naŋ wuŋ guulò, wò tòmàŋ wɔŋ golo tììlà maŋ gbɛ̀mɛ̀ɛ̀ɔŋ. Wò naŋ nyɛ̀lɛ̀ wɔŋ koo wèè wɔŋ ɓùɔ yɛ̀mɛ̀ diɛŋ. Kpeiŋ wo naŋ kìɛ̀ŋ wɔŋ ɓù bi anyuùŋ tòmò ɓù bà wèè àŋ tomàŋ aŋ pààwà ejotì, yèè wò naŋ kɔ̀ ko kɔì wɔŋ fuɔŋ bà sùà.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 1:47

Nààŋ wo Jisɛ̀ naŋ yɛ̀mɛ̀ wo Nàntanyàŋ yaà hìnìè ko nɛ̀ɛ̀uŋ niìŋ, wò nauŋ woò wààŋ, “Tɔɔɓaa wo jɔ̀à kùmìàŋ ko Ezɔ̀ɛ̀ kɛnɛ wɛɛ̀. Yèè e kèè kàaɓì bà gbiŋ fòuŋ kò sùà.”

Nyɛ̀nɛ̀ŋ 2:39

Esaɓù kɛ̀ wo Dayà naŋ wa jɔ̀ɔ̀ ɗààhiì ko nɛ̀ɛ̀iŋ niìŋ yèè aŋ jɔ̀àiŋ nyàŋ, yèè koɓɛ̀ anyùùŋ nyaŋ yaà koɓɛ̀ dii nyàŋ, aŋ yè nyaŋ gbiŋ wo Kanaà wo Dayà wiɔ̀ do nàŋ nyààŋ koɓɛ̀ wuŋ biì nyaŋ.”

Luùm 3:2

È kuwa e nàfa weè wi maŋ dòmaŋ nyaaŋ zimgbe! E sìèfeìŋ jiɛ̀jiɛ̀ɛ nàŋ yaà, è do wi nàŋ nafà esaɓù kɛ̀ wo Dayà kuwa wa ke jii tùlia aŋ Juùù nyaŋ sùà yèè wò naŋ nyiŋ kìɛ̀ŋ ke miè gbìauŋ nɛɛ̀ŋ.

Luùm 8:15

Wo Jinàaŋ wo Dayà naŋ wi kiɛ̀ŋ wɔ, wo fè wi mììnè àŋ ɗo, yèè wo fè wi sìà jùù. Kɛɛ wò nyɛ̀nɛ̀ŋ wì eiŋ nɔ̀ŋ aŋ jɔ̀àuŋ yèè euŋ nyààŋ wo Dèda wiɔ̀.

Luùm 9:6

Miŋ fè woo mìàŋ è ɗààhiìɛ wo Dayà naŋ ɓemè lɛ e fè toomo, kɛɛ anyùùŋ Ezɔ̀ɛ̀ nyaŋ gbiŋ nàŋ fè ànyùùŋ Dayà.

2 Kɔliìŋ 11:22

Àŋ yaà aŋ Hiɓulù nyuuŋ? Mìŋ yaà wo bà. Àŋ yaà anyùùŋ ko Ezɔ̀ɛ̀? Mìŋ yaà wo bà. Àŋ folo ke kpòò Eɓulɔhɛɛ̀ɛŋ sùà? Yɛi nɔŋ mìŋ yaà.

Gàla 3:16

Kɛɛ yɛi nɔŋ è yaà e nyaàiŋ dè maŋ ɗààhiì maŋ wo Dayà naŋ wa ɓemè koɓɛ̀ Eɓulɔhɛɛ̀iŋ yaà wo jɔ̀ɛ̀ɛ̀jɔ̀ɛɛuŋ nɔɔ̀ŋ bà guùŋ lɛ. Maŋ ɗààhiì mɛɛ̀ŋ gò wa nɔ̀ŋ wèè àŋ jɔ̀ɛ̀ɛ̀jɔ̀ɛɛ zimgbe, kɛɛ màŋ yaà wa nɔŋ wèè wo nyùùŋ guùŋ, yèè wo nyùùŋ bi nàŋ yaà wo Jisɛ̀ Kulaì.

Ɛfesɔ̀ 2:12

E teenga lii sùà niŋ nyimààŋ wa è kèè Jisɛ̀ Kulaìɛ. Nìŋ yaà wa anyùùŋ fuɔŋ joo koɓɛ̀ anyùùŋ Ezɔ̀ɛ̀ nyaŋ wo Dayà naŋ tàeɗùù nyaŋ, yèè niŋ fè wa àŋ bàiŋbà kòɓɛ̀ è mìèsùàguùŋ nɛ è yèɛ wò Dayà naŋ wa ɓèmè è ɗààhiì kòɓɛ̀ ànyunùuŋ nyàŋ lɛ. Nìŋ yaà wa e ɗuunyaŋ lɛɛ̀, kɛɛ niŋ kuwà wa kò tùlìè jii bà gbiŋ, yèè niŋ gò wa gbɛ̀ɛ̀ Dayà kɔɔ tòloò pɛɛ.

Hiɓu 9:1

E ɗààhìì mìèsùàguùŋ jiɛ̀jiɛ̀ɛ kuwa wa maŋ sàwà e nyaàiŋ dè e ɗèwè kìì zòòlo yaà koɓɛ̀i àŋ naŋ banè wèè zòòlò lɛ̀.

Hiɓu 9:10

Maŋ sàwà mɛɛ̀ŋ yaà nɔŋ wèè e kèè manɛ̀ŋ je yaà manɛ̀ŋ tìa, e kpùlìà maŋ langi màŋ e nyaàiŋ dè e ɗeweɛ̀ è guo yàwi bi lɛ̀, yaà maŋ langi e nyaàiŋ dè maŋ kpùnaŋ wi màŋ, e yèɛ yaà nɔŋ wèè e teenga kpuu e jèèsùà wo Dayà tɔ̀ɔ̀ e keì jɛ̀ì.

Hiɓu 9:3

Wɔŋ dèè saaŋ yɛmgbɛ̀ɔ jɛ̀wɛ̀ ke vààyàa dìì, nàŋ yaà wa koɓɛ̀i àŋ nyaaŋ ko Nɛ̀nɛ̀ŋ Nɛɛmaŋ Gbeeì wèè Dayà.

Hiɓu 9:5

Manɛ̀ŋ gè nyiiŋ bà, àŋ kuwa maŋ gbaŋ jaa wa wɔŋ kàaàŋ diɛŋ, wèè aŋ tɔɔ̀ kɛ̀ wo Dayà kòò wò yaà fɛɛ̀feìŋ, e kìlà àŋ naŋ vùlɔ̀ŋ maŋ gbaŋ nyiŋ màŋ koɓɛ̀i wo Dayà juuyà maŋ jùumù hakɛ̀ lɛ. Kɛɛ tɛɛ̀ fè naàŋ è teengaà wèè eiŋ gɔ̀ì màŋ keì mɛɛ̀ŋ sùà janjai.

Hiɓu 9:6

Nààŋ manɛ̀ŋ mɛɛ̀ŋ gbiŋ naŋ wa nɔ̀ŋ bànèbane e ɗewe lɛɛ̀ sùà, ke ɗɔɔ gbiŋ aŋ sìèfèìŋ zòòlo nyàŋ kɔ̀à wa àŋ jɔ̀à ko tàamàŋ jiɛ̀jiɛ̀i, ke vààyàa dìì, wèè aŋ nyɛ̀nɛ̀ŋ e tòmo nyiŋ nɛ̀.