Luùm 9:32 - WƆŊ FƐ̀Ì EBÒ SÌÀŊ DAYÀA

³² Kɛɛ wèè kiìŋ aŋ gò wa yɛ̀mɛ̀ kè sàwà bi? Aŋ gò nyiŋ wa yɛmɛ̀ esaɓù kɛ̀, aŋ gò wa tùlìà è hààwe jii sɔɔ̀ e yèɛ àŋ naŋ wa nyɛ̀nɛ̀ŋ lɛ. Weètii àŋ naŋ wa duonò kè dùò diɛŋ gbàwìà.

Luùm 9:32 ပူးပေါင်းရင်းမြစ်များ

Maafiù 13:57

Wèè esàɓù lɛɛ̀ aŋ gòuŋ wa jàà kùàŋ diì. Kɛɛ wo Jisɛ̀ naŋ nyiŋ woò wààŋ, “Anyùùŋ àŋ kiɛ̀ŋ wo wɛ̀ijì e ɓɛ̀ɛ̀jàa koɓɛ̀ gbiŋ, kɛɛ anyùùŋ nyaŋ ko jawa kùmiauŋ noo yaà anyùùŋ nyaŋ ke kpòò wuŋ biɛ̀ sùà fòuŋ kìɛ̀ŋ ɓɛ̀ɛ̀jàa.”

Luù 2:34

Wo Simiɔ̀ŋ naŋ nyiŋ zòòlò diɛŋ yèè wò naŋ wòò wo Mèèle, wo nààŋ jɔ̀àa wààŋ, “Wo Dayà naŋ tà wo jɔ̀à wɛɛ̀ ɗùù wèè wo nyɛ̀nɛ̀ŋ anyuùŋ zimgbe ko Ezɔ̀ɛ̀ aŋ sɔ̀àà, yèè aŋ bà nyiŋ aŋ yèwà e fàa dìì aŋ sie. Wò do naŋ nɔ̀ŋ e tɔ̀ɔ̀màŋsèì e keì, yèè anyuùŋ zimgbe naàuŋ jàà kùàŋ dìì.

Luù 7:23

Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Luùm 10:3

Kòò àŋ nyìmè è ɗeweɛ̀ wò Dayà jaa ànyùùŋ kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ kò nɛ̀ɛ̀uŋ niìŋ lɛ. Kɛɛ àŋ naŋ kàmè ɗewe wèè aŋ kàmè ke dòmàŋ nyiŋ bi. Weètii àŋ naŋ wa gè maŋhɛɛ wèè aŋ hààwè wo Dayà, wèè wo nyiŋ ɓemè wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Luùm 11:11

Weètii tɔ̀ mìŋ dawè mìàŋ, nààŋ aŋ Juùù nyaŋ naŋ wa duonò, àŋ naŋ sɔ̀ɔ̀ aŋ gò wa yèwà dìì? E gò yɛi wa kaaìŋ. Àŋ naŋ wa yèwè dìì. Esàɓù maŋ keì naanààŋ nyiŋ màŋ, naŋ nyɛ̀nɛ̀ŋ anyùùŋ nyaŋ fè àŋ Juùù nyaŋ naŋ wa nɔ̀ŋ jòèye nyiŋ, yèè tɛɛ̀ nàŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ aŋ nyiŋ gììyà le koo.

Luùm 4:16

Weètii esàɓù e hààweɛ̀ è kùwàìŋ wo Dayà sùà lɛ, è doiŋ nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè wo wi kiɛ̀ŋ lɛ. Wèè esaɓù lɛɛ̀, wo naŋ jɔ̀ɔ̀ ɗààhiì wèè wo niŋ kìɛ̀ŋ ke kpòò Eɓulɔhɛɛ̀ŋ gbiŋ wèè foo, e ɗààhiì lɛɛ̀ fè nɔŋ wèè ànyùùŋ nyaŋ jɔɔlɔ̀ màŋ Sàwà Dayà maŋ dìì nyaŋ, kɛɛ è yaà wèè anyùùŋ nyaŋ pɛɛ kuwa hààwe màànààŋ wo Eɓulɔhɛɛ̀ŋ kuwa wa lɛ̀. Wo Eɓulɔhɛɛ̀ŋ naŋ yaà wo dèdà anyùùŋ nyaŋ gbiŋ.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1Pììlɛ 2:6

Wɔŋ Fɛ̀ì Dayàa naŋ woò wààŋ, “Ke dùòɛ wo Dayà naŋ tàeɗùù yɛ, kè yaà ke kpɛnɛ kùwìè sɛmɛmaŋ ke yèɛ mìŋ, yaà hàa sùà mààŋ ke kpɛ̀nɛ̀ saaŋ ko Zanyɔ̀ùŋ yɛ, yèè wo nyùnɔ̀ɔŋ gbiŋ haawàuŋ sùà wɔ, wo naàuŋ sìè sàngè julɔfɔ.”

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.