Luùm 9:31 - WƆŊ FƐ̀Ì EBÒ SÌÀŊ DAYÀA

³¹ E tèèngà guùŋ bi, anyùùŋ Ezɔ̀ɛ̀ nyaŋ wo Dayà naŋ wa tàeɗùù nyaŋ yaà wa kààmè ɗewe kè Sàwà Dayàa dìì wèè aŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài, kɛɛ aŋ gò wa yɛ̀mɛ̀ kè sàwà bi.

Luùm 9:31 ပူးပေါင်းရင်းမြစ်များ

Luùm 10:20

Wo wɛ̀ijìɔ Àzaayà naŋ wa gbùùyè ke jii nyingè sùà, nààŋ wò naŋ wa woò wààŋ, “Wo Kanaà Dayà wààŋ, ‘Anyùùŋ nyaŋ fèìm wa kaame nyàŋ, nyiŋ naim mɛɛ̀ŋ, Anyùùŋ nyaŋ fè wa dààwè kiim nyàŋ, nyiŋ mìŋ naŋ wa fòlò feìŋ.’ ”

Luùm 11:7

Kiìŋ tɛɛ̀ naŋ tɔɔ̀? È naŋ tɔɔ̀ kɛ̀, anyùùŋ Ezɔ̀ɛ̀ nyaŋ gò wa mɛ̀ɛ̀ŋ è nɛ̀ɛŋ àŋ yaà wa kaame lɛ̀. Anyuùŋ kpàka nyàŋ wo Dayà naŋ wa tàeɗùù anyùùŋ Ezɔ̀ɛ̀ nyaŋ sùà nyaŋ, naŋ wa mɛ̀ɛ̀ŋ e nɛ̀ɛŋ aŋ gbiŋ yaà wa kaame lɛ̀. Aŋ gbànaŋ nyàŋ gbiŋ, wo Dayà naŋ wa nyiŋ nyɛ̀nɛ̀ŋ aŋ gò kòmàŋ è nyààneuŋ nɛ̀.

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 3:27

Kiìŋ è kùwàìŋ naàŋ wèè eiŋ kɛ̀ɛ̀ maŋ nyòngà? E nɛ̀ŋ gbiŋ fè! Yèè kiìŋ nàŋ yaà esaɓùɛ wèè tɛɛ̀? Ɓàà è yaà wèè maŋ Sàwà Dayà maŋ è jɔɔlɔ̀ìŋ dìì maŋ? Kpele, è yaà wèè esàɓù e hààweɛ̀ è kùwàìŋ Jisɛ̀ Kulaì sùà lɛ.

Gàla 3:21

Kɛɛ tii naŋ tɔɔ̀ ke Sàwàa naŋ gììyè e ɗààhìì Dayàa maŋhɛɛ? Kpele, ke gò niŋ gììyà màŋhɛɛ! Sèè ke sàwà bà gbiŋ ke weè nɔ̀ŋ wèè ke wi kìɛ̀ŋ wɔŋ nyiiŋ gèe, wo Dayà do wi weè nàŋ jàà kùàŋ dìì e tɔ̀ɔ̀nyaàŋ sùà, sèè è jɔɔlɔ̀ìŋ ke sàwà bi dìì.

Fèle 3:6

E wànàŋ zimgbe yààìm wa wèè ka nìmìlà ke gbòò anyuùŋ hààwe nyàŋ. Nààŋ nɔŋ wo nyùùŋ naŋ ɓɛ̀nɛ̀ŋ nɔ̀ŋ wo nyùùŋ tɔ̀ɔ̀nyaàŋ nààŋ wò jɔɔlɔ̀ maŋ keì maŋ wo Dayà naŋ woò maŋ ke Sàwàa sùà lɛ, miŋ gò wa nyɛ̀nɛ̀ŋ è keì naanààŋ.