Luùm 9:3 - WƆŊ FƐ̀Ì EBÒ SÌÀŊ DAYÀA

³ wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

Luùm 9:3 ပူးပေါင်းရင်းမြစ်များ

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

Nyɛ̀nɛ̀ŋ 22:5

Wo Kànà Sìèfèìŋ Zòòlo Gbeeɔ̀ yèè aŋ màmànkùmɛ̀ŋ fuɔɔ̀ŋ gbiŋ nyìmàŋ kɛ̀ mìŋ yààìŋ wòò e tɔɔɓaaà. Àŋ naim wa kìɛ̀ŋ maŋ fɛ̀ì miè gbìaŋ wèè koɓɛ̀ anyùùŋ gbèègbèè aŋ Juùù nyaŋ ko Dàmakɔ̀, wèè kao wa kùwà anyùùŋ màŋjɛ̀wɛ̀ Kanaà yèè ka nyiŋ hìàŋ ko Jùlusɛ̀làm wèè aŋ ka e keì nyìnga dìì.”

Nyɛ̀nɛ̀ŋ 28:21

Yèè àŋ naŋ wòò wo Pɔɔ̀ nyààŋ, “Kòò è yɛ̀mɛ̀ìŋ wɔ̀ŋ fɛi gbiŋ e yìwìà ko Jùdià è nyaàìŋ eum dè, yèè aŋ wùìya wi nyàŋ kinɛiŋ yaà kià hinie nyàŋ bà gbiŋ kòò wò wòò wì è kiium, ɔ̀ɔ̀ wo wòò è keì naanààŋ weèum.

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

Luùm 11:1

Sèè è nɔ̀ŋ yɛi, kɛ̀ tɔ̀ miŋ dawè, wo Dayà naŋ wa fè anyùùŋ wuŋ bi nyàŋ jɛwɛ? Wo Dayà gò nyiŋ fè jɛwɛ. Yèè ngèè miàŋ bi mìŋ yaà wo nyùnòò Ezɔ̀ɛ̀, e yìwìà ke kpòò Eɓulɔhɛɛ̀ɛŋ sùà, yèè e yìwìà e zìì Bɛ̀njìmaiɛ̀ŋ lɛ̀ sùà.

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

Luùm 16:11

Mìŋ zuumàŋ wo Hɛlɔdiɔ̀ŋ, wo Juùù ziì wilɛ̀ bà guùŋ, yèè koɓɛ̀ anyùùŋ nyaŋ kuwa hààwe wo Kanaà Jisɛ̀ sùà nyaŋ, e yìwìà ke kpòò Nàsisɔ̀ɛ sùà.

Luùm 16:21

Wo Timetè, wo nyuùŋ tòmo dàwi miɔ̀ŋ, naiŋ tùɔ̀ŋ zùùmo. E kìlà aŋ Juùù nyuuŋ dàwiim nyàŋ tèènè mààŋ wo Lusìù, wo Jasɔ̀ŋ, yèè wo Sòsipatɔ̀, naiŋ tùɔ̀ŋ zùùmo nyiŋ pɛɛ.

Luùm 16:7

Mìŋ zuumàŋ ɓɛìŋ wo Andònikà yèè wo Junià, aŋ Juùù nyuuŋ dàwiim nyàŋ yàwi nyiŋ yààìŋ wa ko sààŋ nyìwìi koɓɛ̀ guùŋ nyaŋ. Aŋ felaa nyɛɛ̀ŋ yaà wa aŋ keela tàeɗùù, e kìlà anyùùŋ nyaŋ kiɛ̀ŋ nyiìŋ wa e ɓɛ̀ɛ̀jàa gbee, yèè nyiŋ jiɛ̀ naŋ wa nɔ̀ŋ anyùùŋ màŋjɛ̀wɛ̀ Kanaà Jisɛ̀ Kulaì nyaŋ paŋgàà miŋ naŋ nɔ̀ŋ wo bà.

Luùm 9:2

màànààŋ mìŋ naŋ woò lɛ miàŋ ke nyowo gbee yèè ke jii mɔ̀ɔ̀nɛŋ gò kɛ̀ɛ̀nɛ̀ŋ dìa yaà ke jii miɛ̀ŋ sùà,

1 Kɔliìŋ 12:3

Wèètii, mìŋ manaŋ wèè naŋ nyìmàŋ kɛ̀ wo nyùnɔ̀ɔŋ gbiŋ wo Jìnàŋ Dayàa yaà maŋjɛ̀wɛ wɔ̀ wo fè woò wààŋ, “E gbòòno yaà wo Jisɛ̀ Kulaì màŋjɛ̀wɛ!” Wo nyùùŋ gbiŋ fè ɓɛ̀nɛ̀ŋ wòo wààŋ, “Jisɛ̀ Kulaì yaà Kana,” è yèɛ wo Jìnàŋ Dayàa fèeùŋ màŋjɛ̀wɛ lɛ̀.

1 Kɔliìŋ 16:22

Wo nyùnɔ̀ɔŋ gbiŋ gò mànàŋ Kanaà wɔ, e gbòòno yaàùŋ maŋjɛ̀wɛ. Kana wiɔ̀ Jisɛ̀, hnaàŋ!

2 Kɔliìŋ 12:15

Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

Gàla 1:8

Mìŋ zoolà wèè wo Dayà nìmìlà wo nyùnɔ̀ɔ̀ŋ yèɔ gbiŋ doiŋ naŋ dàànè ebò joo eɓìèmàŋjɛ̀wɛ̀ ke mìè gbìàŋ Ebò Siaŋ wilɛ̀ wɔ! Miŋ gò kpɛɛ̀ŋ sèè pɛɛ wò naŋ nɔ̀ŋ wo bàwibà ɔ̀ɔ̀ wo màìkà e yìwìà ko àìjɛnɛ̀ŋ.

Gàla 1:9

Èiŋ niŋ wa woò jiɛ̀, yèè mìŋ do niŋ ɓɛìŋ nàŋ woò. Sèè wo nyùnɔ̀ɔ̀ŋ yèɔ gbiŋ do naŋ dàànè ebò joo eɓìèmàŋjɛ̀wɛ̀ ebò siaàŋ niŋ naŋ jàà kùàŋ dìì lɛ, wo Dayà douŋ nàŋ jèè e kei ko jàhamaŋ.

Gàla 3:10

Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Ɛfesɔ̀ 6:5

Ɗo nyàŋ, e kɔɔiŋ nɛ̀ jèlà kpàkpà e jùù sùà wèè niŋ jɔɔlɔ̀ aŋ kɛ̀ɛ̀nɛiŋ nyàŋ dìì, yèè niŋ nyinìàŋ niŋ ke jìì guùŋ, mààŋ nìŋ yaà nyinie wèè Jisɛ̀ Kulaì lɛ.