Luùm 9:22 - WƆŊ FƐ̀Ì EBÒ SÌÀŊ DAYÀA

²² E kèì guùŋ lɛɛ̀ è yaà tɔ̀ɔ̀nyaàŋ wèè e yèɛ wo Dayà naŋ nyɛ̀nɛ̀ŋ lɛ̀. Wo Dayà manaŋ wa wo tɔ̀ɔ̀ e nimilàa, yèè wo nyɛ̀nɛ̀ŋ anyùùŋ nyaŋ gbiŋ aŋ yɛ̀mɛ̀ e gaàuŋ nɛ̀. Kɛɛ wò kuwa wa ke jii tɔumtɔ̀ùm wèè anyùùŋ nyaŋ wò manaŋ wa wo nimilà nyaŋ e kìlà àŋ henàŋ nàŋ fɔ̀ nyaŋ.

Luùm 9:22 ပူးပေါင်းရင်းမြစ်များ

Luùm 1:18

E yìwìà ko àìjɛnɛ̀ŋ, wo Dayà naŋ tɔ̀ɔ̀ e ɗeweɛ̀ wò naŋ tuù lɛ wèè maŋ jùùmù yaà maŋ kpèè nàànààŋ anyùùŋ nyaŋ yè nyaŋ keewà e tɔ̀ɔ̀nyaàaŋ kùàŋ feìŋ nyaŋ.

Luùm 9:17

Wɔŋ fɛ̀ì Dayàa naŋ wòò wo kànà wɔŋ fùɔ̀ŋ Ijèɔ àŋ nyaaŋ Fɛɛlɔ̀ wɔ wààŋ, “Mìŋ naum nyɛ̀nɛ̀ŋ wo kana wèè kaum toomò wèè ka tɔ̀ɔ̀ e gaàŋ mɛ̀ yèè wèè anyùùŋ nyaŋ gbiŋ e ɗuunyaàŋ aŋ tɛ̀nɛ̀ŋ e deè mɛ̀.”

Luùm 9:20

Kɛɛ ɓòò nàŋ yààùm muàum nyuùŋ kpùnɔɔ̀ŋ, wèè maŋ gbìàŋ wo Dayà wɔŋ mààŋdàwè wèè e yèɛ wò nyɛnɛŋ lɛ̀? E golà kpoò fè ɓɛ̀nɛ̀ŋ dàwè wò nyùnɔ̀ɔŋ naŋ niŋ banè wɔ wààŋ, “Wèè kiìŋ mùŋ naim yɛi bànè?”

Luùm 9:21

E ɗewe gbio sùà, wo nyùnɔ̀ɔŋ toomàŋ e ɓooɛ̀ wèè manɛ̀ŋ bàne wɔ̀, wò kuwa e gààŋ wèè wo tòòmò e ɓooɛ̀ e ɗeweɛ̀ wò manaŋ lɛ̀, wèè wo bànè maŋ gòlà kpòò tìyèe e yìwìà ke ɓòò pɔ̀ɔ̀ gènàŋ gunɛ̀ɛŋ sùà. Wò banàŋ è guùŋ wèè ke nyɛ̀nɛŋ titi bà yèè è guùŋ wèè ke nyɛ̀nɛŋ joo bà.

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.

1Tɛsè 5:9

Wo Dayà gò wi wa tàeɗùù wèè wo mɔ̀ɔ̀nɛ̀ŋ è wuàuŋ nɛ̀, kɛɛ wèè eiŋ kùwìè e jòèye esàɓù Kana wiɔ̀ Jisɛ̀ Kulaì sùà,

2Time 2:20

Ke saaŋ gbee dìì kuŋ maŋ nɛ̀ŋfoo yèè maŋ jàgbà gɛ̀wɛɛ̀ màŋ nɔ̀ŋ. Àŋ naŋ bàànè maŋ bà miŋ e kaiŋ fua yèè e gòoò, aŋ bàànè maŋ bà miŋ maŋ kuù gɛ̀i yèè e ɓoo, maŋ bà miŋ màŋ yaà wèè maŋ keì titi, yèè maŋ gbànaŋ mɛɛ̀ŋ màŋ yaà wèè maŋ saɓù joo.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.

2Pììlɛ 2:9

Kɛɛ wo Kanaà nyìmàŋ e ɗeweɛ̀ wò joeyà anyùùŋ Dayà nyaŋ maŋ keì nyìnga nyiŋ màŋ sùà lɛ, yèè wo kùwìè anyuùŋ gò nyìmàŋ Dayà nyaŋ e ngàìnɓu dìì wèè ke ɗɔ̀ɔ̀ gbài kitiɛ̀ diɛŋ wa nàwèè,

2Pììlɛ 3:15

Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.