Luùm 9:20 - WƆŊ FƐ̀Ì EBÒ SÌÀŊ DAYÀA

²⁰ Kɛɛ ɓòò nàŋ yààùm muàum nyuùŋ kpùnɔɔ̀ŋ, wèè maŋ gbìàŋ wo Dayà wɔŋ mààŋdàwè wèè e yèɛ wò nyɛnɛŋ lɛ̀? E golà kpoò fè ɓɛ̀nɛ̀ŋ dàwè wò nyùnɔ̀ɔŋ naŋ niŋ banè wɔ wààŋ, “Wèè kiìŋ mùŋ naim yɛi bànè?”

Luùm 9:20 ပူးပေါင်းရင်းမြစ်များ

Maafiù 20:15

Miŋ fè è nyaàŋ gè diɛm wèè ka tòòmò è nɛɛnɛŋ mɛ̀ è ɗeweɛ̀ mìŋ manaŋ lɛ̀? Wèè kiìŋ nìŋ giiyàìm le koo sèè mìŋ mɔnɔŋ ka kpùùmàŋ anyùùŋ?’ ”

Luù 12:14

Wo Jisɛ̀ nauŋ woò wààŋ, “Dàwi miɔ̀ŋ, ɓòò naim kìɛ̀ŋ e gààaŋ wèè ka nɔ̀ŋ wo nyuùŋ bànè keì sùà ɔ̀ɔ̀ wo nyuùŋ gòònò maŋ nɛ̀ŋ èdàà wèè nyɛ̀iŋ tìyèe e fèemàŋ?”

Luùm 14:4

Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Luùm 2:3

Weètii, nyɛ̀iŋ nyàŋ nìŋ woà nààŋ wo Dayà nìmìlà anyùùŋ nyaŋ nyɛnɛŋ maŋ keì naanààŋ nyaŋ, nìŋ naŋ kai gongò kɛ̀ nìŋ do nàŋ dùɔ̀ŋ naŋ fòlà e kèì nyìngà Dayàa dìì, nààŋ nyɛ̀iŋ pɛɛ nìŋ nyɛnɛŋ maŋ kèì guùŋ maŋ nìŋ haà anyùùŋ nyɛɛ̀ŋ kiti diɛŋ wèè maŋ keì naanààŋ maŋ àŋ naŋ nyɛ̀nɛ̀ŋ maŋ?

Luùm 9:21

E ɗewe gbio sùà, wo nyùnɔ̀ɔŋ toomàŋ e ɓooɛ̀ wèè manɛ̀ŋ bàne wɔ̀, wò kuwa e gààŋ wèè wo tòòmò e ɓooɛ̀ e ɗeweɛ̀ wò manaŋ lɛ̀, wèè wo bànè maŋ gòlà kpòò tìyèe e yìwìà ke ɓòò pɔ̀ɔ̀ gènàŋ gunɛ̀ɛŋ sùà. Wò banàŋ è guùŋ wèè ke nyɛ̀nɛŋ titi bà yèè è guùŋ wèè ke nyɛ̀nɛŋ joo bà.

Luùm 9:22

E kèì guùŋ lɛɛ̀ è yaà tɔ̀ɔ̀nyaàŋ wèè e yèɛ wo Dayà naŋ nyɛ̀nɛ̀ŋ lɛ̀. Wo Dayà manaŋ wa wo tɔ̀ɔ̀ e nimilàa, yèè wo nyɛ̀nɛ̀ŋ anyùùŋ nyaŋ gbiŋ aŋ yɛ̀mɛ̀ e gaàuŋ nɛ̀. Kɛɛ wò kuwa wa ke jii tɔumtɔ̀ùm wèè anyùùŋ nyaŋ wò manaŋ wa wo nimilà nyaŋ e kìlà àŋ henàŋ nàŋ fɔ̀ nyaŋ.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

1 Kɔliìŋ 7:16

Diè mùŋ naŋ ɓɛ̀nɛ̀ŋ hààwe kɛ̀ muŋ naàŋ jòèyè wò faniŋ mɔɔ̀ŋ muàŋ jɔùŋ kùwìè è hààweɔ̀, ɔ̀ɔ̀ diè mùŋ do nàŋ nyìmè kɛ̀ mùŋ do nàŋ jòèyè wo jawè mɔɔ̀ŋ, muàŋ felaa kùwìè e hààweɔ̀?

1Time 6:5

yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

2Time 2:20

Ke saaŋ gbee dìì kuŋ maŋ nɛ̀ŋfoo yèè maŋ jàgbà gɛ̀wɛɛ̀ màŋ nɔ̀ŋ. Àŋ naŋ bàànè maŋ bà miŋ e kaiŋ fua yèè e gòoò, aŋ bàànè maŋ bà miŋ maŋ kuù gɛ̀i yèè e ɓoo, maŋ bà miŋ màŋ yaà wèè maŋ keì titi, yèè maŋ gbànaŋ mɛɛ̀ŋ màŋ yaà wèè maŋ saɓù joo.

Taitɔ̀ 2:9

Wòò aŋ ɗo nyàŋ aŋ jɔɔlɔ̀ aŋ kɛ̀ɛ̀nɛŋ nyiŋ nyàŋ dìì e teenga gbiŋ sùà, e kìlà aŋ nyɛ̀nɛ̀ŋ maŋ jii nyiŋ màŋ fà e keì gbiŋ sùà. Ɓɔ̀ àŋ kɛlɛ̀ɛ̀ nyiŋ màŋ mìè gbòa naanààŋ,

Jìiiŋ 2:20

Muŋ nyuùŋ zùwoum, mùŋ manaŋ wèè maŋ tɔɔ̀ kɛ̀ e hààwe fɔɔnyɔ̀ɔ̀ŋ gò kùwìè kè nyɛ̀nɛŋ siaŋ è yaà wèè foo?