Luùm 9:1 - WƆŊ FƐ̀Ì EBÒ SÌÀŊ DAYÀA

¹ Mìŋ yaà wòò e tɔɔɓaaà kɛ̀, mìŋ yaà wo nyùùŋ màŋjɛ̀wɛ̀ wèè wo Jisɛ̀ Kulaì, miŋ fè tòà. Wo Jìnàŋ Nɛɛmaàŋ yaà wo seì wèè e gòngo mɛ̀, yèè miŋ fè tòa sùà

Luùm 9:1 ပူးပေါင်းရင်းမြစ်များ

Luùm 1:9

Wo Dayà nàŋ yaà wo seì miɔ̀ŋ kɛ̀ e yèɛ mìŋ woà lɛ è yaà tɔ̀ɔ̀nyaàŋ, wo Dayàa mìŋ zoolà e yìwìà wɔŋ nyììŋ jinàŋ miɔ̀ŋ gbiŋ sùà wɔ, mìŋ woà Ebò Siauŋ nɛ̀ e teenga gbiŋ e nyaàiŋ dè wo Jɔ̀àfelaauŋ nɔɔ̀ŋ. Wo Dayà nyìmàŋ kɛ̀ mìŋ jààìŋ jii

Luùm 2:15

Maŋ kpèè nyiŋ màŋ tɔɔ̀ kɛ̀ e yèɛ maŋ Sàwà Dayà maŋ naŋ woò lɛ è yaà sìnga niŋ maŋ jii nyiŋ màŋ sùà. Maŋ jìì nyiŋ bi màŋ tɔɔ̀ ɓɛìŋ kɛ̀ tɛɛ̀ è yaà tɔɔɓaa, nààŋ e teenga bà sùà màŋ gbùwò nyìŋ maŋ keì, e kìlà e teenga bà sùà maŋ nyiŋ gè e keì ɗì.

Luùm 8:16

Wo Jìnàŋ Nɛɛmaàŋ toomàŋ aŋ jinàŋ wi nyàŋ kùàŋ sùà wèè wo woò wààŋ è yààìŋ aŋ jɔ̀à Dayà.

Luùm 9:2

màànààŋ mìŋ naŋ woò lɛ miàŋ ke nyowo gbee yèè ke jii mɔ̀ɔ̀nɛŋ gò kɛ̀ɛ̀nɛ̀ŋ dìa yaà ke jii miɛ̀ŋ sùà,

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 1:23

Wo Dayà nàŋ yaà seì miɔ̀ŋ, wò nyìmàŋ ke jii miɛ̀ŋ! Mìŋ naŋ ɗewè wèè ɓɔ̀ mìŋ ka kò Kɔliìŋ esaɓù kɛ̀ mìŋ manaŋ wèè kaiŋ gè fɛ̀ɛ̀ diɛŋ.

2 Kɔliìŋ 11:10

Esàɓù e tɔ̀ɔ̀nyààŋ Jisɛ̀ Kulaìɛ yààìm sùà lɛ, kà ɓèmè e ɗààhiì kɛ̀ maŋ nyongà kɛ̀ɛim màŋ, wo nyùùŋ gbiŋ naìm kìlìè kùàŋ feìŋ wɔ̀ŋ fùɔ̀ŋ Àkaayàa sùà wèè wòò niŋ.

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

Gàla 1:20

E yèɛ mìŋ naŋ sìngè lɛ è yaà e tɔ̀ɔ̀nyaàŋ. Wo Dayà nyìmàŋ kɛ̀ miŋ fè tòa sùà!

Fèle 1:8

Wo Dayà nàŋ yaà wo seì miɔ̀ŋ nààŋ mìŋ woà e tɔ̀ɔ̀nyaàaŋ kɛ̀, e mànaàŋ mìŋ kuwa ke jii miɛ̀ŋ sùà weèiŋ lɛ̀, è yewe kè jìì Jisɛ̀ Kulaìɛ sùà wuŋ bi.

1Tɛsè 2:5

Nàŋ nyìmàŋ fo kɛ̀ maŋ mìè gbòà nyuùŋ tɛ̀nɛŋ nààŋ e gò hìàŋ kò nɛ̀ɛ̀ŋ niìŋ, ɔ̀ɔ̀ eiŋ tòòmò màŋ mìè wèè eiŋ nyɛ̀ɛ̀nɛ̀ŋ è kèò nyààŋ nyɛ̀nɛŋ, wo Dayà nàŋ yaà wo seì wiɔ̀!

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

1Time 5:21

Ko fɛ̀ɛ̀fèìŋ Dayài yèè wo Jisɛ̀ Kulaì yaà aŋ màìkà nɛɛmaŋ tàeɗùù nyaŋ, mìŋ yààìŋ dàwe sùà wèè naŋ jɔ̀ɔ̀lɔ̀ maŋ keì wòo mɛɛ̀ŋ dìì e yèɛ fè hìàŋ è nyànge wèè è nɛ̀ɛ̀ŋ mùŋ naŋ nyɛ̀nɛ̀ŋ lɛ.