Luùm 8:7 - WƆŊ FƐ̀Ì EBÒ SÌÀŊ DAYÀA

⁷ Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

Luùm 8:7 ပူးပေါင်းရင်းမြစ်များ

Maafiù 12:34

Nìŋ yaà aŋ kaì gbòò naanààŋ, kpeiŋ kɛ̀ dièsɔa nìŋ naŋ ɓɛ̀nɛ̀ŋ wòò e keì kɛnɛ bà? Maŋ miè gbòaiŋ màŋ tɔɔ̀ kɛ̀ kiìŋ nàŋ yaà maŋ jiiŋ màŋ sùà.

Maafiù 5:19

Weètii, wo nyùnɔ̀ɔŋ gbiŋ naŋ gè maŋhɛɛ wèè wo nyɛ̀nɛ̀ŋ e yèɛ ke sàwàa naŋ pɛɛ tèènè wɔŋ kɔmɔŋ miaŋ naŋ woò lɛ, yèè wo nyɛ̀nɛ̀ŋ anyuùŋ joo bà aŋ nyɛ̀nɛ̀ŋ e kèì guùŋ bi, wò do naŋ nɔ̀ŋ mààŋ wɔŋ kɔmɔŋ miaŋ e Kànà àìjɛnɛ̀ɛŋ sùà. Kɛɛ wo nyùnɔ̀ɔŋ do nàŋ nyɛ̀nɛ̀ŋ e yèɛ maŋ sàwà maŋ naŋ woò lɛ e kìlà wò niŋ kàà anyùùŋ wèè aŋ nyɛ̀nɛ̀ŋ e kèì guùŋ bi, wò do wa nàwèè nàŋ kɛ̀ɛ̀nɛ̀ŋ ko jɛ̀i kɛnɛ e Kànà àìjɛnɛ̀ɛŋ sùà.

Jɔ̀ɔŋ 7:7

Anyùùŋ nyaŋ e ɗuunyaàŋ kuwà èsaɓù bà wèè aiŋ wùàŋ. Kɛɛ àŋ naim wùɔ̀ŋ esaɓù kɛ̀, mìŋ woà nyiìŋ kɛ̀ maŋ keì nyɛ̀nɛŋ nyiŋ màŋ maŋ fè tɛ̀ɛ̀.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 1:30

àŋ woà maŋ keì naanààŋ wèè aŋ dàwi nyiŋ nyàŋ. Àŋ naŋ wùɔ̀ŋ Dayà, aŋ kuwà ɓɛ̀ɛ̀jàa màŋ mìè gbòa nyiŋ màŋ sùà, àŋ ɓemàŋ nyiŋ bi gbee, àŋ kɛɛ maŋ nyòngà. Àŋ gongà tutùtuuŋ wèè aŋ yɛmɛ̀ e ɗewe jɛi wèè aŋ nyɛ̀nɛ̀ŋ e keì naanààŋ. Anyùùŋ nyɛɛ̀ŋ kuwà ɓɛ̀ɛ̀jàa wèè ànyuùŋ kòmaŋ nyiŋ nyàŋ.

Luùm 3:31

Tɛɛ̀ ɓɛ̀nɛ̀ŋ tɔ̀ɔ kɛ̀ esàɓù e hààwe lɛɛ̀ e jàaiŋ maŋ Sàwà Dayà maŋ ɓula? Kpele! E fè yɛi gbiŋ. Kɛɛ tɔɔɓaa è kuwo maŋ Sàwà maŋ kpaŋ e kìlà eiŋ miŋ jɔ̀ɔ̀lɔ̀ dìì tɛ̀ɛ̀.

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 7:22

Mìŋ naŋ jàà ke Sàwà Dayàa kùàŋ dìì ke jii miɛ̀ŋ gbiŋ sùà.

Luùm 8:4

Wo Dayà naŋ wa tɛɛ̀ nyɛ̀nɛ̀ŋ wèè kɛ̀ yàwi nààŋ yè nyaŋ yààìŋ nyiiŋ gèeɔ̀ sùà nyaŋ eiŋ jɔ̀ɔ̀lɔ̀ ke Sàwàa dìì esàɓù wo Jìnàŋ Dayàa sùà, kɛɛ e fè wèè kè nyɛ̀nɛ̀ŋ è kèìŋ nyuùŋkpùuŋ nɛ̀.

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

1 Kɔliìŋ 9:21

E ɗèwè guùŋ bi sùà, sèè mìŋ nɔ̀ŋ tòòmò anyùùŋ nyaŋ nààŋ fè àŋ Juùù nyaŋ e tɛɛ, mìŋ nɔ̀ŋ wo nyuùŋ pɔ̀ɔ̀ maŋ sàwà, wèè miŋ hiàŋ nyiŋ koɓɛ̀ Dayài. Tɛɛ̀ gò tɔɔ̀ kɛ̀ miŋ fè jɔ̀ɔ̀lɔ̀ màŋ sàwà Dayà maŋ dìì. Tɔɔɓaa mìŋ yaà maŋ sàwà Jisɛ̀ Kulaì maŋ dìì.

Kòlo 1:21

E tèèngà guùŋ bà nìŋ naŋ wa gòò wo Dayà fauŋ, yèè nìŋ naŋ wa nɔ̀ŋ aŋ joouŋ esàɓù maŋ gòngo naanààŋ yèè maŋ keì naanààŋ maŋ nìŋ naŋ wa nyɛ̀nɛ̀ŋ maŋ,

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

2Time 3:4

Àŋ do nàŋ nɔ̀ŋ anyùùŋ kàaɓì, anyuùŋ gììyà keì kɛ̀ɛ̀ɛ, yèè aŋ ɓèmè nyiŋ bi gbee, e kìlà àŋ do nàŋ kɛ̀ɛ̀nɛ̀ŋ e mànàŋ gbana e nìàŋ e mànàŋ Dayàa.

Hiɓu 8:10

Wo Kanaà Dayà naŋ ɓɛìŋ woò wààŋ, “Tɛɛ̀ nàŋ yaà e ɗààhìì e mìèsùàguùŋ nɛ mìŋ do nàŋ banè lɛ wèè anyùùŋ nyaŋ ko Ezɔ̀ɛ̀, maŋ ɗɔɔ màŋ yaà hinie màŋ, mìŋ do nàŋ sìè maŋ sàwàim màŋ maŋ gòngo nyiŋ màŋ sùà e kìlà ka miŋ sìngà maŋ jii komaŋ nyiŋ màŋ diɛŋ. Mìŋ do nàŋ nɔ̀ŋ wo Dayà nyiŋ nɔɔ̀ŋ, e kìlà àŋ do nàŋ nɔ̀ŋ anyunùum nyàŋ.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.

2Pììlɛ 2:14

E gòngo nyiŋ nɛ̀ gbiŋ yaà nɔŋ wèè e hmɔŋtu nyɛ̀nɛŋ koɓɛ̀ aŋ jàwè aŋ bà nyaŋ, yaà aŋ fànààŋ bà nyaŋ, e wùànàŋ maŋ kèì jùumù nyɛ̀nɛŋ nyiŋ nɛ̀ fè jùà. Ànyuùŋ gò nyìngà sùà nyaŋ àŋ gbìɛ̀ŋ nyiìŋ maŋ gbàò keì sùà. Maŋ jii nyiŋ màŋ naŋ gbèè e kèèo nyààŋ nyɛ̀nɛ̀ŋ. Àŋ yaà e gbòònò Dayàa dìì.