Luùm 8:6 - WƆŊ FƐ̀Ì EBÒ SÌÀŊ DAYÀA

⁶ Sèè maŋ jii wi màŋ maŋ nɔ̀ŋ e gààŋ maŋ jùumù wi màŋ dìì, maŋ kpùnaŋ wi màŋ do nàŋ fɔ̀ɔ̀yɛ̀ maŋ jùumù sùà. Kɛɛ sèè maŋ jii wi màŋ maŋ nɔ̀ŋ e gààŋ wo Jìnàŋ Nɛɛmaàŋ dìì, wo Dayà do nàŋ nyɛ̀nɛ̀ŋ eiŋ kɛ̀ɛ̀nɛ̀ŋ wɔŋ nyiiŋ gèe e kìlà eiŋ nɔ̀ŋ ke jii fàa sùà.

Luùm 8:6 ပူးပေါင်းရင်းမြစ်များ

Jɔ̀ɔŋ 14:27

“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 6:21

Kiìŋ è naiŋ wa nafà wèè maŋ keì maŋ nìŋ naŋ wa nyɛ̀nɛ̀ŋ yèè e sàngè yààìŋ naàŋ wèè naŋ miŋ ɓɛìŋ nyɛ̀nɛ̀ŋ lɛ? E jìwààjɛ̀wɛ̀ maŋ keì bi zà nàŋ yaà e fàa!

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Luùm 7:11

E jùumù naŋ yɛ̀mɛ̀ ɗewe, yèè esàɓù ke sàwàa, e jùumù naim zuwò yèè è naim jìwè.

Luùm 7:5

Sèè è nɔ̀ìŋ nɔŋ maŋ nyiiŋ gèe wi màŋ sùà màànààŋ yàwi bi manaŋ wèè eiŋ nɔ̀ŋ lɛ, ke sàwàa nyɛ̀nɛ̀ŋ wì eiŋ jɔ̀ɔ̀lɔ̀ e ɗèweɛ̀ è kùwàìŋ lɛ dìì wèè eiŋ nyɛ̀nɛ̀ŋ maŋ kpèè naanààŋ maŋ kpùnaŋ wi màŋ sùà, yèè maŋ kpèè naanààŋ wi bi zà nàŋ do wi nàŋ nyɛ̀nɛ̀ŋ eiŋ fà.

Luùm 8:13

Sèè nìŋ nɔ̀ŋ wɔŋ nyiiŋ gèeɔ̀ sùà wèè naŋ nɔŋ mànàŋ ke kpùnaiŋ nɛɛ̀ŋ, yèè naŋ nyɛ̀nɛ̀ŋ e yèɛ nìŋ manaŋ lɛ̀, nìŋ do nàŋ fɔ̀ɔ̀yɛ̀ maŋ jùumù sùà. Kɛɛ nìŋ do nàŋ nɔ̀ŋ wɔŋ nyiiŋ gèeɔ̀ sùà, sèè è yiwià e kpùùmàŋ wo Jìnàŋ Dayàa nìŋ jiwe maŋ nyɛ̀nɛiŋ màŋ wèè maŋ jùumùiŋ màŋ.

Luùm 8:27

Wo Dayà nyìmàŋ kɛ̀ kiìŋ nàŋ yaà maŋ jii wi màŋ sùà. Wò nyìmàŋ e ɗeweɛ̀ wo Jinàaŋ gongà lɛ, esaɓù kɛ̀, wo Jinàaŋ zoolà wèè anyùùŋ nɛ̀ɛ̀màŋ Dayà nyaŋ e ɗewe kiiɛ̀ wo Dayà manaŋ wèè wo nyɛ̀nɛ̀ŋ lɛ.

Luùm 8:7

Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 6:8

Sèè naŋ nyùàŋ e yìwìà e ɗèwè maŋ kèìŋ nyuùnkpùuŋ màŋ sùà, nìŋ do naŋ kpàà e nànàŋ fàa e yìwìà e ɗèwe bi sùà, kɛɛ sèè naŋ nyùàŋ e yìwìà e ɗèwè wo Jìnàŋ Nɛɛmaàŋ sùà, nìŋ do wa nàwèè naŋ kpàà wɔŋ nyiiŋ gèe gò jùà.