Luùm 8:38 - WƆŊ FƐ̀Ì EBÒ SÌÀŊ DAYÀA

³⁸ Mìŋ naŋ tùlìè e hààwe mɛ̀ jii kɛ̀ e nɛ̀ŋ gbiŋ fè wèè eim gè è mànàŋ Dayàa sùà. E fè pɛɛ è fàa ɔ̀ɔ̀ wɔ̀ŋ nyiiŋ gèe, aŋ màikà ɔ̀ɔ̀ anyùùŋ gbèègbèè ko àìjɛnɛ̀ŋ nyaŋ yaà maŋ gaàŋ gbeegbèè joo, miŋ dò nàŋ sɔ̀ e jàmaìŋ lɛɛ̀ ɔ̀ɔ̀ e yèɛ do nàŋ hnè lɛ, fèim gè è mànàŋ Dayàa sùà.

Luùm 8:38 ပူးပေါင်းရင်းမြစ်များ

Jɔ̀ɔŋ 10:28

Yèè mìŋ do nyiŋ nàŋ kìɛ̀ŋ wɔŋ nyiiŋ gèe gò jùà, yèè kɛ̀ aŋ naàŋ wa nàwèè ɓɛìŋ fɔ̀. Wo nyùùŋ gbiŋ fèim nyiŋ ɓɛ̀nɛ̀ŋ gè kò sìwè.

Luùm 14:7

E fèìŋ wɔ̀ŋ nyiiŋ gèeɔ̀ sùà wèè yàwi bi nɔŋ, e kìlà e fèiŋ fà wèè yàwi bi nɔŋ.

Luùm 14:8

Sèè è nɔ̀ìŋ wɔŋ nyiiŋ gèeɔ̀ sùà, kɛ̀ è yaà wèè esàɓù wo Kanaà è yààìŋ wɔŋ nyiiŋ gèeɔ̀ sùà, e kìlà sèè è fàìŋ, kɛ̀ è yaà esàɓù wo Kanaà è naiŋ fɔ̀. Weètii sèè eiŋ nɔ̀ŋ wɔŋ nyiiŋ gèeɔ̀ sùà ɔ̀ɔ̀ eiŋ fà, wo Kanaà nàŋ kanaŋ yàwi nààŋ gbiŋ.

Luùm 4:21

Wo Eɓulɔhɛɛ̀ŋ kuwa wa e hààwe sɛmɛ kɛ̀ wo Dayà do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wo nyɛ̀nɛ̀ŋ lɛ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

1 Kɔliìŋ 15:24

Kpeiŋ kɛ̀ e teengaà haì wèè e ɗuunyaàŋ e jùà, wo Jisɛ̀ Kulaì do nàŋ pɔ̀ɔ̀pɔ̀ɔ̀ anyùùŋ gbèègbèè gààŋ nyaŋ gbiŋ wo pɔ̀ɔ̀pɔ̀ɔ̀ maŋ gààŋ maŋ gbiŋ, kɛ̀ wò gè e kanaà kùàŋ wò niŋ kìɛ̀ŋ wo Dayà wo Dèdaà.

2 Kɔliìŋ 11:14

Kɛɛ, tɛɛ̀ ɓɔ̀ è foonò nyùùŋ! Wo Sɛ̀tanàŋ wuŋ bi pɛɛ naŋ wa ɓemè, e kìlà wo tɔ̀ɔ̀ wuŋ bi wèè wo nɔ̀ŋ mààŋ wo màìkà e gbolòùŋ gbee bà!

2 Kɔliìŋ 4:13

Wɔŋ fɛ̀ì Dayàa wààŋ, “mìŋ naŋ gbòò esaɓù kɛ̀ mìŋ kuwa e hààwe.” E hààwè guùŋ bi yàwi pɛɛ è kuwa nyiiŋ wi màŋ sùà wèètii è gboo.

Ɛfesɔ̀ 1:21

Wuŋ nàŋ yaà kìlìè e kana maŋ gààŋ maŋ gbiŋ diɛŋ e kpùlìà aŋ jìnàŋ nyaŋ yaà e ɗùùnyàŋ sùà yaà anyuùŋ gbeegbèè nyiŋ nyàŋ gbiŋ diɛŋ. Wò kuwa e dèè, è nìàŋ maŋ dèè gààŋ maŋ gbiŋ e ɗuunyaŋ lɛɛ̀ sùà, e kpùlìà e ɗuunyaàŋ e yèɛ pɛɛ do nàŋ hnè lɛ.

Kòlo 1:16

E saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ ko àìjɛnɛ̀ŋ yaà e dììɛ diɛŋ, maŋ yè maŋ nìŋ yɛmɛ̀ e kìlà niŋ fè yɛmɛ̀ maŋ, e kpùlìà aŋ jinàŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ. Wo Dayà naŋ wa bànè e ɗuunyaàŋ gbiŋ e saɓùuŋ nɛ̀ sùà yèè e weèuŋ.

Kòlo 2:15

Wo Jisɛ̀ Kulaì wɔŋ vànèkpaa wiiŋ diɛŋ, naŋ wa bìlɛ̀ŋ wuŋ bi e yìwìà e gààŋ aŋ sìèfèìŋ aŋ jìnàŋ nyaŋ yaà e gààaŋ anyùùŋ gbeegbèè nyiŋ nyàŋ sìwè. Wò naŋ nyɛ̀nɛ̀ŋ anyùùŋ aŋ nyiŋ yɛmɛ̀ nààŋ àŋ yaà nyiŋ wa kòasùà mààŋ aŋ ɗò ɗùà e ɓùlauŋ nɛ̀ sùà.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Hiɓu 11:13

E yìwìà e hààwe sùà anyùùŋ nyɛɛ̀ŋ gbiŋ naŋ wa fɔ̀. Aŋ gò wa yɛ̀mɛ̀ mànɛ̀ŋ maŋ wò Dayà naŋ wa jɔ̀ɔ̀ è ɗààhiì kɛ̀ wò do nyiŋ wa nàŋ kiɛ̀ŋ lɛ, kɛɛ àŋ naŋ miŋ wa yɛmɛ̀ koɓɛ̀ dii yèè àŋ naŋ miŋ ɓeè, yèè àŋ naŋ nyimèè kɛ̀ àŋ yaà wa nɔŋ aŋ nyùùnèènyɛiŋ yèè anyùùŋ fuɔŋ joo e dììɛ diɛŋ.

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.