Luùm 8:37 - WƆŊ FƐ̀Ì EBÒ SÌÀŊ DAYÀA

³⁷ E yìwìà maŋ keì nyìnga wi màŋ gbiŋ sùà, èiŋ ɓùlà, esàɓù Jisɛ̀ɛ sùà wo yèɔ mànàŋ wì wɔ.

Luùm 8:37 ပူးပေါင်းရင်းမြစ်များ

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Luùm 8:35

Ɓòò naàŋ naŋ wi ɓɛ̀nɛ̀ŋ gè è mànàŋ Jisɛ̀ Kulaìɛ sùà? È ɓɛ̀nɛ̀ŋ nɔ̀ŋ e keì nyìnga, ɔ̀ɔ̀ e mɔ̀ɔ̀nɛŋ, ɔ̀ɔ̀ wo nyùùŋ wo wi nimilà, ɔ̀ɔ̀ sèè è goiŋ kɛ̀ɛ̀nɛ̀ŋ nɛ̀ŋje, è goiŋ kɛ̀ɛ̀nɛ̀ŋ màŋ dèè wèè eiŋ kpàà, maŋ nyiiŋ wi màŋ nɔ̀ŋ e keì nyìnga dìì ɔ̀ɔ̀ e fàa?

1 Kɔliìŋ 15:54

Sèè tii kaaàŋ, maŋ kpùnaŋ wi màŋ è kuwa màŋ naŋ yɔkpɔ̀ yèè màŋ fà lɛ, màŋ do nàŋ vɔɔnɔ̀ŋ koɓɛ̀ maŋ kpùnaŋ gò fà wèè julɔfɔ. Kpeiŋ kɛ̀ e mìè sùà fɛ̀ì Dayàa è nɔ̀ŋ tɔ̀ɔ̀nyaàŋ, “E fàa è nɔ̀ŋ pɔ̀ɔ̀pɔɔ niŋ, wo Dayà ɓùlà ke gùnɛɛ̀ŋ è jùà jɛ̀wɛ̀ kpɔ̀.”

1 Kɔliìŋ 15:57

Kɛɛ Dayà esɛ̀ wèè mùŋ naŋ dàngè wo Kana wiɔ̀ Jisɛ̀ Kulaì wò naŋ wi nyɛ̀nɛ̀ŋ è naiŋ ɓùlò ke gùnɛɛ̀ŋ.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

2 Kɔliìŋ 12:9

Kɛɛ wò naŋ fasàì wààŋ, “E kìɛŋ tɛ̀ɛ̀tɛ̀ɛ̀ mɛ̀ nɔŋ mùŋ kuwa maŋ kɛɛnɛ̀ŋ, yèè e gaàŋ mɛ̀ nàŋ yaà e gbeeɛ̀ sèè mùŋ yɔkpɔ̀.” Kpeiŋ kɛ̀ ke jii kèim fà wèè ka kɛ̀ɛ̀ maŋ nyòngà wèè e yɔ̀kpɔ mɛ̀, e wèè ka yɛ̀mɛ̀ e gààŋ Jisɛ̀ Kulaìɛ yɛmɛ̀ nyùùŋ diɛŋ lɛ̀ ko diɛim.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

1Jɔ̀ɔŋ 4:10

Tɛɛ̀ nàŋ yaà e mànaŋ, e fè kɛ̀ yàwi naŋ mɔ̀nɔ̀ŋ wo Dayà, kɛɛ kɛ̀ wo Dayà naŋ wi mɔ̀nɔ̀ŋ, wèètii wò naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ e nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya.

1Jɔ̀ɔŋ 4:19

È mànàìŋ aŋ dàwi wi nyàŋ esaɓù kɛ̀ wo Dayà, jiɛ̀ naŋ wi mɔ̀nɔ̀ŋ.

1Jɔ̀ɔŋ 4:4

Nyɛ̀iŋ nààŋ jɔ̀àim nyàŋ, wo Dayà nàŋ kànàìŋ, yèè nàŋ ɓùlà aŋ wɛ̀ijì tòa nyɛɛ̀ŋ. Esaɓù kɛ̀ wo Jìnàŋ Dayàa yààìŋ sùà yèè wò kuwa gaàŋ zimgbe e nìàŋ wo jinàaŋ yàa e ɗuunyaàŋ sùà wɔ.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.

Maŋ kèì nyɛɛnɛŋ 17:14

Aŋ kana nyɛɛ̀ŋ gbiŋ do nàŋ sùmìè wo Ɓaawaaà. Kɛɛ wo Ɓaawaaà, e kpùlìà aŋ yè nyaŋ wò naŋ tàeɗùù yèè àŋ yaà anyuùŋ tùlìà jii e kìlà àŋ nauŋ dè maŋjɛ̀wɛ nyaŋ, do nyiŋ nàŋ ɓùlò, esaɓù kɛ̀ wò yaà wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔ̀ɔ̀ŋ nyaŋ gbiŋ diɛŋ.”

Maŋ kèì nyɛɛnɛŋ 21:7

Anyùùŋ nyaŋ do nàŋ ɓùlò nyaŋ, nyiŋ mìŋ do nàŋ kìɛ̀ŋ e kpùùmaŋ lɛɛ̀. Mìŋ do nàŋ nɔ̀ŋ wo Dayà nyiŋ nɔɔ̀ŋ yèè àŋ do nàŋ nɔ̀ŋ aŋ jɔ̀àim.

Maŋ kèì nyɛɛnɛŋ 3:9

Kòmaìŋ tɛɛ̀! Sèè è nɔ̀ŋ wèè anyùùŋ nyiiŋ, ke gbòò anyùùŋ màŋjɛ̀wɛ̀ Sɛ̀tanàŋ nyaŋ, anyuùŋ tòa nyiiŋ naŋ yɛi ɓèmè nyiŋ bi wèè aŋ nɔ̀ŋ aŋ Juùù nyuuŋ kɛɛ aŋ fè àŋ Juùù nyaŋ, mìŋ do nyiŋ nàŋ nyɛ̀nɛ̀ŋ aŋ hnàŋ aiŋ kìɛ̀ŋ ɓɛ̀ɛ̀jàa. Àŋ do nàŋ nyìmè kɛ̀ mìŋ mànàìŋ.