Luùm 8:3 - WƆŊ FƐ̀Ì EBÒ SÌÀŊ DAYÀA

³ E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

Luùm 8:3 ပူးပေါင်းရင်းမြစ်များ

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 9:24

Anyuùŋ gbeegbèè nyaŋ naŋ ɓɛìŋ nyààŋ wo felaaà kuwa wa weè le fɛɛ̀ zììle lɛ̀ wɔ yèè àŋ nauŋ woò nyààŋ, “Ɓèmè e ɗààhiì e dèè Dayàa diɛŋ wèè muŋ woò e tɔɔɓaaà. È nyìmàŋ kɛ̀ wo Jisɛ̀ wɛɛ̀ naum yaà sùngò wɔ wò yaà wo nyùùŋ maŋ jùumù.”

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 6:6

Èiŋ nyìmàŋ kɛ̀ nààŋ wo Jisɛ̀ Kulaì naŋ wa fɔ̀ɔ̀yɛ̀ wɔŋ vènèkpaaà diɛŋ, yaà maŋ kpùnàŋ jùumù wi màŋ naŋ wa fɔ̀ɔ̀yɛ̀ koɓɛ̀ guùŋ. Tɛɛ̀ naŋ wa kaaìŋ wèè e nyɛ̀nɛ̀ŋ e gààŋ maŋ kpùnàŋ jùumù wi màŋ nɔ̀ŋ pɔ̀ɔ̀pɔɔ niŋ, wèè e go wi ɓɛìŋ nàŋ nyɛ̀nɛ̀ŋ eiŋ nɔ̀ŋ aŋ ɗo wèè maŋ jùumù nyɛ̀nɛŋ.

Luùm 7:18

Kà nyìmàŋ kɛ̀ e gààaŋ wèè ka nyɛ̀nɛ̀ŋ e keì è yèɛ yaà tɛ̀ɛ̀ lɛ e fè kè kpùnaŋ miɛ̀ŋ sùà. Sèè pɛɛ ka kɛ̀ɛ̀nɛ̀ŋ ɗèwe wèè ka nyɛ̀nɛ̀ŋ e tɔ̀ɔ̀nyaàŋ, miŋ fè niŋ ɓɛ̀nɛ̀ŋ nyɛ̀nɛŋ.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Gàla 3:21

Kɛɛ tii naŋ tɔɔ̀ ke Sàwàa naŋ gììyè e ɗààhìì Dayàa maŋhɛɛ? Kpele, ke gò niŋ gììyà màŋhɛɛ! Sèè ke sàwà bà gbiŋ ke weè nɔ̀ŋ wèè ke wi kìɛ̀ŋ wɔŋ nyiiŋ gèe, wo Dayà do wi weè nàŋ jàà kùàŋ dìì e tɔ̀ɔ̀nyaàŋ sùà, sèè è jɔɔlɔ̀ìŋ ke sàwà bi dìì.

Fèle 2:7

E nɛ̀ɛŋ nyɛ̀nɛ̀ŋ tɛɛ̀ nɔ̀ŋ yɛi lɛ̀, e yìwìà e mànàŋ wuŋ biɛ̀ sùà, wò naŋ wa kìɛ̀ŋ ke kpùnauŋ nɛɛ̀ŋ gbiŋ koɓɛ̀ Dayài, yèè wò naŋ ɓèmè wuŋ bi wèè wo nɔ̀ŋ wo ɓɔìjɔ̀à. Wò naŋ ɓèmè wɔŋ kɔ̀ɔ̀ nyuùŋkpùuŋ, yèè wò naŋ nɔ̀ŋ wo nyuùŋkpùuŋ mààŋ yàwi bi.

Hiɓu 10:12

Wo Jisɛ̀ Kulaì naŋ wa kìɛ̀ŋ wuŋ bi e saaà gèeo sùà, e sàà gè ɗì guùŋ bi kuwa sɛmɛmaŋ, yèè è teenga gbiŋ è guo maŋ jùumù wi màŋ, e kìlà wò naŋ jɛ̀ì wɔŋ kùàŋ jìkà Dayàa wèè woo jèè jɛ̀i.

Hiɓu 10:14

E yìwìà è sàà gè ɗì gunùuŋ nɛ̀ wò naŋ gè lɛ, è naŋ gùò maŋ jùùmù anyùùŋ nyaŋ yèè àŋ nɔ̀ŋ anyùùŋ nɛɛmaŋ.

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.