Luùm 8:2 - WƆŊ FƐ̀Ì EBÒ SÌÀŊ DAYÀA

² Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

Luùm 8:2 ပူးပေါင်းရင်းမြစ်များ

Jɔ̀ɔŋ 4:10

Wo Jisɛ̀ naŋ wòò wo nìeɔ̀ wààŋ, “Sèè maŋ weè nyìmàŋ e nɛ̀ɛŋ wo Dayà kiɛ̀ŋ anyùùŋ lɛ, yèè miàim wo nyùnɔ̀ɔŋ yààùm daawe wèè e wuiyè tìa wɔ̀, mùŋ heuŋ nàŋ dawè, yèè wò heum nàŋ kìɛ̀ŋ e wùìyèɛ e yèɛ kiɛ̀ŋ wo nyùùŋ wɔŋ nyiiŋ gèe gò jùà lɛ.”

Jɔ̀ɔŋ 4:14

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Jɔ̀ɔŋ 8:32

Nìŋ do nàŋ nyìmè e tɔ̀ɔ̀nyaàaŋ, yèè e tɔ̀ɔ̀nyaàaŋ doiŋ nàŋ joeyè.”

Jɔ̀ɔŋ 8:36

Sèè miàim wo Jɔ̀àfelaaà kaum dangè maŋ ka foo, kɛ̀ màŋ nɔ̀ŋ e jòèyeum julɔfɔ.

Luùm 16:3

Mìŋ naŋ tùɔ̀ŋ maŋ mìè gbìàŋ zùùmo titi mɛɛ̀ŋ koɓɛ̀ wo nìeɔ̀ Pikà yaà wo fanuuŋ nɔɔ̀ŋ Àkuilà, anyuùŋ tòmo dàwiim nyàŋ wo Jisɛ̀ Kulaì sùà.

Luùm 3:27

Kiìŋ è kùwàìŋ naàŋ wèè eiŋ kɛ̀ɛ̀ maŋ nyòngà? E nɛ̀ŋ gbiŋ fè! Yèè kiìŋ nàŋ yaà esaɓùɛ wèè tɛɛ̀? Ɓàà è yaà wèè maŋ Sàwà Dayà maŋ è jɔɔlɔ̀ìŋ dìì maŋ? Kpele, è yaà wèè esàɓù e hààweɛ̀ è kùwàìŋ Jisɛ̀ Kulaì sùà lɛ.

Luùm 5:21

Kpeiŋ sèè è nɔ̀ŋ yɛi, màànààŋ nɔŋ e jùumù kuwa gààŋ esàɓù e fàa lɛ̀, yɛi nɔŋ pɛɛ è yaà e tɛ̀ɛ̀tɛ̀ɛ̀ Dayàa kuwa gààŋ esàɓù e tɔ̀ɔ̀nyaàŋ, esaɓù kɛ̀ wò wi jàà kùàŋ dìì esàɓù wo Kana wiɔ̀ Jisɛ̀ Kulaì. Tɛɛ̀ naŋ tɔɔ̀ kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùà wèè julɔfɔ.

Luùm 6:14

Ɓɔ̀ nìŋ nyimèè wèè è jùumù do kɛ̀ɛ̀nɛ̀ŋ gààŋ màŋ nyiiŋ gèeiŋ màŋ diɛŋ. Nìŋ yaà e gààŋ e tɛ̀ɛ̀tɛ̀ɛ̀ Dayàa dìì, kɛɛ e fè e gààŋ kè sàwàa dìì.

Luùm 6:18

Wo Dayà naiŋ wa gè e gààŋ jùumù dìì yèè nìŋ naŋ kìlè aŋ ɗò tɔ̀ɔ̀nyaàŋ koɓɛ̀ Dayài.

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

Luùm 7:21

Mìŋ naŋ yɛmɛ̀ kɛ̀ ke sàwà yɛɛ̀ kè yaà toomo. Sèè mìŋ mɔnɔŋ wèè ka nyɛ̀nɛ̀ŋ e yèɛ yaà tɛ̀ɛ̀ lɛ, e keì naanààŋ nyɛ̀nɛŋ nɔŋ nàŋ dèìm ke jii wèè ka nyɛ̀nɛ̀ŋ.

Luùm 7:23

Kɛɛ ke kpùnaŋ miɛ̀ŋ gbiŋ sùà, mìŋ naŋ yɛmɛ̀ kɛ̀ e nɛ̀ŋ bà kòò è yaà sùmìàŋ sùà ke sàwàa mìŋ naŋ jàà kùàŋ dìì ke jii miɛ̀ŋ sùà yɛ. È naim nyɛ̀nɛ̀ŋ wo ɗo e jùumù dìì e yèɛ toomàŋ e kenìŋ mɛ̀ sùà wèè manɛ̀ŋ maŋ gbiŋ mìŋ nyɛnɛŋ màŋ.

Luùm 7:4

Yɛi nɔŋ è yaà ko nɛ̀ɛ̀iŋ niìŋ nyɛ̀iŋ nààŋ wùìyaim nyàŋ. Nyɛ̀iŋ pɛɛ nàŋ fòlà e gààŋ ke sàwàa dìì esaɓù kɛ̀ nìŋ yaà aŋ bàiŋbà wèè ke kpùnàŋ Jisɛ̀ Kulaìɛ naŋ fɔ̀ɔ̀yɛ̀ wɔŋ vànèkpaaà yɛ̀. Wuŋ nàŋ yaà wo yèɔ wo Dayà naŋ wa gè e fàaà dìì wɔ, wuŋ nàŋ kànàìŋ wèè kɛ̀ è naiŋ ɓɛ̀nɛ̀ŋ nɔ̀ŋ anyuùŋ kɛnɛ e tòmò Dayàa sùà.

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

2 Kɔliìŋ 3:17

Ke mìè gbòa yɛɛ̀ sùà, “Wo Kanaà” nàŋ yaà wo Jinàaŋ Dayàa. Koɓɛ̀i wo Jìnàŋ Kanaà yaà fɛɛ̀feìŋ lɛ, kuŋ e nyaàŋ gè diɛŋ è nɔ̀ŋ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

Gàla 2:19

Ke Sàwàa kiiŋ bi naim wa jìwè, yèè kè naim joeyè e yìwìà e gaàŋ nyiŋ nɛ̀ dìì, wèè ka nɔ̀ŋ wɔŋ nyiiŋ gèe miɔ̀ŋ sùà wèè wo Dayà. E kìlà àŋ naŋ wi jìwìè wɔŋ vànèkpaa diɛŋ yàwi nààŋ Jisɛ̀ Kulaì.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

Gàla 6:2

Sèè nìŋ naŋ kìɛ̀ŋ wɔŋ kùàŋ kpùùmaŋ aŋ dàwiiŋ nyàŋ, kɛ̀ nàŋ jɔ̀ɔ̀lɔ̀ ke sàwà Jisɛ̀ Kulaìɛ dìì.

Jìiiŋ 1:25

Kɛɛ wo nyùnɔ̀ɔŋ naŋ kpɛ̀nɛ̀ŋ ke miè gbìaŋ yɛɛ̀ tɛ̀ɛ̀ wɔ, yèè wo jèè nyìnìè e nɛ̀ɛŋ kè naŋ woò lɛ, wo Dayà do nàŋ kpùùmò wo nyùùŋ mààŋ wii. Yèè ke miè gbìaŋ yii nàŋ yaà, ke sàwà jìlɛɛ̀ŋ joeyà anyùùŋ lɛ.

Maŋ kèì nyɛɛnɛŋ 11:11

Nààŋ maŋ ɗɔ̀ɔ̀ taai gbànaŋ naŋ maaŋ, wo Dayà naŋ nyiŋ kɛ̀lɛ̀ɛ̀ nyiiŋ mìàŋ, yèè àŋ nàŋ sie. Anyùùŋ nyaŋ gbiŋ naŋ nyiŋ yɛmɛ̀ nyaŋ, e jùù naŋ nyiŋ nyɛ̀nɛ̀ŋ.

Maŋ kèì nyɛɛnɛŋ 22:1

Wo màikàa naim tɔ̀ɔ̀ e wuiyè gbee e nyaàiŋ dè e wuiyè sengèì kùwìè nyiiŋ gèeɔ̀, e yèɛ folo ke kpùà kanaà dìì ke yèɛ wo Dayà yaà Ɓaawaaà jaà diɛŋ lɛ̀,