Luùm 8:18 - WƆŊ FƐ̀Ì EBÒ SÌÀŊ DAYÀA

¹⁸ Mìŋ naŋ haawè kɛ̀ e mɔ̀ɔ̀nɛɛ̀ŋ è yààìŋ naàŋ kɔ̀ɔ̀yɛ̀ dìì e teenga lɛɛ̀ sùà lɛ, e fè niŋ ɓɛ̀nɛ̀ŋ gbɛ̀ɛ̀nɛ̀ŋ è jòòwoɛ̀ wò Dayà do wi nàŋ tɔɔ̀ lɛ.

Luùm 8:18 ပူးပေါင်းရင်းမြစ်များ

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Luùm 8:19

Manɛ̀ŋ maŋ gbiŋ wo Dayà naŋ banè maŋ e ɗuunyaàŋ lɛ, màŋ yaà fùlìè e teenga titiɛ̀ wèè wo Dayà tɔɔ̀ kɛ̀ ɓòò nàŋ yaà aŋ jɔ̀àuŋ nyàŋ.

Kòlo 3:4

Wɔŋ nyiiŋ gèe kɛnɛiŋ nɔɔ̀ŋ nàŋ yaà wo Jisɛ̀ Kulaì, sèè wò folo wa nàwèè ɓɛìŋ ko fɛɛ̀feìŋ, kpeiŋ kɛ̀ nyɛ̀iŋ yèè wuŋ do nàŋ fòlò ko fɛɛ̀feìŋ, e kìlà nìŋ do nàŋ nɔ̀ŋ aŋ bàiŋbà e jòòwouŋ nɛ̀ sùà.

2Tɛsè 2:14

Wò naiŋ nyààŋ e keì lɛɛ̀ sùà esàɓù Ebò Siaàŋ è naiŋ woò lɛ, wò naiŋ nyààŋ wèè naŋ ɓèmè ko jeiŋ sìeì e jòòwò Kana wiɔ̀ Jisɛ̀ Kulaìɛ sùà.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Hiɓu 11:35

Esàɓù e hààwe aŋ jɔùŋ bà naŋ wa yɛ̀mɛ̀ aŋ wùìya nyiŋ nyàŋ aŋ yèwà e fàaà dìì aŋ kɛ̀ɛ̀ maŋ nyiiŋ gèe sùà. Aŋ zimgbe nyiŋ naŋ wa gè maŋhɛɛ wèè aŋ nyiŋ bilɛ̀ŋ, yèè àŋ naŋ fɔ̀ɔ̀yɛ̀ e keì nyìnga dìì, wèè wo Dayà gè nyiŋ wa nàwèè e fàa dìì wɔŋ nyiiŋ gèe kɛnɛ sùà.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.