Luùm 8:17 - WƆŊ FƐ̀Ì EBÒ SÌÀŊ DAYÀA

¹⁷ Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.

Luùm 8:17 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Luù 24:26

Niŋ nyimààŋ kɛ̀ wò Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wa wo kùwà è keì nyìnga paŋgàà wo wa nɔ̀ŋ jòòwouŋ?”

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 20:32

“Mìŋ yààìŋ naàŋ gbìàŋ sùà e gààŋ Dayàa dìì wèè woiŋ yɛ̀mɛ̀ diɛŋ. Jàaìŋ jii, ke mìè gbìàŋ Dayàa e nyaàiŋ dè ke kpèè siauŋ nɛɛ̀ŋ ko nɛ̀ɛ̀iŋ niìŋ. Nààŋ nìŋ yaà anyùùŋ Dayà lɛ, ke miè gbìaŋ yɛɛ̀ doiŋ nàŋ kpuumò keiŋ kìɛ̀ŋ e keì sìàaŋ e yèɛ wo Dayà kuwa weèiŋ lɛ̀, e kìɛ̀ŋ guùŋ nɛ nɔŋ wò kuwa wèè anyunùuŋ nyàŋ gbiŋ lɛ̀.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Luùm 5:17

È yaà tɔɔɓaa kɛ̀ esàɓù maŋ jùùmù wo anyùùŋ guùŋ sùà, e fàa naŋ kɛ̀ɛ̀nɛ̀ŋ gààŋ. Kɛɛ e sɛmɛ kɛnɛɛ̀ nàŋ yaà kɛ̀, anyùùŋ nyaŋ gbiŋ naŋ kɛ̀ɛ̀nɛ̀ŋ wɔŋ nyiiŋ gèe esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ wa nyɛ̀nɛ̀ŋ lɛ. Wo Dayà naŋ nyiŋ kìɛ̀ŋ e tɛ̀ɛ̀tɛ̀ɛ̀ gò kɛ̀ɛ̀nɛ̀ŋ dìa e yèɛ e gò tomo weè niŋ lɛ̀, yèè wò naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ.

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

1 Kɔliìŋ 2:9

Nààŋ wɔŋ fɛ̀ì Dayàa naŋ woò lɛ, “E nɛ̀ɛŋ wo nyùùŋ gbiŋ kòò yɛ̀mɛ̀ wa ɔ̀ɔ̀ kòò kòmò wa lɛ, e nɛ̀ɛŋ wo nyùùŋ gbiŋ kòò gòngò wa kè jiiò sùà kɛ̀ è ɓɛ̀nɛ̀ŋ kàaiŋ lɛ̀, tiŋ nàŋ yaà e nɛ̀ɛŋ wo Dayà naŋ banebànè wèè anyùùŋ nyaŋ mànaùŋ nyaŋ.”

2 Kɔliìŋ 1:5

Màànààŋ nɔŋ è yààìŋ aŋ bàiŋbà wèè maŋ keì nyìngà zimgbe màŋ wo Jisɛ̀ Kulaì naŋ kɔ̀ɛ̀ sùà maŋ, esàɓù Jisɛ̀ Kulaì sùà yàwi pɛɛ è yaà aŋ bàiŋbà wèè eiŋ kìɛ̀ŋ anyùùŋ e kpùùmaŋ e yìwìà e kpùùmàŋ gbèè Dayàa sùà.

2 Kɔliìŋ 1:7

Wèètii ke jii tùlia wiɛ̀ wèè nyɛ̀iŋ ke fè mɛɛmɛ̀ɛ̀ŋ gbiŋ, èiŋ nyìmàŋ kɛ̀ nààŋ nɔŋ nìŋ naŋ nɔ̀ŋ bàiŋbà wèè maŋ keì nyìnga wi màŋ è naiŋ kɔ̀ɛ̀ sùà maŋ, nìŋ yaà aŋ bàiŋbà wèè ke jii tùliaà è yɛmɛ̀ìŋ nɛ.

Gàla 3:29

Sèè mùŋ nɔ̀ŋ wo Jisɛ̀ Kulaì sùà, kɛ̀ mùŋ yaà naàŋ wo bàumbà wèè ke kpòò Eɓulɔhɛɛ̀ŋ, yèè wo Dayà doum nàŋ kìɛ̀ŋ e yèɛ wo naŋ ɓèèmè e ɗààhiì diɛŋ lɛ̀.

Gàla 4:7

Niŋ fè ɓɛìŋ aŋ ɗo. Nààŋ nìŋ yaà naàŋ aŋ jɔ̀à Dayà lɛ, wò Dayà doiŋ nàŋ kìɛ̀ŋ e yèɛ wò naŋ ɓèmè e ɗààhiì wèè wo kìɛ̀ŋ aŋ jɔ̀àuŋ nyaŋ lɛ.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

Taitɔ̀ 3:7

Wò naŋ tɛɛ̀ nyɛ̀nɛ̀ŋ e wèè kɛ̀ esàɓù e tɛ̀ɛ̀tɛ̀ɛ̀ Jisɛ̀ Kulaìɛ sùà, wuŋ Dayà wo wi jàà kùàŋ dìì koɓɛ̀ wuŋ biì mààŋ anyùùŋ tɔ̀ɔ̀nyaàŋ, wèè eiŋ kùwìè ke jii tùliaà kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùàa wo Dayà naŋ wi wa sɔ̀ dèè wɔŋ.

Hiɓu 1:14

Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

Hiɓu 1:2

kɛɛ maŋ ɗɔɔ dìàmaŋ mɛɛ̀ŋ sùà, wò naŋ gbòò ko nɛ̀ɛ̀ŋ wiì e yìwìà wo Jɔ̀àfelaauŋ nɔɔ̀ŋ sùà. E saɓùuŋ nɛ̀ sùà wo Dayà naŋ wa bànè ko àìjɛnɛ̀ŋ yaà e ɗuunyaàŋ. Wuŋ wo Dayà naŋ tàeɗùù wèè wo nɔ̀ŋ wo nyuùŋ kɛ̀ɛ̀nɛ̀ŋ manɛ̀ŋ maŋ gbiŋ e teengaà e ɗuunyaàŋ juo wa nàwèè lɛ.

Hiɓu 6:17

Sèè wo Dayà mɔnɔŋ wa wèè wo tɔɔ̀ janjai kɛ̀ wò do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wo nyɛ̀nɛ̀ŋ lɛ, wo fè kìlà kè jiiuŋ nɛɛ̀ŋ, kɛɛ wò gboonàŋ e nyaàiŋ dè e ɗààhiì bi.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

1Pììlɛ 1:4

weètii è yɛmɛ̀ìŋ ko dòmàŋfeìŋ wèè eiŋ kɛ̀ɛ̀nɛ̀ŋ maŋ kpùùmaŋ bàne màŋ wo Dayà naŋ bànè ko hàa wèè anyunùuŋ nyàŋ maŋ. Wò naŋ miŋ bànè hàa weèiŋ ko àìjɛnɛ̀ŋ, ko yèi maŋ fè hèwà ɔ̀ɔ̀ maŋ pɔɔ̀ ɔ̀ɔ̀ maŋ kùwìè è tɔ̀mɛ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

Maŋ kèì nyɛɛnɛŋ 21:7

Anyùùŋ nyaŋ do nàŋ ɓùlò nyaŋ, nyiŋ mìŋ do nàŋ kìɛ̀ŋ e kpùùmaŋ lɛɛ̀. Mìŋ do nàŋ nɔ̀ŋ wo Dayà nyiŋ nɔɔ̀ŋ yèè àŋ do nàŋ nɔ̀ŋ aŋ jɔ̀àim.

Maŋ kèì nyɛɛnɛŋ 3:21

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e tɔ̀ɔ̀nyaàŋ wèè aim jɛ̀ì kɔɔ ke kpùà kana miɛ̀ŋ diɛŋ, màànààŋ nɔŋ mìŋ naŋ wa ɓùlò yèè mìŋ naŋ jɛ̀ì wo Dèda miɔ̀ŋ kɔɔ ke kpùà kanauŋ nɛɛ̀ŋ diɛŋ lɛ̀.”