Luùm 8:15 - WƆŊ FƐ̀Ì EBÒ SÌÀŊ DAYÀA

¹⁵ Wo Jinàaŋ wo Dayà naŋ wi kiɛ̀ŋ wɔ, wo fè wi mììnè àŋ ɗo, yèè wo fè wi sìà jùù. Kɛɛ wò nyɛ̀nɛ̀ŋ wì eiŋ nɔ̀ŋ aŋ jɔ̀àuŋ yèè euŋ nyààŋ wo Dèda wiɔ̀.

Luùm 8:15 ပူးပေါင်းရင်းမြစ်များ

Maafiù 25:25

E jùùɛ yààìm mɛ̀iŋ, kpeiŋ mìŋ naŋ kɔ̀ mìŋ naŋ tòmò e dììɛ yèè mìŋ nao nyɛ̀ɛ̀nɛ̀ŋ e pàtaà tààsùùŋ guùŋ nɛ mùŋ naim mɛ̀iŋ kiɛ̀ŋ lɛ. Weètii e yèɛ naum sɔ̀ dèè lɛ tɛɛ̀.’

Luù 11:2

Wo Jisɛ̀ naŋ nyiŋ woò wààŋ, “Sèè nìŋ nɔ̀ŋ zoolo, tɛɛ̀ nìŋ woà, ‘Dèda, tɔ̀ e dèè nɛɛmaŋ mɔ̀ɛ̀ nɔ̀ŋ jòòwo niŋ. Tɔ̀ e Kana mɔ̀ɛ̀ hnàŋ,

Luù 22:42

Wò naŋ zoolò wààŋ, “Dèda, sèè mùŋ mɔnɔŋ, gèim wɔŋ kpòò keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ e kaaìŋ lɛ̀.”

Luù 8:28

E teengaà wo felaaà naŋ wa yɛ̀mɛ̀ wo Jisɛ̀ lɛ, wò naŋ dè maŋ gɛ̀ɛ̀ŋ nùuŋ màŋ dììnaŋ ko fɛɛ̀fenùuŋ yèè wò naŋ kpààŋ sɛiiŋ, wààŋ, “Kiìŋ mùŋ manaŋ maim nyiniàŋ, Jisɛ̀, Jɔ̀àfèlàà Dàyà Gaàŋ Gbeeɔ̀? Kɔ̀nɛɛ̀ŋ ɓɔ̀ mùŋ nimilàim.”

Luù 8:37

Kpeiŋ anyùùŋ nyaŋ gbiŋ maŋ kpàlàùŋ kpàlàùŋ miiŋ sùà e gbɛ̀ɛ̀ ko Gɛ̀lesà naŋ pɔ̀wɔ̀ wo Jisɛ̀ wèè wo yèwà wɔŋ fuɔŋ nyiŋ nɔɔ̀ŋ sùà, esaɓù kɛ̀ e jùù naŋ wa nyɛ̀nɛ̀ŋ aŋ gbiŋ. Wo Jisɛ̀ naŋ sɛ̀ɛ̀ wɔŋ gɔɔ̀ sùà wò naŋ kɔ̀.

Jɔ̀ɔŋ 16:8

Wo nyùùŋ bà gbiŋ e ɗuunyaŋ lɛɛ̀ wòim ɓɛ̀nɛ̀ŋ wòo kɛ̀ kiìŋ nàŋ yaà maŋ jùumù? Kɛɛ sèè wo Jìnàŋ Nɛɛmaàŋ wò hnàŋ, wò do nàŋ wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ e nyaàiŋ dè maŋ jùumù nyiŋ màŋ, e tɔ̀ɔ̀nyààŋ Dayàa yèè e kitiuŋ nɛ̀.

Jɔ̀ɔŋ 20:17

Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

Nyɛ̀nɛ̀ŋ 16:29

Wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ dawè wèè ke sìnga kùwa, yèè wò naŋ kɔ̀ɔ̀ maŋ dùàŋ wo jɔ̀à ko sààŋ nyìwìi; e jùùɛ yaàùŋ wa wò gè jèla kpàkpà yèè wò naŋ kɔ̀ wo sɔ̀à ko dììnaŋ wo Pɔɔ̀ yèè wo Silà fɛɛ̀feìŋ.

Nyɛ̀nɛ̀ŋ 2:37

Nààŋ anyùùŋ nyaŋ naŋ wa tɛɛ̀ kòmò, maŋ jii nyiŋ màŋ naŋ wa kpòlòkpòlò sùà yèè àŋ naŋ dàwè wo Pììlɛ yaà aŋ keela tàeɗùù nyaŋ nyààŋ, “Wùìya wi nyàŋ, kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

Luùm 8:16

Wo Jìnàŋ Nɛɛmaàŋ toomàŋ aŋ jinàŋ wi nyàŋ kùàŋ sùà wèè wo woò wààŋ è yààìŋ aŋ jɔ̀à Dayà.

Luùm 8:23

Kɛɛ e fè nɔŋ mànɛ̀ŋ bàne màŋ miiŋ guùŋ maŋ nɔ̀ŋ gùlìè ɗìòsùà. Kɛɛ yàwi bi pɛɛ aŋ yè nyaŋ wo Jìnàŋ Kanaà Dayà yaà sùà nyaŋ, wèè eiŋ nɔ̀ŋ e nɛ̀ŋ jiɛ̀jiɛ̀ɛ wo Dayà naŋ wi kiɛ̀ŋ lɛ, guliàìŋ maŋ ɗìòsùà, nààŋ è yààìŋ fùlìè wo Dayà wèè wo wi ɓemè wèè èiŋ nɔ̀ŋ aŋ jɔ̀àuŋ. Tɛɛ̀ naŋ tɔɔ̀ kɛ̀ wò do nàŋ jòèyè maŋ kpùnaŋ wi màŋ gbiŋ e yìwìà e ɗò maŋ jùumù dìì.

Luùm 8:26

E ɗèwè guùŋ bi sùà wo Jìnàŋ Kanaà Dayà wò hnàŋ wèè wo wi kpuumàŋ, jòòpɛɛ è yààìŋ zɔ̀kpɔ̀ wèè eiŋ zòòlò Dayà. Esaɓù kɛ̀ e nyimàìŋ kɛ̀ kiìŋ è zoolàìŋ weè niŋ, kɛɛ wo Jìnàŋ Kanaà Dayà zoolà Dayà weè wi maŋ mìè bà sùà maŋ yè maŋ wo nyùùŋ gbiŋ fè ɓɛ̀nɛ̀ŋ gbòa màŋ.

Luùm 9:4

Anyùùŋ Ezɔ̀ɛ̀ nyaŋ, nyiiŋ wo Dayà naŋ tàeɗùù. Wò naŋ nyiŋ ɓemè wèè aŋ nɔ̀ŋ anyunùuŋ. Wò naŋ nyiŋ tɔ̀ɔ̀ e jòòwouŋ nɛ̀, yèè wò naŋ bànè e ɗààhìì e mìèsùàguùŋ ko nɛ̀ɛ̀ŋ nyiŋ niìŋ yèè wò naŋ nyiŋ kìɛ̀ŋ maŋ Sàwàuŋ màŋ. Nyiiŋ nàŋ kanaŋ e ɗèwè kìì zòòlo kɛnɛɛ̀ yèè e ɗààhiìɛ wo Dayà naŋ ɓèmè ko nɛ̀ɛ̀ŋ nyiŋ niìŋ lɛ.

1 Kɔliìŋ 2:12

Kòò è kùwìèìŋ wò jinàŋ wèè è ɗuunyaŋ lɛɛ̀, kɛɛ è kùwàìŋ wo Jìnàŋ Dayàa wò naŋ tùɔ̀ŋ wɔ, wèè eiŋ nyìmàŋ maŋ kìɛŋ màŋ gbiŋ wo Dayà naŋ wi kiɛ̀ŋ maŋ.

2 Kɔliìŋ 11:4

È naiŋ wòò e kèè Jisɛ̀ Kulaì, yèè nìŋ naŋ jàà wo Jìnàŋ Dayàa yaà ke miè gbìaŋ Ebò Siaŋ wiɛ̀ kùàŋ dìì. Kɛɛ aŋ anyùùŋ bà àiŋ wòò e kèè wo Jisɛ̀ joo. Nàŋ naàŋ banebànè wèè naŋ jàà wo jinàŋ joo yèè ke mìè gbìaŋ joo kùàŋ dìì.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

Ɛfesɔ̀ 1:5

wo Dayà wa kpɛ̀ɛ̀yɛ̀ ɗèwe kɛ̀ esàɓù Jisɛ̀ Kulaì sùà, wò do wi naŋ ɓemè wèè eiŋ nɔ̀ŋ aŋ jɔ̀àuŋ, tɛɛ̀ nàŋ yaà wa e kèè jiiuŋ nɛ̀, e yèɛ wò manaŋ wa wèè e kaaìŋ lɛ.

2Time 1:7

Wo Jinàaŋ wo Dayà naŋ wi kiɛ̀ŋ wɔ, wo fè wi sìà è jùù, kɛɛ, wo Jinàaŋ kiɛ̀ŋ wì e gààŋ, e mànaŋ, yèè wo wi nyɛ̀nɛ̀ŋ eiŋ yɛ̀mɛ̀ yàwi bi diɛŋ.

Hiɓu 2:15

Wo Jisɛ̀ naŋ wa tii nyɛ̀nɛ̀ŋ wèè wo bilɛ̀ŋ anyùùŋ nyaŋ gbiŋ yaà mààŋ aŋ ɗo maŋ nyiiŋ gèe nyiŋ màŋ gbiŋ sùà nyaŋ, esaɓù kɛ̀ àŋ yaà e jùù wèè aŋ go nàŋ fɔ̀.

Jìiiŋ 2:19

Mùŋ naŋ haawè kɛ̀ wo Dayà yaà nɔŋ wò guùŋ? Keì sìàŋ le! Aŋ jinàŋ naanààŋ nyaŋ nyiŋ pɛɛ àŋ naŋ niŋ haawè e jèèsùà àŋ jele kɔɔ kpàkpà wèè e jùù.

1Jɔ̀ɔŋ 4:18

E mànaŋ kɛnɛ kùwie wèè aŋ dàwi wi nyàŋ do wi nàŋ ɓàà e jùùɛ kɔɔ. E gòngò ngàìnɓu kùwa nàŋ sìè wì jùù kɔɔ. È tɔɔ̀ kɛ̀ tɔɔɓaa kòò è gbèèìŋ è ɗèwè è mànaŋ kùwie.