Luùm 8:1 - WƆŊ FƐ̀Ì EBÒ SÌÀŊ DAYÀA

¹ Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

Luùm 8:1 ပူးပေါင်းရင်းမြစ်များ

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 15:4

Jèeìŋ e jààneiŋ ko nɛ̀ɛ̀ŋ miìŋ, yèè miàŋ pɛɛ mìŋ do nàŋ jèè e jààneim ko nɛ̀ɛ̀iŋ niìŋ. Màànààŋ nɔŋ ke kuù kpee fè ɓɛ̀nɛ̀ŋ kòmaŋ kùàŋ kiìŋ bi sɔɔ̀ nɔŋ ke jèè e jààne nyiŋ koɓɛ̀ ke kuùkpù gbeeɛ̀ lɛ, e ɗèwè guùŋ lɛɛ̀ sùà, nyɛ̀iŋ nààŋ nyùùŋ màŋjɛ̀wɛ̀im nyàŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùùŋ maiŋ sɔɔ̀ naŋ jèè aŋ bàiŋbà nɔ̀ɔŋ ko nɛ̀ɛ̀ŋ miìŋ.”

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Luùm 16:3

Mìŋ naŋ tùɔ̀ŋ maŋ mìè gbìàŋ zùùmo titi mɛɛ̀ŋ koɓɛ̀ wo nìeɔ̀ Pikà yaà wo fanuuŋ nɔɔ̀ŋ Àkuilà, anyuùŋ tòmo dàwiim nyàŋ wo Jisɛ̀ Kulaì sùà.

Luùm 16:7

Mìŋ zuumàŋ ɓɛìŋ wo Andònikà yèè wo Junià, aŋ Juùù nyuuŋ dàwiim nyàŋ yàwi nyiŋ yààìŋ wa ko sààŋ nyìwìi koɓɛ̀ guùŋ nyaŋ. Aŋ felaa nyɛɛ̀ŋ yaà wa aŋ keela tàeɗùù, e kìlà anyùùŋ nyaŋ kiɛ̀ŋ nyiìŋ wa e ɓɛ̀ɛ̀jàa gbee, yèè nyiŋ jiɛ̀ naŋ wa nɔ̀ŋ anyùùŋ màŋjɛ̀wɛ̀ Kanaà Jisɛ̀ Kulaì nyaŋ paŋgàà miŋ naŋ nɔ̀ŋ wo bà.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Luùm 5:16

E fèemàŋ gòòno kòò è yaào e nyaàiŋ dè e nɛ̀ɛŋ wo Dayà naŋ kiɛ̀ŋ foo lɛ̀, yaà e jùùmù wo nyùùŋ guùŋ. Eɓìèmàŋjɛ̀wɛ̀ e jùùmù guùŋ lɛɛ̀, wo Dayà naŋ wi hèè e kìtì e nimilà diɛŋ. Kɛɛ eɓìèmàŋjɛ̀wɛ̀ tɛɛ̀, anyuùŋ zimgbe naŋ nyɛ̀nɛ̀ŋ maŋ jùumù yèè wo Dayà naŋ nyiŋ kìɛ̀ŋ ke mìè gbòa siaŋ wààŋ kɛ̀ wo naàŋ nyiŋ jèè è keì.

Luùm 7:17

Weètii, tɔɔɓaa miàŋ bi nàŋ fè nyìnìè màŋ keì mɛɛ̀ŋ. E jùumùɛ yààìm sùà lɛ nàŋ nyɛnɛŋ maŋ keì mɛɛ̀ŋ.

Luùm 7:20

Weètii sèè mìŋ nyɛnɛŋ maŋ keì maŋ miŋ manàŋ wèè ka nyɛ̀nɛ̀ŋ maŋ, è naŋ tɔɔ̀ kɛ̀ e fè ɓɛìŋ miàŋ bi wèè ka nɔ̀ŋ nyìnìè màŋ kèì naanààŋ mɛɛ̀ŋ. E jùumùɛ yààìm sùà lɛ nàŋ nyɛnɛŋ maŋ keì bi.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

Luùm 8:14

Anyùùŋ nyaŋ wo Jìnàŋ Kanaà Dayà toomàŋ sùà nyaŋ, nàŋ yaà aŋ jɔ̀à Dayà nyaŋ.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Luùm 8:39

Manɛ̀ŋ gààŋ maŋ ko fùùiŋ ɔ̀ɔ̀ ko dìlìi, manɛ̀ŋ bàne màŋ gbiŋ e ɗuunyaàŋ fè wi ɓɛ̀nɛ̀ŋ gè è mànàŋ Dayàa sùà è yèɛ yaà weè wi wo Kana wiɔ̀ Jisɛ̀ Kulaì sùà lɛ.

Luùm 8:4

Wo Dayà naŋ wa tɛɛ̀ nyɛ̀nɛ̀ŋ wèè kɛ̀ yàwi nààŋ yè nyaŋ yààìŋ nyiiŋ gèeɔ̀ sùà nyaŋ eiŋ jɔ̀ɔ̀lɔ̀ ke Sàwàa dìì esàɓù wo Jìnàŋ Dayàa sùà, kɛɛ e fè wèè kè nyɛ̀nɛ̀ŋ è kèìŋ nyuùŋkpùuŋ nɛ̀.

Luùm 8:9

Ɓɔ̀ mùŋ nyɛ̀nɛ̀ŋ nɔŋ è nɛ̀ɛŋ kè kpùnaŋ mɔɛ̀ŋ manaŋ lɛ̀, kɛɛ nyɛnɛ̀ŋ e nɛ̀ɛŋ wo Jìnàŋ Dayàa manaŋ lɛ̀, esaɓù kɛ̀ wò joàùm ko sùà. Wo nyùnɔ̀ɔŋ gbiŋ gò jàà wò Jìnàŋ Jisɛ̀ Kulaìɔ kùàŋ dìì wɔ, wo fè wò bàuŋbà kòɓɛ̀ Jisɛ̀ Kulaìi.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 15:22

Nààŋ nɔŋ anyuùŋ kpùuŋ nyàŋ gbiŋ naŋ nɔ̀ŋ aŋ bà nyiŋ bà wo Adamàaŋ sùà yèè àŋ naŋ fɔ̀ lɛ, yɛi nɔŋ anyùuŋ kpùuŋ nyàŋ gbiŋ naŋ nɔ̀ŋ aŋ bà nyiŋ bà wo Jisɛ̀ Kulaì sùà nyaŋ do nàŋ kɛ̀ɛ̀ wɔŋ nyiiŋ gèeɔ̀ sùà esàɓù Jisɛ̀ Kulaìɛ.

2 Kɔliìŋ 12:2

Mìŋ naŋ nyìmè wo nyuùŋ hààwè Jisɛ̀ Kulaìɔ bà guùŋ, maŋ dòà zììyà jɛ̀wɛ̀ tiinàŋ naàŋ mààŋ. Wò naŋ wa jòwò ko àìjɛnɛ̀ŋ dìà taaiì, kɛ̀ɛ̀ ɓàà tɔɔɓaa tɛɛ̀ naŋ wa kààìŋ kè kpùnaàŋ sùà ɔ̀ɔ̀ wò fè wa kè kpùnaàŋ sùà, tɛɛ̀ nààŋ miŋ nyimààŋ, wo Dayà naŋ tii nyìmè.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Gàla 5:16

E yèɛ mìŋ yaà woo lɛ̀ nàŋ yaà tɛɛ̀, tɔ̀ e gààŋ Jìnàŋ Nɛɛmaàŋ nɔ̀ŋ maŋ nyiiŋ gèeiŋ màŋ sùà, yèè ɓɔ̀ nìŋ jɔɔlɔ̀ è ɗèwè màŋ kèìŋ nyuùŋkpùuŋ màŋ dìì.

Gàla 5:25

Wo Jìnàŋ Nɛɛmaàŋ naŋ wi kìɛ̀ŋ wɔŋ nyiiŋ gèe, yèè è kuwa wèè eiŋ dè wo Jìnàŋ Nɛɛmaàŋ maŋjɛ̀wɛ.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.