Luùm 7:9 - WƆŊ FƐ̀Ì EBÒ SÌÀŊ DAYÀA

⁹ Miàŋ bi mìŋ yaà wa wɔŋ nyiiŋ gèeɔ̀ sùà paŋgàà mìŋ naŋ wa nyìmè e kèè ke sàwàa. Kɛɛ nààŋ ke sàwà naŋ naàŋ nɔ̀ŋ, e jùumù naŋ kɛ̀ɛ̀nɛ̀ŋ gààŋ wɔŋ nyiiŋ gèe diɛŋ,

Luùm 7:9 ပူးပေါင်းရင်းမြစ်များ

Maafiù 19:20

Wo kɔmɔŋ jɔaà naŋ woò wààŋ, “Kààmɔɔŋ, kà kùwà maŋ sàwà mɛɛ̀ŋ gbiŋ. Kiìŋ naŋ ɓɛìŋ joo wèè ka nyɛ̀nɛŋ?”

Luù 15:29

Kɛɛ wò naŋ wòò wo kɛ̀ɛ̀ wààŋ, ‘Yɛ̀mɛ̀, kà tomo e weèum mààŋ wo ɗo maŋ doa mɛɛ̀ŋ gbiŋ, yèè miŋ gò gììyà kè mìè gbòa mɔɛ̀ŋ màŋhɛɛ kè ɗɔ̀ɔ̀ guùŋ. Kiìŋ mùŋ naim wa kiɛ̀ŋ? Kòò mùŋ kìɛ̀ìm pɛɛ wò diì jɔ̀à wèè yàwi nààŋ dàwiim nyàŋ eiŋ gììyà è zɔlɔ̀ kòɓɛ̀ guùŋ!

Luù 18:21

Wo felaaà naŋ fasàì wààŋ, “Kà wa kùwà maŋ sàwà mɛɛ̀ŋ gbiŋ e yìwìà e teengaà mìŋ yaà wa wo kɔmɔŋjɔa lɛ̀.”

Luùm 10:5

Wo Mòòze naŋ wa tɛɛ̀ sìngè e nyaàiŋ dè e ɗeweɛ̀ wo Dayà jaa nyùùŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ ko nɛ̀ɛ̀uŋ niìŋ lɛ. Wò naŋ woò wààŋ, “Wo nyùnɔ̀ɔŋ gbiŋ jɔɔlɔ̀ maŋ sàwà maŋ dìì wɔ, wò do nàŋ nɔ̀ŋ wɔŋ nyiiŋ gèe sùà.”

Luùm 7:10

yèè wo Dayà naim hèè e kìtì fàa diɛŋ. Kè sàwàa mìŋ yaà wa weè yɛ̀ɛ̀mɛ̀ dòmaŋ wèè keim nyɛ̀nɛ̀ŋ ka nɔ̀ŋ wɔŋ nyiiŋ gèe sùà lɛ, naim hèè e kìtì fàa diɛŋ.

Luùm 7:11

E jùumù naŋ yɛ̀mɛ̀ ɗewe, yèè esàɓù ke sàwàa, e jùumù naim zuwò yèè è naim jìwè.

Luùm 7:4

Yɛi nɔŋ è yaà ko nɛ̀ɛ̀iŋ niìŋ nyɛ̀iŋ nààŋ wùìyaim nyàŋ. Nyɛ̀iŋ pɛɛ nàŋ fòlà e gààŋ ke sàwàa dìì esaɓù kɛ̀ nìŋ yaà aŋ bàiŋbà wèè ke kpùnàŋ Jisɛ̀ Kulaìɛ naŋ fɔ̀ɔ̀yɛ̀ wɔŋ vànèkpaaà yɛ̀. Wuŋ nàŋ yaà wo yèɔ wo Dayà naŋ wa gè e fàaà dìì wɔ, wuŋ nàŋ kànàìŋ wèè kɛ̀ è naiŋ ɓɛ̀nɛ̀ŋ nɔ̀ŋ anyuùŋ kɛnɛ e tòmò Dayàa sùà.

Luùm 7:6

E ɗewe gbio sùà, wo Dayà wò wi naàŋ gè e gààŋ ke sàwàa diɛŋ, esaɓù kɛ̀ è yààìŋ mààŋ anyùùŋ naŋ fɔ̀, e fèìŋ ɓɛìŋ è gààŋ màŋ kpèè miiŋ naŋ wi yɛi wa kùwò kpaŋ maŋ keì dìì. Kɛɛ e fèiŋ naàŋ ɓɛ̀nɛ̀ŋ zòòlò Dayà e ɗewe gɔuɛ̀ sùà nààŋ è yaà sìnga niŋ ke sàwà sùà lɛ̀, kɛɛ wo Jinàaŋ do nàŋ nyɛ̀nɛ̀ŋ eiŋ niŋ nyɛ̀nɛ̀ŋ e ɗewe kii jɛi sùà.

Luùm 7:8

Kɛɛ esàɓù ke miè gbìaŋ yii, e jùumù naŋ yɛ̀mɛ̀ ɗewe wèè e fùlìà e ɗèwe naanààŋ maŋ gbiŋ mìŋ kuwa ke jii miɛ̀ŋ sùà maŋ. Eɓìèmàŋjɛ̀wɛ̀ ke sàwà, e jùumù fè kɛ̀ɛ̀nɛ̀ŋ gààŋ.

Luùm 8:7

Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

Gàla 2:19

Ke Sàwàa kiiŋ bi naim wa jìwè, yèè kè naim joeyè e yìwìà e gaàŋ nyiŋ nɛ̀ dìì, wèè ka nɔ̀ŋ wɔŋ nyiiŋ gèe miɔ̀ŋ sùà wèè wo Dayà. E kìlà àŋ naŋ wi jìwìè wɔŋ vànèkpaa diɛŋ yàwi nààŋ Jisɛ̀ Kulaì.

Gàla 3:10

Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”