Luùm 7:8 - WƆŊ FƐ̀Ì EBÒ SÌÀŊ DAYÀA

⁸ Kɛɛ esàɓù ke miè gbìaŋ yii, e jùumù naŋ yɛ̀mɛ̀ ɗewe wèè e fùlìà e ɗèwe naanààŋ maŋ gbiŋ mìŋ kuwa ke jii miɛ̀ŋ sùà maŋ. Eɓìèmàŋjɛ̀wɛ̀ ke sàwà, e jùumù fè kɛ̀ɛ̀nɛ̀ŋ gààŋ.

Luùm 7:8 ပူးပေါင်းရင်းမြစ်များ

Jɔ̀ɔŋ 15:22

Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ.

Jɔ̀ɔŋ 15:24

Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

Luùm 7:11

E jùumù naŋ yɛ̀mɛ̀ ɗewe, yèè esàɓù ke sàwàa, e jùumù naim zuwò yèè è naim jìwè.

Luùm 7:13

Tɛɛ̀ naŋ tɔɔ̀ kɛ̀ e tɛ̀ɛ̀tɛ̀ɛ̀ nyiŋ nɛ̀ naim nyɛ̀nɛ̀ŋ mìŋ naŋ fɔ̀? Ke sàwàa nààŋ gòim wa nyɛ̀nɛ̀ŋ mìŋ do fà. Kɛɛ e jùumù naŋ tòòmò ke sàwàa, yèè è naim nyɛ̀nɛ̀ŋ mìŋ naŋ fɔ̀, wèè kɛ̀ anyùùŋ naŋ ɓɛ̀nɛ̀ŋ nyìmaŋ janjai kɛ̀ kiìŋ nàŋ yaà e jùumù. E yìwìà esàɓù ke sàwàa, èiŋ naàŋ ɓɛ̀nɛ̀ŋ nyìmaŋ kɛ̀ e jùumù yaà e keì naanààŋ gbee.

Luùm 7:17

Weètii, tɔɔɓaa miàŋ bi nàŋ fè nyìnìè màŋ keì mɛɛ̀ŋ. E jùumùɛ yààìm sùà lɛ nàŋ nyɛnɛŋ maŋ keì mɛɛ̀ŋ.

Luùm 7:9

Miàŋ bi mìŋ yaà wa wɔŋ nyiiŋ gèeɔ̀ sùà paŋgàà mìŋ naŋ wa nyìmè e kèè ke sàwàa. Kɛɛ nààŋ ke sàwà naŋ naàŋ nɔ̀ŋ, e jùumù naŋ kɛ̀ɛ̀nɛ̀ŋ gààŋ wɔŋ nyiiŋ gèe diɛŋ,

1 Kɔliìŋ 15:56

E fàa gè e gààŋ e jèla niŋ nɛ̀ e yìwìà maŋ jùumù sùà, yèè maŋ jùumù gè e jeiŋ gààaŋ ke sàwàa sùà.