Luùm 7:7 - WƆŊ FƐ̀Ì EBÒ SÌÀŊ DAYÀA

⁷ Èiŋ ɓɛ̀nɛ̀ŋ wòo wìà, ke sàwàa kiiŋ bi kè kuwa jùumù? Tɔɔɓaa ke sàwàa kuwà jùumù. Kɛɛ ke sàwàa naŋ nyɛ̀nɛ̀ŋ mìŋ naŋ nyìmè kɛ̀ e keì naanààŋ nyɛ̀nɛŋ è yaà e jùumù. Sèè ke sàwàa go weè woò wààŋ, “Ɓɔ̀ mùŋ jàà jii mɔɛ̀ŋ è nɛ̀ŋ kàmè dàwi mɔɔ̀ŋ màŋjɛ̀wɛ,” miŋ naàŋ weè nyìmè è keì mààŋ tii.

Luùm 7:7 ပူးပေါင်းရင်းမြစ်များ

Maafiù 5:28

Kɛɛ tɔ̀ miŋ woòiŋ naàŋ e tɔ̀ɔ̀nyaàaŋ kɛ̀, sèè wo nyùùŋ gbiŋ wo yɛ̀mɛ̀ wo jɔùŋ maŋjɛ̀wɛ, yèè wouŋ mànàŋ ke jiiuŋ nɛɛ̀ŋ sùà wèè wo nɔ̀ŋ wo jawèuŋ, kɛ̀ wo nyùùŋ wii wò nyìnìàŋ wo jɔùŋ wii hmɔŋtu ke jiiuŋ nɛɛ̀ŋ sùà.

Luù 12:15

Wo Jisɛ̀ naŋ ɓɛìŋ wòò e faaàŋ wààŋ, “Yɛ̀mɛìŋ nyiŋ bi diɛŋ wèè niŋ go nàŋ nyɛ̀nɛ̀ŋ e wànàŋ manɛ̀ŋ maŋ gbiŋ. Esaɓù kɛ̀ e bàne zimgbe kɛ̀ɛ̀nɛŋ nàŋ naàŋ jòèyè wɔ̀ŋ nyiiŋ mɔɔ̀ŋ. Miŋ gò kpɛɛ̀ŋ kɛ̀ diè mùŋ naŋ banè.”

Luù 20:16

Wò do nàŋ hnè wo jìwà anyuùŋ yɛ̀mɛ̀ ɓù diɛŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ anyuùŋ joo bà.” Nààŋ anyùùŋ nyaŋ naŋ tɛɛ̀ kòmò, àŋ naŋ woò nyààŋ, “Julɔfɔ tɛɛ̀ ɓɔ̀ è kaaìŋ.”

Nyɛ̀nɛ̀ŋ 20:33

Ke ɗɔ̀ɔ̀ guùŋ miŋ gò nyɛ̀nɛ̀ŋ wànàŋ è kaiŋ fua, è gòoò ɔ̀ɔ̀ màŋ dèè e yìwìà wò nyùùŋ gbiŋ sìwè.

Luùm 13:9

Màŋ Sàwà Dayà maŋ naŋ woò wààŋ, “Ɓɔ̀ mùŋ nyɛ̀nɛ̀ŋ hmɔŋtu, ɓɔ̀ mùŋ jìwà nyùùŋ, ɓɔ̀ mùŋ wùà, ɓɔ̀ mùŋ jàà jii mɔɛ̀ŋ è nɛ̀ŋ kàmè dàwi mɔɔ̀ŋ màŋjɛ̀wɛ.” Kɛɛ maŋ sàwà mɛɛ̀ŋ gbiŋ naŋ nɔ̀ŋ gbònògbono miŋ kè sàwà guùŋ sùà, yèè kè naŋ woò wààŋ, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 3:5

Weètii, sèè esàɓù e hààwe gò kɛɛnɛ̀ŋ wilɛ̀ yaà maŋ kpèè naanààŋ wi màŋ tɔɔ̀ kɛ̀ wo Dayà nyɛnɛŋ tɔ̀ɔ̀nyaàŋ, èiŋ ɓɛ̀nɛ̀ŋ wòo wìàà wo Dayà naŋ nyɛ̀nɛ̀ŋ e keì naanààŋ sèè wò tuù e kìlà wo wi nimilà? Tɛɛ̀ do nàŋ nɔ̀ŋ e zùwo sèè mùŋ dawà yɛi.

Luùm 4:1

Sèè è nɔ̀ŋ yɛi, kɛ̀ kiìŋ è naiŋ ɓɛ̀nɛ̀ŋ wòo wèè wo nèwàènèwe wiɔ̀ Eɓulɔhɛɛ̀ŋ e nyaàiŋ dè e yèɛ wuŋ bi naŋ wa nyɛ̀nɛ̀ŋ lɛ? Kiìŋ wò naŋ wa nyìmè e jiikɛ̀ɛuŋ nɛ̀ sùà?

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

Luùm 6:15

Nààŋ miŋ fè naàŋ kè sàwàa dìì lɛ, kà ɓɛ̀nɛ̀ŋ nyɛ̀nɛ̀ŋ maŋ jùumù esaɓù kɛ̀ mìŋ yaà e gààŋ e tɛ̀ɛ̀tɛ̀ɛ̀ Dayàa dìì? Kpele!

Luùm 7:11

E jùumù naŋ yɛ̀mɛ̀ ɗewe, yèè esàɓù ke sàwàa, e jùumù naim zuwò yèè è naim jìwè.

Luùm 7:13

Tɛɛ̀ naŋ tɔɔ̀ kɛ̀ e tɛ̀ɛ̀tɛ̀ɛ̀ nyiŋ nɛ̀ naim nyɛ̀nɛ̀ŋ mìŋ naŋ fɔ̀? Ke sàwàa nààŋ gòim wa nyɛ̀nɛ̀ŋ mìŋ do fà. Kɛɛ e jùumù naŋ tòòmò ke sàwàa, yèè è naim nyɛ̀nɛ̀ŋ mìŋ naŋ fɔ̀, wèè kɛ̀ anyùùŋ naŋ ɓɛ̀nɛ̀ŋ nyìmaŋ janjai kɛ̀ kiìŋ nàŋ yaà e jùumù. E yìwìà esàɓù ke sàwàa, èiŋ naàŋ ɓɛ̀nɛ̀ŋ nyìmaŋ kɛ̀ e jùumù yaà e keì naanààŋ gbee.

Luùm 7:5

Sèè è nɔ̀ìŋ nɔŋ maŋ nyiiŋ gèe wi màŋ sùà màànààŋ yàwi bi manaŋ wèè eiŋ nɔ̀ŋ lɛ, ke sàwàa nyɛ̀nɛ̀ŋ wì eiŋ jɔ̀ɔ̀lɔ̀ e ɗèweɛ̀ è kùwàìŋ lɛ dìì wèè eiŋ nyɛ̀nɛ̀ŋ maŋ kpèè naanààŋ maŋ kpùnaŋ wi màŋ sùà, yèè maŋ kpèè naanààŋ wi bi zà nàŋ do wi nàŋ nyɛ̀nɛ̀ŋ eiŋ fà.

Luùm 7:8

Kɛɛ esàɓù ke miè gbìaŋ yii, e jùumù naŋ yɛ̀mɛ̀ ɗewe wèè e fùlìà e ɗèwe naanààŋ maŋ gbiŋ mìŋ kuwa ke jii miɛ̀ŋ sùà maŋ. Eɓìèmàŋjɛ̀wɛ̀ ke sàwà, e jùumù fè kɛ̀ɛ̀nɛ̀ŋ gààŋ.

1 Kɔliìŋ 15:56

E fàa gè e gààŋ e jèla niŋ nɛ̀ e yìwìà maŋ jùumù sùà, yèè maŋ jùumù gè e jeiŋ gààaŋ ke sàwàa sùà.

Ɛfesɔ̀ 5:3

Nààŋ nìŋ yaà anyùùŋ nyaŋ wo Dayà kanaŋ nyàŋ, e fè tɔ̀ɔ̀nyaàŋ wèè è kèè màŋ kpèè hmɔŋtu nyɛ̀nɛŋ, yàà màŋ kpèè kùwà ninaŋ, yèè e wùànàŋ nɛ̀ŋ keekèè nyɛ̀nɛŋ e gbɛ̀ɛ̀ ànyùùŋ nɛɛmaŋ kɔɔ tòloò pɛɛ.

Kòlo 3:5

Nìŋ kuwa naŋ jìwà maŋ kpèè ɗuunyaŋ màŋ, maŋ yè maŋ yaà toomo maŋ kpùnaiŋ màŋ sùà, maŋ nyɛ̀nɛŋ mààŋ maŋ yɛ̀ɛ̀ hmɔŋtu naanààŋ yaà maŋ gòngo naanààŋ. Wo nyùnɔ̀ɔŋ naŋ nyɛ̀nɛ̀ŋ e wànàŋ e nɛ̀ŋ keekèè wɔ, è yaà nɔŋ mààŋ maŋ goò zòòlo.

1Tɛsè 4:5

È ɗèweiŋ nɛ̀ ɓɔ̀ è nɔ̀ŋ è gòngò hmɔŋtu nyɛ̀nɛŋ màŋjɛ̀wɛ mààŋ anyùùŋ nyaŋ nyimààŋ Dayà nyaŋ.

Hiɓu 7:19

esaɓù kɛ̀, maŋ Sàwà Dayà màŋ fè wa ɓɛ̀nɛ̀ŋ nyɛ̀nɛ̀ŋ è nɛ̀ŋ gbiŋ è do zɛ̀nɛ̀ŋ. Wo Dayà naŋ wi naàŋ kìɛ̀ŋ ke jii tùlia kɛnɛ, ke yèɛ hiàŋ wì koɓɛ̀ Dayài fɔ̀ɔ̀ yɛ.