Luùm 6:9 - WƆŊ FƐ̀Ì EBÒ SÌÀŊ DAYÀA

⁹ Esaɓù èiŋ nyìmàŋ kɛ̀ wo Dayà naŋ wa gè wo Jisɛ̀ Kulaì e fàaà dìì, wo naàŋ wa nàwèè ɓɛìŋ fɔ̀ julɔfɔ. E fàa kuwà ɓɛìŋ è gààŋ kò diɛuŋ.

Luùm 6:9 ပူးပေါင်းရင်းမြစ်များ

Luùm 5:14

Kɛɛ yɛi nɔŋ è yaà e fàa kuwa wa e gààŋ anyùùŋ nyaŋ gbiŋ diɛŋ aŋ yè nyaŋ yaà wa wɔŋ gèeɔ̀ sùà nyaŋ e yìwìà e tèèngà Adamàaŋ e hàì koɓɛ̀ e tèèngà Mòòzeɛ̀. Tɛɛ̀ naŋ wa kaaìŋ, jòòpɛɛ anyùùŋ nyaŋ gbiŋ nààŋ gò wa pɔ̀ɔ̀ kè sàwàa wò Dayà naŋ kiɛ̀ŋ màànààŋ wò Adamàŋ naŋ wa nyɛ̀nɛ̀ŋ lɛ. Wo Adamàŋ yaà mààŋ Jisɛ̀ Kulaì, wo yèɔ naŋ wa hnè eɓìèmàŋjɛ̀wɛ̀ wo Adamàŋ wɔ.

Luùm 6:10

Nààŋ wò naŋ wa fɔ̀, e jùumù kuwà è gààŋ kò diɛuŋ. Yèè wò yaà naàŋ nɔŋ wɔŋ nyiiŋ gèe sùà wèè Dayà wuŋ guùŋ kpò.

Luùm 6:14

Ɓɔ̀ nìŋ nyimèè wèè è jùumù do kɛ̀ɛ̀nɛ̀ŋ gààŋ màŋ nyiiŋ gèeiŋ màŋ diɛŋ. Nìŋ yaà e gààŋ e tɛ̀ɛ̀tɛ̀ɛ̀ Dayàa dìì, kɛɛ e fè e gààŋ kè sàwàa dìì.

Luùm 6:4

Nààŋ è naiŋ wa nɔ̀ŋ gùa wi, yàwi nààŋ Jisɛ̀ kulaì naiŋ wa fɔ̀ɔ̀yɛ̀ koɓɛ̀ guùŋ yèè àŋ naŋ wi sììyè koɓɛ̀ guùŋ. È naiŋ wa nɔ̀ŋ gùa wi wèè eiŋ nɔ̀ŋ wɔŋ nyiiŋ gèe jɛi sùà, nààŋ wo Dayà wo Dèdaà naŋ wa gè wo Jisɛ̀ Kulaì e fàa dìì koɓɛ̀ wɔŋ nyiiŋ gèe e yìwìà e jòòwò gààŋ nɛɛmaŋ gbee sùà.

Hiɓu 7:16

Wo Dayà nauŋ wa tàeɗùù wouŋ nyɛ̀nɛ̀ŋ wo nɔ̀ŋ wo sìèfèìŋ zòòlo, kɛɛ e fè wa è yìwìà màŋ sàwà nyuùŋkpùuŋ, è yaà wa e yìwìà e gààŋ wɔŋ nyiiŋ gèe wɔŋ yèɔ kuwà kò dìa wɔ̀ŋ.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.