Luùm 6:3 - WƆŊ FƐ̀Ì EBÒ SÌÀŊ DAYÀA

³ Tɔɔɓaa nàŋ nyìmàŋ kɛ̀, e teengaà àŋ naŋ wi wa gùò wèè eiŋ nɔ̀ŋ aŋ bàwibà wo Jisɛ̀ Kulaì sùà lɛ, àŋ naŋ wi wa gùò wèè eiŋ nɔ̀ŋ aŋ bàwibà e fàauŋ nɛ̀ sùà.

Luùm 6:3 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Nyɛ̀nɛ̀ŋ 19:5

E teengaà àŋ naŋ wa tɛɛ̀ kòmò lɛ, àŋ naŋ wa nɔ̀ŋ gùa nyiŋ e dèè Kanaà Jisɛ̀ diɛŋ.

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 8:16

Kɛɛ wèè paŋ tii kaaìŋ wa, wo Jìnàŋ Nɛɛmaàŋ kòò wò dèyè wa weè ànyùùŋ nyɛɛ̀ŋ bà gbiŋ diɛŋ. Àŋ naŋ wa nɔŋ nɔ̀ŋ gùa nyiŋ e dèè Kanaà Jisɛ̀ɛ sùà.

Luùm 6:16

Tɔɔɓaa nàŋ nyìmàŋ kɛ̀ nìŋ yaà aŋ ɗo koɓɛ̀ wo nyùnɔ̀ɔŋ nìŋ jɔɔlɔ̀ dìì wɔ. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ maŋ jùumù dìì, e jìwààjɛ̀wɛ̀ɛ nàŋ yaà e fàa. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ wo Dayà dìì, e jìwààjɛ̀wɛ̀ɛ do nàŋ nyɛ̀nɛ̀ŋ wo Dayà woiŋ jàà kùàŋ dìì wèè naŋ nɔ̀ŋ anyùùŋ tɔ̀ɔ̀nyaàŋ.

Luùm 6:8

Nààŋ yàwi nààŋ Jisɛ̀ Kulaì naiŋ fɔ̀ɔ̀yɛ̀ koɓɛ̀ guùŋ lɛ, è naiŋ ɓɛìŋ haawè kɛ̀ yàwi nààŋ gbiŋ doiŋ nàŋ nɔ̀ŋ koɓɛ̀ guùŋ wɔŋ nyiiŋ gèeɔ̀ sùà.

Luùm 7:1

Tɔɔɓaa wùìyaim nyàŋ, nàŋ nyìmàŋ e yèɛ mìŋ yaà hinie wèè ka woò lɛ, esaɓù nyɛ̀iŋ nààŋ gbiŋ nàŋ nyìmàŋ e kèè ke sàwà. Ke sàwàa kuwa nɔŋ e gààŋ anyùùŋ diɛŋ aŋ yè nyaŋ yaà wɔŋ nyiiŋ gèeɔ̀ sùà nyaŋ.

1 Kɔliìŋ 10:2

Ko fuùŋ kùwa dìì yèè wɔŋ juwoɔ̀ sùà aŋ gbiŋ naŋ wa nɔ̀ŋ gùa nyiŋ yèè àŋ naŋ nɔ̀ŋ anyùùŋ màŋjɛ̀wɛ̀ Mòòze.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

1 Kɔliìŋ 15:29

Kiìŋ, nàŋ yaà e fàsàì anyùùŋ nyaŋ guà wèè anyuùŋ fàa nyàŋ lɛ? Sèè wo Dayà gò wa weè gè ànyuùŋ fàa nyàŋ è fàa dìì gbiŋ, kɛ̀ wèè kiìŋ anyùùŋ nyaŋ guà ebɛ̀ŋ nyiŋ?

1 Kɔliìŋ 3:16

Tɔɔɓaa nàŋ nyìmàŋ kɛ̀ nyɛ̀iŋ nàŋ yaà ke saaŋ zòòlò Dayàa, yèè wo Jìnàŋ Dayàa yààìŋ sùà.

1 Kɔliìŋ 5:6

E fè tɔ̀ɔ̀nyaàŋ è wèè naŋ kɛ̀ɛ̀ màŋ nyòngà. Nàŋ nyìmàŋ e nɛ̀ɛŋ àŋ woà lɛ nyààŋ, “E sòi jùwìà gbɔ̀u jɔa tòloò è nyɛnɛŋ ke gbɔ̀uɛ̀ gbiŋ ke jòwà gbee.”

1 Kɔliìŋ 6:19

Niŋ nyimààŋ kɛ̀ kè kpùnaiŋ nɛɛ̀ŋ nàŋ yaà kè sààŋ zòòlò Dayàa wèè wò Jìnàŋ Dayàa, yààìŋ sùà wɔ, wo yèɔ wo Dayà naiŋ kiɛ̀ŋ wɔ? Niŋ fè wèè nyɛ̀iŋ bi, nìŋ yaà wèè Dayà.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

1 Kɔliìŋ 9:13

Tɔɔɓaa nàŋ nyìmàŋ kɛ̀ anyùùŋ nyaŋ toomàŋ ko Saaŋ Zòòlò Dayài nyàŋ àŋ gè e nɛ̀ŋje nyiŋ nɛ̀ ko Saaŋ Zòòlò Dayài, yèè aŋ yè nyaŋ koà maŋ nɛ̀ŋjè saàa maŋ wɔŋ gbɛ̀gbɛ̀ zòòloɔ̀ diɛŋ nyàŋ, àŋ kanaŋ maŋ nɛ̀ŋjè saàà bi bà.

1 Kɔliìŋ 9:24

Nàŋ nyìmàŋ kɛ̀ sèè anyùùŋ nɔ̀ŋ duunyɛŋ koɓɛ̀ guùŋ wo bà guùŋ nɔŋ nàŋ yɛmɛ̀ e jìwà jɛ̀wɛ̀ɛ e dùaàŋ sùà. Wèètii dùaìŋ wèè niŋ koà niŋ.

2 Kɔliìŋ 13:5

Tùaìŋ nyɛ̀iŋ bi maŋ nɔnɔŋ niŋ yɛmɛ̀ sèè mààŋ nìŋ kuwa kai e hààweɛ̀ màŋ nyiiŋ gèeiŋ màŋ sùà. Tɔɔɓaa nàŋ nyìmàŋ kɛ̀ wo Jisɛ̀ Kulaì yaà maŋ nyiiŋ màŋ sùà? Sɔɔ̀ nɔŋ naŋ nɔŋ soò kpɛlɛmɛɛŋ.

Gàla 3:27

E kìlà nààŋ àŋ naiŋ wa gùò e dèè Jisɛ̀ Kulaìɛ sùà, nìŋ naŋ nɔ̀ŋ mààŋ wo Jisɛ̀ Kulaì wuŋ bi ke kpèèuŋ nɛɛ̀ŋ sùà.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,