Luùm 6:17 - WƆŊ FƐ̀Ì EBÒ SÌÀŊ DAYÀA

¹⁷ Kɛɛ gè wììŋ wo Dayà ke sɛ̀! Esaɓù kɛ̀ nìŋ yaà wa mààŋ aŋ ɗo e kìlà nìŋ yaà jɔ̀ɔ̀lɔ̀ e ɗèweɛ̀ nìŋ kuwa lɛ̀ koɓɛ̀ maŋ jùumù, kɛɛ nàŋ kìlà yèè nàŋ kɛ̀ɛ̀nɛ̀ŋ e ɓɛ̀ɛ̀jàa maŋ jiiiŋ màŋ sùà wèè naŋ jɔ̀ɔ̀lɔ̀ e tɔ̀ɔ̀nyaàaŋ àŋ naiŋ wa kaà lɛ dìì.

Luùm 6:17 ပူးပေါင်းရင်းမြစ်များ

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 28:15

Anyuùŋ hààwe nyàŋ ko Luùm naŋ kòmò ebò wi yèè àŋ naŋ hnè e bòliɛ̀ sùà ko Apiɔ̀ yèè koɓɛ̀i àŋ nyaaŋ wa nyààŋ maŋ Sààŋ Nyùnèè Nyɛ̀ìŋ Taai màŋ wèè aŋ wi mɛɛ̀ŋ. Nààŋ wo Pɔɔ̀ naŋ nyiŋ wa yɛmɛ̀, wò naŋ wa gè wo Dayà esɛ̀ weè nyiŋ yèè è nauŋ kìɛ̀ŋ ke jii nyingè.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

Luùm 1:8

E jiɛ̀jiɛ̀ɛ nàŋ yaà, mìŋ naŋ gè wo Dayà miɔ̀ŋ ke sɛ̀ e yìwìà wo Jisɛ̀ Kulaì sùà wèè nyɛ̀iŋ nààŋ gbiŋ, e fèfoo kɛ̀ anyùùŋ nyaŋ gbiŋ e ɗuunyaàŋ kòò àŋ yaà kùmìè e kèè e hààweɛ̀ nìŋ kuwa wo Jisɛ̀ Kulaì sùà lɛ.

Luùm 15:18

E yèɛ gbiŋ ngèè mìŋ do nàŋ woò lɛ, nàŋ yaà e nɛ̀ɛŋ wo Jisɛ̀ Kulaì naim gè nyààŋ diɛŋ wèè ka woò janjai lɛ, yèè e tòmoɛ̀ wò manaŋ ka nyɛ̀nɛ̀ŋ lɛ, nàŋ yaà wèè anyùùŋ nyaŋ fè àŋ Juùù nyaŋ auŋ jɔ̀ɔ̀lɔ̀ dìì.

Luùm 16:26

Kɛɛ e tɔ̀ɔ̀nyaàŋ lii è nɔ̀ŋ wòo niŋ ke fòolàa e yìwìà e sìngà aŋ wɛ̀ijì nyaŋ wɔŋ fɛ̀ì Dayàa sùà. Wo Dàyà nyiiŋ gèe gò jùàa naŋ nyiŋ wa woò yèè wò naŋ nyiŋ nyɛ̀nɛ̀ŋ aŋ ɓààyè ebò siaŋ bi koɓɛ̀ anyùùŋ nyaŋ gbiŋ e ɗuunyaàŋ sùà, wèè kɛ̀ aŋ jɔɔlɔ̀ e kìlà aŋ kɛɛnɛ̀ŋ hààwe.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

1 Kɔliìŋ 1:4

E teenga gbiŋ mìŋ gè wo Dayà miɔ̀ŋ ke sɛ̀ weèiŋ, e fèfoo wèè e tɛ̀ɛ̀tɛ̀ɛ̀ɛ wò naiŋ fè esàɓù Jisɛ̀ Kulaì sùà lɛ.

1 Kɔliìŋ 14:6

E wèètii nyɛ̀iŋ nààŋ wùìyaim nyàŋ, sèè mìŋ hnàŋ ko nɛ̀ɛ̀iŋ niìŋ, kiìŋ kpùùmaŋ mìŋ naiŋ ɓɛ̀nɛ̀ŋ kìɛŋ sèè mìŋ gbuuyà maŋ kaìŋ joo sùà? E kpùùmaŋ gbiŋ fè niìŋ sùà, sɔɔ̀ kaiŋ hìàŋ èbò dààne è yìwìà Dayà sìwè ɔ̀ɔ̀ e jiikɛ̀ɛ ɔ̀ɔ̀ ke miè gbìàŋ aŋ wɛ̀ijì nyaŋ ɔ̀ɔ̀ e kàa.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

Ɛfesɔ̀ 1:16

kòò mìŋ hùànè wò Dayà gè sɛ̀ weèiŋ. Mìŋ jààìŋ jii maŋ zòòloim màŋ sùà

1Tɛsè 3:9

Èiŋ naàŋ ngàà ɓɛ̀nɛ̀ŋ gè wo Dayà ke sɛ̀ e weèiŋ. È gèìŋ wo Dayà ke sɛ̀ wèè e zɔlɔ̀ɛ è kuwa ko fɛɛ̀ fenìuŋ esaɓùiŋ nɛ̀ sùà lɛ.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

2Time 1:13

Kùwià maŋ mìè tɔ̀ɔ̀nyaàŋ maŋ mìŋ naum wa kaà maŋ ke di, wèè maŋ nɔ̀ŋ e tɔ̀ɔ̀màŋseì maŋ niŋ dè maŋjɛ̀wɛ̀, yèè muŋ jeeè e hààweɛ̀ yaà e mànaàŋ e yèɛ yaà weè wi nààŋ è yààìŋ aŋ bàwibà wo Jisɛ̀ Kulaì sùà lɛ.

Felemɔ̀ŋ - PHM 1:4

Felemɔ̀ŋ, sèè mìŋ nɔ̀ŋ zoolo e teenga gbiŋ sùà, mìŋ nyaaŋ e dee mɔ̀ɛ̀, e kìlà mìŋ gè wo Dayà miɔ̀ŋ ke sɛ̀ e weèum.

Hiɓu 11:8

E hààwe naŋ wa nyɛ̀nɛ̀ŋ wo Eɓulɔhɛɛ̀ŋ naŋ jɔɔlɔ̀ e teengaà wo Dayà nauŋ wa nyààŋ wèè wo ka koɓɛ̀ wɔŋ fuɔŋ bà wɔŋ yèɔ wo Dayà naŋ wa jɔ̀ɔ̀ ɗààhiì wèè wouŋ kiɛ̀ŋ wɔŋ. Wo Eɓulɔhɛɛ̀ŋ naŋ wa yèwè wɔŋ fuɔuŋ nɔɔ̀ŋ wèè wo ka koɓɛ̀i wo nyimààŋ lɛ.

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

1Pììlɛ 3:1

Sèè mùŋ nɔ̀ŋ wo jɔùŋ kùwìè felaa, jɔ̀ɔ̀lɔɔ̀ wo faniŋ mɔɔ̀ŋ dìì. Sèè pɛɛ wo gò jɔ̀ɔ̀lɔ̀ kè mìè Dayàa dìì, e jɔ̀ɔ̀lɔ mɔ̀ɛ̀ ko nɛ̀ɛ̀uŋ niìŋ douŋ nàŋ nyɛ̀nɛ̀ŋ wo jɔɔlɔ̀, wo nyùùŋ gbiŋ naùŋ ɓɛìŋ gbòò kɔɔ wèètii.

1Pììlɛ 4:17

E tèèngà e gbàiɛ̀ è haì, yèè è do nàŋ tɔ̀ɔ̀tù ko sààŋ Dayài jiɛ̀. Sèè è tɔɔtù wì diɛŋ, diè ko jèè e ɗìi do nàŋ nɔ̀ŋ wèè anyùùŋ nyaŋ gò hààwè kè mìè gbìàŋ Ebò Siaàŋ kè yèɛ yewe Dayà sìwè lɛ?

2Jɔ̀ɔŋ 1:4

E zɔlɔ̀ nàim diè wèè ka yɛ̀mɛ̀ aŋ jɔ̀àiŋ nyàŋ bà nyiŋ kuwa e tɔ̀ɔ̀nyaàaŋ maŋjɛ̀wɛ, màànààŋ wo Dèdaà naŋ wi woò maŋ sàwàuŋ sùà wèè eiŋ nyɛ̀nɛ̀ŋ lɛ.

3Jɔ̀ɔŋ 1:3

Mìŋ yaà wa e zɔlɔ̀ gbee sùà nààŋ anyuùŋ hààwe nyàŋ bà nyiŋ naŋ hnè yèè àŋ naìm wòò e ɗeweɛ̀ nìŋ kuwa hààwe e tɔ̀ɔ̀nyaàŋ sùà, màànààŋ nɔŋ nìŋ yaà e tɔ̀ɔ̀nyaàŋ wɔŋ nyiiŋ gèeɔ̀ sùà lɛ.