Luùm 6:11 - WƆŊ FƐ̀Ì EBÒ SÌÀŊ DAYÀA

¹¹ E ɗèwè guùŋ nɛɛ̀ sùà nìŋ kuwa naŋ kɛ̀ɛ̀nɛ̀ŋ gòngo wèè nyɛ̀iŋ bi kɛ̀ nyɛ̀iŋ nààŋ Jisɛ̀ Kulaì naŋ fɔ̀ɔ̀yɛ̀ koɓɛ̀ guùŋ, e kìlà e jùumù kuwà gààŋ kò diɛiŋ. Kɛɛ nìŋ yaà naàŋ wɔŋ nyiiŋ gèe sùà e gààŋ Dayàa dìì e yìwìà wo Jisɛ̀ Kulaì sùà.

Luùm 6:11 ပူးပေါင်းရင်းမြစ်များ

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luùm 16:27

Tɔɔɓaa, esàɓù Jisɛ̀ Kulaìɛ sùà, è joowàìŋ wo Dayà guùŋ kɛ̀ɛ̀nɛ̀ŋ jiikɛ̀ɛɔ̀ wèè julɔfɔ. Àmiinàŋ.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Luùm 6:10

Nààŋ wò naŋ wa fɔ̀, e jùumù kuwà è gààŋ kò diɛuŋ. Yèè wò yaà naàŋ nɔŋ wɔŋ nyiiŋ gèe sùà wèè Dayà wuŋ guùŋ kpò.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

Luùm 6:2

Kpele! Ɓɔ̀ è nyɛ̀nɛ̀iŋ yɛi! Maŋ kpèè naanààŋ maŋ yàwì sùà maŋ màŋ fà. Kpeiŋ dièsɔa è naiŋ ɓɛ̀nɛ̀ŋ nɔ̀ɔ̀ŋ nyìnìè màŋ keì naanààŋ tutùtuuŋ màŋ nyiiŋ gèe wi màŋ sùà?

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Luùm 7:4

Yɛi nɔŋ è yaà ko nɛ̀ɛ̀iŋ niìŋ nyɛ̀iŋ nààŋ wùìyaim nyàŋ. Nyɛ̀iŋ pɛɛ nàŋ fòlà e gààŋ ke sàwàa dìì esaɓù kɛ̀ nìŋ yaà aŋ bàiŋbà wèè ke kpùnàŋ Jisɛ̀ Kulaìɛ naŋ fɔ̀ɔ̀yɛ̀ wɔŋ vànèkpaaà yɛ̀. Wuŋ nàŋ yaà wo yèɔ wo Dayà naŋ wa gè e fàaà dìì wɔ, wuŋ nàŋ kànàìŋ wèè kɛ̀ è naiŋ ɓɛ̀nɛ̀ŋ nɔ̀ŋ anyuùŋ kɛnɛ e tòmò Dayàa sùà.

Luùm 7:6

E ɗewe gbio sùà, wo Dayà wò wi naàŋ gè e gààŋ ke sàwàa diɛŋ, esaɓù kɛ̀ è yààìŋ mààŋ anyùùŋ naŋ fɔ̀, e fèìŋ ɓɛìŋ è gààŋ màŋ kpèè miiŋ naŋ wi yɛi wa kùwò kpaŋ maŋ keì dìì. Kɛɛ e fèiŋ naàŋ ɓɛ̀nɛ̀ŋ zòòlò Dayà e ɗewe gɔuɛ̀ sùà nààŋ è yaà sìnga niŋ ke sàwà sùà lɛ̀, kɛɛ wo Jinàaŋ do nàŋ nyɛ̀nɛ̀ŋ eiŋ niŋ nyɛ̀nɛ̀ŋ e ɗewe kii jɛi sùà.

Luùm 8:18

Mìŋ naŋ haawè kɛ̀ e mɔ̀ɔ̀nɛɛ̀ŋ è yààìŋ naàŋ kɔ̀ɔ̀yɛ̀ dìì e teenga lɛɛ̀ sùà lɛ, e fè niŋ ɓɛ̀nɛ̀ŋ gbɛ̀ɛ̀nɛ̀ŋ è jòòwoɛ̀ wò Dayà do wi nàŋ tɔɔ̀ lɛ.

1 Kɔliìŋ 6:20

Wo Dayà naiŋ dìnìè e ɓaà gbee. Wèètii, tòòmoìŋ ke kpùnaiŋ nɛɛ̀ŋ wèè niŋ kiɛ̀uŋ e ɓɛ̀ɛ̀jàa.

Ɛfesɔ̀ 2:7

Wo Dayà naŋ tɛɛ̀ nyɛ̀nɛ̀ŋ wèè e ɗùùnyàŋ ko dòmàŋfeìŋ nɛ sùà, wo tɔɔ̀ maŋ bàne màŋ yaà e tɛ̀ɛ̀tɛ̀ɛ̀ gò kùwìè kò dìauŋ nɛ̀, yèè ke jii siaàŋ wò kuwa weè wi esàɓù Jisɛ̀ Kulaì sùà lɛ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Fèle 4:7

Kpeiŋ nààŋ nìŋ yaà aŋ bàiŋbà wo Jisɛ̀ Kulaì sùà lɛ, wo Dayà doiŋ nàŋ kpuumò yèè woiŋ kìɛ̀ŋ jii fàa, ke yèɛ wo nyùùŋ gbiŋ fè ɓɛ̀nɛ̀ŋ nyìmaŋ lɛ̀. Yèè wo Dayà do nàŋ nyɛ̀nɛ̀ŋ maŋ jii wi màŋ maŋ jɛi.

Kòlo 2:20

Nyɛ̀iŋ yèè wo Jisɛ̀ Kulaì naŋ wa fɔ̀ɔ̀yɛ̀ koɓɛ̀ guùŋ, yèè wò naiŋ bilɛ̀ŋ e yìwìà e gààŋ wo ɓɛ̀màŋɗì aŋ jìnàŋ ɗuunyaàŋ. Wèè kiìŋ naàŋ nìŋ yaà maŋ nyiiŋ gèe sùà e teenè mààŋ nìŋ yaà wèè e ɗuunyaŋ lɛɛ̀? Wèè kiìŋ nìŋ jɔɔlɔ̀ maŋ langi mààŋ mɛɛ̀ŋ dìì?

Kòlo 3:17

E nɛ̀ɛŋ gbiŋ nìŋ woà ɔ̀ɔ̀ nìŋ nyɛnɛŋ lɛ̀, e nɔ̀ŋ nyɛ̀nɛŋ niŋ e dèè Kanaà Jisɛ̀ Kulaì sùà, nààŋ nìŋ kiɛ̀ŋ ke sɛ̀ gèe koɓɛ̀ Dayài e saɓùuŋ nɛ̀ sùà lɛ.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.