Luùm 5:15 - WƆŊ FƐ̀Ì EBÒ SÌÀŊ DAYÀA

¹⁵ Kɛɛ nyiŋ tìyèe àŋ yaà gbàgbà, esaɓù kɛ̀ e nɛ̀ɛŋ wo Dayà naŋ wa kiɛ̀ŋ lɛ e fè mààŋ è jùùmù Adamàaŋ. È yaà tɔɔɓaa kɛ̀ anyuùŋ zimgbe naŋ fɔ̀ esàɓù e jùùmù wo nyùùŋ guùŋ wii. Kɛɛ e tɛ̀ɛ̀tɛ̀ɛ̀ Dayàa naŋ dɛɛ̀ zimgbe, yèè yɛi nɔŋ wo Dayà naŋ niŋ kiɛ̀ŋ foo koɓɛ̀ anyuùŋ zimgbe esàɓù e tɛ̀ɛ̀tɛ̀ɛ̀ɛ wo Jisɛ̀ Kulaì naŋ nyɛ̀nɛ̀ŋ lɛ.

Luùm 5:15 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Maafiù 26:28

Maŋ sɛnìim màŋ mɛɛ̀ŋ, maŋ yè maŋ naŋ hèè e fèè e ɗààhìì e mìèsùàguùŋ, maŋ yè maŋ naŋ nɔ̀ŋ wùaŋ miŋ wèè wo Dayà juuyà maŋ jùumùiŋ màŋ hakɛ̀.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 4:10

Wo Jisɛ̀ naŋ wòò wo nìeɔ̀ wààŋ, “Sèè maŋ weè nyìmàŋ e nɛ̀ɛŋ wo Dayà kiɛ̀ŋ anyùùŋ lɛ, yèè miàim wo nyùnɔ̀ɔŋ yààùm daawe wèè e wuiyè tìa wɔ̀, mùŋ heuŋ nàŋ dawè, yèè wò heum nàŋ kìɛ̀ŋ e wùìyèɛ e yèɛ kiɛ̀ŋ wo nyùùŋ wɔŋ nyiiŋ gèe gò jùà lɛ.”

Nyɛ̀nɛ̀ŋ 15:11

Kɛɛ è naiŋ haawè kɛ̀ è doiŋ nàŋ jòèyè esàɓù ke kpèè sìàŋ wo Kanaà Jisɛ̀ɛ sùà, màànààŋ nɔŋ nyiŋ pɛɛ do nàŋ nɔ̀ŋ lɛ.”

Luùm 5:12

Esàɓù Adamàaŋ sùà anyùùŋ nyaŋ gbiŋ e ɗuunyaàŋ naŋ nɔ̀ŋ anyùùŋ maŋ jùumù, yèè e jùumù bi naŋ hìɛ̀ŋ e kèè fàa. Wèè esàɓù maŋ jùumù mɛɛ̀ŋ anyùùŋ nyaŋ gbiŋ e ɗuunyaàŋ kuwa aŋ fà.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

2 Kɔliìŋ 9:15

Gè wiìŋ wo Dayà ke sɛ̀ wèè e kìɛŋ siaŋ gbeeuŋ nɛ̀ e fèiŋ ɓɛ̀nɛ̀ŋ gbɛ̀ɛ̀nɛ̀ŋ è nɛ̀ŋ gbiŋ lɛ̀!

Ɛfesɔ̀ 2:8

E yìwìà e tɛ̀ɛ̀tɛ̀ɛ̀ Dayàa sùà wò naiŋ joeyè, esàɓù e hààwe sùà. Niŋ gò nyɛ̀nɛ̀ŋ è nɛ̀ŋ bà gbiŋ weè niŋ, e wèè wo nyùùŋ gbiŋ go nàŋ kɛ̀ɛ̀ màŋ nyòngà, esaɓù kɛ̀ è yaà e nɛ̀ŋ kìɛŋ wo Dayà naiŋ niŋ kiɛ̀ŋ.

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

1Jɔ̀ɔŋ 2:2

Yèè wo Kulaì wuŋ bi nàŋ yaà è nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya miŋ, yèè e fè nɔŋ wèè màŋ jùumù wi màŋ miŋ gùuŋ kɛɛ è yaà wèè maŋ jùùmù anyùùŋ nyaŋ gbiŋ e ɗuunyaàŋ.

1Jɔ̀ɔŋ 5:11

Ke mìè seì bi nàŋ yaà, kɛ̀ wo Dayà naŋ wi kìɛ̀ŋ wɔŋ nyiiŋ gèe gò jùà, yèè wɔŋ nyiiŋ gèe wɛɛ̀ŋ wɔ̀ŋ folo wo Jɔ̀àfelaauŋ nɔ̀ɔ̀ŋ sùà.