Luùm 5:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ yɛi nɔŋ è yaà e fàa kuwa wa e gààŋ anyùùŋ nyaŋ gbiŋ diɛŋ aŋ yè nyaŋ yaà wa wɔŋ gèeɔ̀ sùà nyaŋ e yìwìà e tèèngà Adamàaŋ e hàì koɓɛ̀ e tèèngà Mòòzeɛ̀. Tɛɛ̀ naŋ wa kaaìŋ, jòòpɛɛ anyùùŋ nyaŋ gbiŋ nààŋ gò wa pɔ̀ɔ̀ kè sàwàa wò Dayà naŋ kiɛ̀ŋ màànààŋ wò Adamàŋ naŋ wa nyɛ̀nɛ̀ŋ lɛ. Wo Adamàŋ yaà mààŋ Jisɛ̀ Kulaì, wo yèɔ naŋ wa hnè eɓìèmàŋjɛ̀wɛ̀ wo Adamàŋ wɔ.

Luùm 5:14 ပူးပေါင်းရင်းမြစ်များ

Luùm 5:12

Esàɓù Adamàaŋ sùà anyùùŋ nyaŋ gbiŋ e ɗuunyaàŋ naŋ nɔ̀ŋ anyùùŋ maŋ jùumù, yèè e jùumù bi naŋ hìɛ̀ŋ e kèè fàa. Wèè esàɓù maŋ jùumù mɛɛ̀ŋ anyùùŋ nyaŋ gbiŋ e ɗuunyaàŋ kuwa aŋ fà.

Luùm 5:17

È yaà tɔɔɓaa kɛ̀ esàɓù maŋ jùùmù wo anyùùŋ guùŋ sùà, e fàa naŋ kɛ̀ɛ̀nɛ̀ŋ gààŋ. Kɛɛ e sɛmɛ kɛnɛɛ̀ nàŋ yaà kɛ̀, anyùùŋ nyaŋ gbiŋ naŋ kɛ̀ɛ̀nɛ̀ŋ wɔŋ nyiiŋ gèe esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ wa nyɛ̀nɛ̀ŋ lɛ. Wo Dayà naŋ nyiŋ kìɛ̀ŋ e tɛ̀ɛ̀tɛ̀ɛ̀ gò kɛ̀ɛ̀nɛ̀ŋ dìa e yèɛ e gò tomo weè niŋ lɛ̀, yèè wò naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ.

Luùm 5:21

Kpeiŋ sèè è nɔ̀ŋ yɛi, màànààŋ nɔŋ e jùumù kuwa gààŋ esàɓù e fàa lɛ̀, yɛi nɔŋ pɛɛ è yaà e tɛ̀ɛ̀tɛ̀ɛ̀ Dayàa kuwa gààŋ esàɓù e tɔ̀ɔ̀nyaàŋ, esaɓù kɛ̀ wò wi jàà kùàŋ dìì esàɓù wo Kana wiɔ̀ Jisɛ̀ Kulaì. Tɛɛ̀ naŋ tɔɔ̀ kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùà wèè julɔfɔ.

Luùm 8:20

Manɛ̀ŋ bàne màŋ e ɗuunyaàŋ naŋ wa nɔ̀ŋ e keì nyìnga dìì wèè maŋ go wa nàŋ ɓɛnɛ̀ŋ wèè maŋ nɔ̀ŋ è ɗewe kiiɛ̀ màŋ kuwa maŋ nɔ̀ŋ lɛ, kɛɛ e fè màŋ nyɛ̀nɛ̀ŋ miiŋ bi màŋ sùà wèè maŋ yɛi nɔ̀ŋ, kɛɛ wo Dayà naŋ wa ɗewè wèè maŋ yɛi nɔ̀ŋ. Yɛi nɔŋ è yaà ke jii tùlia sùà,

Luùm 8:22

Èiŋ nyìmàŋ kɛ̀ manɛ̀ŋ bàne màŋ gbiŋ e ɗuunyaàŋ kòò màŋ yaà nɔŋ gùlìè ɗìòsùà e keì nyìnga dìì màànààŋ nɔŋ wo jɔùŋ kuwo e keì nyìnga paŋgàà wò komo wo jɔ̀à lɛ.

1 Kɔliìŋ 15:22

Nààŋ nɔŋ anyuùŋ kpùuŋ nyàŋ gbiŋ naŋ nɔ̀ŋ aŋ bà nyiŋ bà wo Adamàaŋ sùà yèè àŋ naŋ fɔ̀ lɛ, yɛi nɔŋ anyùuŋ kpùuŋ nyàŋ gbiŋ naŋ nɔ̀ŋ aŋ bà nyiŋ bà wo Jisɛ̀ Kulaì sùà nyaŋ do nàŋ kɛ̀ɛ̀ wɔŋ nyiiŋ gèeɔ̀ sùà esàɓù Jisɛ̀ Kulaìɛ.

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

Hiɓu 9:27

Anyùùŋ nyaŋ gbiŋ do nàŋ fɔ̀ e sùà guùŋ kpò, eɓìèmàŋjɛ̀wɛ̀ tii wo Dayà do wi nàŋ gbaì wo wi hàà kiti diɛŋ.