Luùm 5:11 - WƆŊ FƐ̀Ì EBÒ SÌÀŊ DAYÀA

¹¹ Kɛɛ tii fè è gbiŋ. È gèìŋ zɔlɔ̀ esàɓù e nɛ̀ɛŋ wo Dayà naŋ nyɛ̀nɛ̀ŋ e yìwìà wo Kanaà Jisɛ̀ Kulaì sùà lɛ, wo yèɔ naŋ jàànè e mɔ̀ɔ̀nɔŋ wilɛ̀ koɓɛ̀ Dayài wɔ̀.

Luùm 5:11 ပူးပေါင်းရင်းမြစ်များ

Luù 1:46

Wo Mèèle wààŋ, “Mìŋ naŋ tɛ̀nɛ̀ŋ wo Kanaà Dayà e yìwìà ke jii miɛ̀ŋ gbiŋ sùà.

Jɔ̀ɔŋ 1:12

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Luùm 11:15

Nààŋ wo Dayà naŋ wa gè anyùùŋ Ezɔ̀ɛ̀ nyaŋ kùàŋ dìì, anyuùŋ gbànaŋ nyaŋ gbiŋ e ɗuunyaàŋ aŋ yè nyaŋ yaà aŋ joo nyàŋ, naŋ kìlè yèè àŋ naŋ nɔ̀ŋ anyuùŋ mɔ̀ɔ̀nɔŋ koɓɛ̀ Dayài. Kiìŋ nàŋ do nàŋ kaaìŋ sèè wo Dayà jàà nyiìŋ kùàŋ dìì? Àŋ do nàŋ kɛ̀ɛ̀nɛ̀ŋ wɔŋ nyiiŋ gèe mààŋ anyuùŋ fàa nyàŋ naŋ kɛ̀ɛ̀ wɔŋ nyiiŋ gèe sùà.

Luùm 2:17

Nyɛ̀iŋ bi zà? Nìŋ nyaaŋ nyɛ̀iŋ bi aŋ Juùù. Nìŋ naŋ tùlìè maŋ Sàwà maŋ jii e kìlà nìŋ kɛɛ maŋ nyòngà wèè Dayà.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 5:3

Kɛɛ tii fè è gbiŋ! E gèìŋ ɓɛìŋ zɔlɔ̀ e keì nyìnga wilɛ̀ sùà, esaɓù èiŋ nyìmàŋ kɛ̀ e keì nyìnga kpuumàŋ wì eiŋ kùwà koɓɛ̀ guùŋ kpaŋ e kìlà e zɔ̀kpɔ̀ fè wi nyɛ̀nɛ̀ŋ è hààwe wilɛ̀ sùà.

Luùm 8:23

Kɛɛ e fè nɔŋ mànɛ̀ŋ bàne màŋ miiŋ guùŋ maŋ nɔ̀ŋ gùlìè ɗìòsùà. Kɛɛ yàwi bi pɛɛ aŋ yè nyaŋ wo Jìnàŋ Kanaà Dayà yaà sùà nyaŋ, wèè eiŋ nɔ̀ŋ e nɛ̀ŋ jiɛ̀jiɛ̀ɛ wo Dayà naŋ wi kiɛ̀ŋ lɛ, guliàìŋ maŋ ɗìòsùà, nààŋ è yààìŋ fùlìè wo Dayà wèè wo wi ɓemè wèè èiŋ nɔ̀ŋ aŋ jɔ̀àuŋ. Tɛɛ̀ naŋ tɔɔ̀ kɛ̀ wò do nàŋ jòèyè maŋ kpùnaŋ wi màŋ gbiŋ e yìwìà e ɗò maŋ jùumù dìì.

Luùm 9:10

Ɓɔ̀ mùŋ nyɛɛnɛ̀ŋ è nɛ̀ɛŋ naŋ wa kààìŋ kòɓɛ̀ àŋ jɔ̀àfèlàà tìyèe nyàŋ wo Ààze, wo nèwàènèwe wiɔ̀, yaà wo Lòbɛkà naŋ wa kòmò nyaŋ.

1 Kɔliìŋ 10:16

Wɔŋ kpòòɔ è tiiyàìŋ maŋ tala muaŋ màŋ sùà sèè è dawàìŋ Dayà wèè wo kpuumàŋ wɔŋ, tii gò tɔɔ̀ kɛ̀ è yààìŋ àŋ bàwibà kè gbòò ànyuùŋ hààwè màŋ sɛ̀ìŋ Jisɛ̀ Kulaì maŋ sùà? E kìlà ke gbɔ̀uɛ̀ è nyìmèìŋ yɛ, sèè è gbìlèìŋ nyiìŋ, kɛ̀ tii gò tɔɔ̀ kɛ̀ è yààìŋ aŋ bàwibà kè kpùnàŋ Jisɛ̀ Kulaìɛ sùà?

2 Kɔliìŋ 8:19

Yèè eɓìèmàŋjɛ̀wɛ̀ tii, maŋ gbòò anyuùŋ hààwe nyàŋ àuŋ tàeɗùù yèè àuŋ ɓemè wèè wo nɔ̀ŋ wo nyuùŋ tòmoɔ̀ bà maŋjɛ̀wɛ wi ko nyìnìè e tòmò e mànaŋ lɛɛ̀ wèè esàɓù e jòòwò Kanaà sùà, yèè wèè eiŋ tɔɔ̀ kɛ̀ è manaŋ wèè eiŋ kpuumàŋ.

Gàla 4:9

Kɛɛ nààŋ nìŋ naŋ naàŋ nyìmàŋ wo Dayà, ɔ̀ɔ̀ miŋ woò mìàŋ, wo Dayà woiŋ nyìmàŋ, diè nìŋ naŋ ɓɛìŋ ɓɛ̀nɛ̀ŋ kɛ̀ɛ̀ maŋjɛ̀wɛ koɓɛ̀ aŋ jìnàŋ e zɔ̀kpɔ̀ yèè e gààŋ nyowo nyiŋ nɛ̀? Wèè kiŋ nìŋ manaŋ ɓɛìŋ naŋ nɔ̀ŋ aŋ ɗo e weè nyiŋ?

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Fèle 3:1

Ko dìèmè e keì wòo lɛɛ̀ nyɛ̀iŋ nààŋ wùìyaim nyàŋ, nɔ̀iŋ zɔlɔ̀ sùà esaɓù kɛ̀, nìŋ yaà aŋ bàiŋbà wo Kanaà Jisɛ̀ sùà. Ke jii miɛ̀ŋ naàŋ mɔɔnɛ̀ŋ, sèè ka ɓɛìŋ sìngà ka wòò e kèì guùŋ nɛ mìŋ naiŋ wa woò lɛ, yèè ngèè è do nàŋ nɔ̀ŋ wèè kèì sìàŋ nyɛiŋ biɛ̀ sèè mìŋ nyɛnɛŋ yɛi.

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

Fèle 4:4

Nɔ̀iŋ e zɔlɔ̀ sùà e teenga gbiŋ nààŋ nìŋ yaà aŋ bàiŋbà wo Kanaà Jisɛ̀ sùà. Tɔ̀ miŋ woò niŋ ɓɛìŋ, nɔ̀iŋ e zɔlɔ̀ sùà.

Kòlo 2:6

Nààŋ nìŋ naŋ jàà wo Jisɛ̀ Kulaì kùàŋ dìì wèè wo nɔ̀ŋ wo Kanaiŋ nɔɔ̀ŋ lɛ, nìŋ kuwa naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,