Luùm 5:10 - WƆŊ FƐ̀Ì EBÒ SÌÀŊ DAYÀA

¹⁰ È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 5:10 ပူးပေါင်းရင်းမြစ်များ

Jɔ̀ɔŋ 14:19

E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà.

Jɔ̀ɔŋ 5:26

Màànààŋ nɔŋ wo Dèdaà wuŋ bi nàŋ yaà ko tɔ̀ɔ̀tù wɔŋ nyiiŋ gèeɔ̀ lɛ, e ɗèwè guùŋ bi sùà wò naŋ nyɛ̀nɛ̀ŋ miàim wo Jɔ̀àfelaauŋ nɔɔ̀ŋ naŋ nɔ̀ŋ ko tɔ̀ɔ̀tù wɔŋ nyiiŋ gèeɔ̀.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 6:57

Wo Dèdaà yaà wɔŋ nyiiŋ gèeɔ̀ sùà wɔ naim tùɔ̀ŋ, yèè e saɓùuŋ nɛ̀ sùà miàŋ pɛɛ mìŋ yaà wɔŋ nyiiŋ gèeɔ̀ sùà. Yèè e ɗèwè guùŋ nɛ̀ sùà, wo nyùnɔ̀ɔŋ gbiŋ do nàŋ gbìlè e kenìŋ mɛ̀ wɔ wò do nàŋ nɔ̀ŋ wɔŋ nyiiŋ gèeo sùà esaɓù mɛ̀ sùà.

Luùm 11:28

Nààŋ anyùùŋ Ezɔ̀ɛ̀ nyaŋ gò wa jàà è Ebò Siaàŋ kùàŋ dìì lɛ, àŋ naŋ kìlè aŋ joo koɓɛ̀ Dayài esàɓù anyùùŋ nyaŋ fè àŋ Juùù nyaŋ. Kɛɛ esàɓù e kèì jìì Dayàa, wo Dayà naŋ nyiŋ tàeɗùù wèè aŋ nɔ̀ŋ aŋ nyuùŋ mɔ̀ɔ̀nɔuŋ esàɓù aŋ nèwàènèwe nyiŋ nyàŋ.

Luùm 5:11

Kɛɛ tii fè è gbiŋ. È gèìŋ zɔlɔ̀ esàɓù e nɛ̀ɛŋ wo Dayà naŋ nyɛ̀nɛ̀ŋ e yìwìà wo Kanaà Jisɛ̀ Kulaì sùà lɛ, wo yèɔ naŋ jàànè e mɔ̀ɔ̀nɔŋ wilɛ̀ koɓɛ̀ Dayài wɔ̀.

Luùm 5:6

E teengaà e zɔ̀kpɔ̀ yàwì wa lɛ̀, wo Jisɛ̀ Kulaì naŋ fɔ̀ wèè yàwi nààŋ nyuùŋ nyɛ̀nɛ̀ŋ maŋ tùwo naanààŋ nyaŋ e teengaà wo Dayà naŋ wa tàeɗùù lɛ.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Luùm 8:7

Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Ɛfesɔ̀ 2:16

E fà Jisɛ̀ Kulaìɛ wɔŋ vànèkpaàa diɛŋ naŋ kpɛ̀ɛ̀yɛ̀ e wùònoɛ̀ e fèèmàŋ maŋ zìì tìyèe màŋ, yèè esàɓù e fàauŋ nɛ̀ wɔŋ vànèkpaàa diɛŋ, wò naŋ hìnyɛ̀ŋ maŋ kpùnàŋ tìyèe màŋ koɓɛ̀ guùŋ sùà, yèè wò naŋ nyiŋ kɛ̀lɛ̀ɛ̀ maŋjɛ̀wɛ koɓɛ̀ Dayài.

Ɛfesɔ̀ 2:3

Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

1Jɔ̀ɔŋ 4:10

Tɛɛ̀ nàŋ yaà e mànaŋ, e fè kɛ̀ yàwi naŋ mɔ̀nɔ̀ŋ wo Dayà, kɛɛ kɛ̀ wo Dayà naŋ wi mɔ̀nɔ̀ŋ, wèètii wò naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ e nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.