Luùm 4:9 - WƆŊ FƐ̀Ì EBÒ SÌÀŊ DAYÀA

⁹ E zɔlɔ̀ lɛɛ̀ wo Dèèwe naŋ yaà wòò kii niŋ lɛ̀, è yaà nɔŋ wèè anyùùŋ nyaŋ àŋ naŋ jàà kpùa nyàŋ? Kpele! E fè yɛi. È yaà wèè anyùùŋ nyaŋ pɛɛ aŋ gò jàà kpùa nyàŋ. Esaɓù kɛ̀ wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Luùm 4:9 ပူးပေါင်းရင်းမြစ်များ

Luù 2:32

e gbolòùŋ wèè e tɔ̀ɔ̀ ke kpèè mɔɛ̀ŋ koɓɛ̀ anyùùŋ nyaŋ fè àŋ Juùù nyaŋ, yèè wèè e jòòwo mɔ̀ɛ̀ koɓɛ̀ anyùùŋ nyàŋ ko Ezɔ̀ɛ̀.”

Luùm 4:10

Kiìŋ è teenga tɛɛ̀ naŋ wa kaaìŋ? È naŋ wa kaaìŋ paŋgàà àŋ naŋ wa jàà wo Eɓulɔhɛɛ̀ŋ kpùa? Ɔ̀ɔ̀ e yìwìà e teengaà àŋ nauŋ wa naàŋ jàà kpùa tɛ lɛ̀? Tɛɛ̀ naŋ wa kaaìŋ e yìwìà e teengaà kòò àŋ jàà wa wò Eɓulɔhɛɛ̀ŋ kpùa lɛ̀.

Luùm 4:3

Jàaìŋ jii kɛ̀, wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Gàla 3:14

Wo Jisɛ̀ Kulaì naŋ wa tɛɛ̀ nyɛ̀nɛ̀ŋ wèè wo kiɛ̀ŋ e ɗààhìì kpùùmaàŋ wo Dayà naŋ ɓèmè Eɓulɔhɛɛ̀ŋ diɛŋ koɓɛ̀ anyùùŋ nyaŋ fè àŋ Juùù nyaŋ lɛ̀, esàɓù Jisɛ̀ Kulaìɛ sùà wèè e yìwìà e hààwe sùà kɛ̀ wo Dayà do wi nàŋ kìɛ̀ŋ wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.