Luùm 4:6 - WƆŊ FƐ̀Ì EBÒ SÌÀŊ DAYÀA

⁶ Wɔŋ fɛ̀ì Dayàa sùà wo Dèèwe naŋ wòò è kèè e zɔlɔ̀ɛ hnàŋ koɓɛ̀ wo nyùnɔ̀ɔŋ wo Dayà naŋ jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ wɔ, eɓìèmàŋjɛ̀wɛ̀ e nɛ̀ŋ gbiŋ e yèɛ wo nyùùŋ wii nyɛnɛŋ lɛ̀.

Luùm 4:6 ပူးပေါင်းရင်းမြစ်များ

Maafiù 25:19

“Kpeiŋ e teenga bà naŋ mààŋ, yèè wo kààmɔ̀ɔ̀ŋ aŋ ɓɔìjɔ̀à nyiiŋ naŋ kɛ̀ɛ̀ maŋjɛ̀wɛ. Wò naŋ nyiŋ nyààŋ yèè wò naŋ nyiŋ dawè sèè mààŋ kiìŋ àŋ naŋ nyìnìè e nɛɛnɛuŋ nɛ̀.

Luùm 1:17

Ebò Siaàŋ woà e ɗeweɛ̀ wo Dayà hiàŋ anyùùŋ koɓɛ̀ wuŋ biì wèè aŋ nɔ̀ŋ anyùùŋ tɔ̀ɔ̀nyaàŋ, e kìlà è yaà nɔŋ esàɓù ke jii tùliaà yaà e hààweɛ̀ anyùùŋ kuwa wo Jisɛ̀ sùà lɛ. Nààŋ wɔŋ fɛ̀ì Dayàa naŋ woò lɛ, “Anyùùŋ nyaŋ wo Dayà hiàŋ wèè aŋ nɔ̀ŋ anyùùŋ tɔ̀ɔ̀nyaàŋ esaɓù e hààweɛ̀ àŋ kuwa lɛ̀, do nàŋ nɔ̀ŋ wɔŋ nyiiŋ gèe siaŋ sùà wèè julɔfɔ.”

Luùm 3:27

Kiìŋ è kùwàìŋ naàŋ wèè eiŋ kɛ̀ɛ̀ maŋ nyòngà? E nɛ̀ŋ gbiŋ fè! Yèè kiìŋ nàŋ yaà esaɓùɛ wèè tɛɛ̀? Ɓàà è yaà wèè maŋ Sàwà Dayà maŋ è jɔɔlɔ̀ìŋ dìì maŋ? Kpele, è yaà wèè esàɓù e hààweɛ̀ è kùwàìŋ Jisɛ̀ Kulaì sùà lɛ.

Luùm 4:11

Wo Dayà naŋ wa jàà wo Eɓulɔhɛɛ̀ŋ kùàŋ dìì paŋgàà wò naŋ wa nɔ̀ŋ kpùà jààuŋ. Ke kpùà jààuŋ nɛɛ̀ŋ naŋ wa tɔ̀ɔ̀ e tɔ̀ɔ̀màŋsèì keì ɔ̀ɔ̀ e fee kɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààweɛ̀ wò kuwa wo Dayà sùà lɛ. Tɛɛ̀ naŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdaà wèè anyùùŋ nyaŋ naŋ hààwè Dayà nyaŋ, e kìlà wo Dayà naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, jòòpɛɛ aŋ fè kpùà jàa nyiŋ.

Luùm 4:24

Maŋ keì mɛɛ̀ŋ naŋ wa nɔ̀ŋ sìnga miŋ wèè yàwi, nààŋ wo Dayà do nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, aŋ yè nyaŋ naŋ haawè kɛ̀ wuŋ naŋ gè wo Kana wiɔ̀ Jisɛ̀ e fàaà dìì.

Luùm 4:5

Kɛɛ nyìmèè wiìŋ wèè wo nyùnɔ̀ɔŋ kuwa hààwe wo Dayà sùà wɔ eɓìèmàŋjɛ̀wɛ̀ manɛ̀ŋ nyɛ̀nɛuŋ màŋ. Kpeiŋ wo Dayà do nàŋ yɛ̀mɛ̀ e tɔ̀ɔ̀nyaàaŋ e hààweuŋ nɛ̀ sùà, kɛ̀ wò wòò wo nyùùŋ maŋ tùwò naanààŋ wɛɛ̀ wààŋ e keì fòùm. E hààwe lɛɛ̀ tiŋ wo Dayà jaa kùàŋ dìì wèè wo hìàŋ anyùùŋ koɓɛ̀ wuŋ biì.

Luùm 4:7

“E zɔlɔ̀ yaà anyùùŋ nyaŋ wo Dayà naŋ jùùyè hakɛ̀ wèè maŋ kpèè naanààŋ nyiŋ màŋ, yèè aŋ yè nyaŋ wò naŋ jùùyè hakɛ̀ wèè maŋ jùumù nyiŋ màŋ nyaŋ!

Luùm 4:9

E zɔlɔ̀ lɛɛ̀ wo Dèèwe naŋ yaà wòò kii niŋ lɛ̀, è yaà nɔŋ wèè anyùùŋ nyaŋ àŋ naŋ jàà kpùa nyàŋ? Kpele! E fè yɛi. È yaà wèè anyùùŋ nyaŋ pɛɛ aŋ gò jàà kpùa nyàŋ. Esaɓù kɛ̀ wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 3:14

Wo Jisɛ̀ Kulaì naŋ wa tɛɛ̀ nyɛ̀nɛ̀ŋ wèè wo kiɛ̀ŋ e ɗààhìì kpùùmaàŋ wo Dayà naŋ ɓèmè Eɓulɔhɛɛ̀ŋ diɛŋ koɓɛ̀ anyùùŋ nyaŋ fè àŋ Juùù nyaŋ lɛ̀, esàɓù Jisɛ̀ Kulaìɛ sùà wèè e yìwìà e hààwe sùà kɛ̀ wo Dayà do wi nàŋ kìɛ̀ŋ wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Gàla 4:15

Nìŋ yaà wa kai e zɔlɔ̀ sùà! Kiìŋ naŋ wa kaaìŋ? Miaŋ bi kà ɓɛ̀nɛ̀ŋ fè ke mìè seì kɛ̀ nàŋ wa ɓɛ̀nɛ̀ŋ gè maŋ fɛ̀ɛ̀ kòmàŋ nyɛiŋ bi màŋ e zɔlɔ̀ sùà, sèè nìŋ ɓɛnɛ̀ŋ, e kìlà naim miŋ kiɛ̀ŋ.

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

Jìiiŋ 2:18

Kɛɛ wo nyùùŋ bà do nàŋ woò wààŋ, “Mùŋ kuwa e hààwe, yèè miàŋ mìŋ kuwa maŋ kpèè siaŋ.” Tɔ̀ɔ̀im e hààwe gò kɛ̀ɛ̀nɛ̀ŋ màŋ kpèè siaum màŋ, kɛ̀ miàŋ esàɓù maŋ kpèèim màŋ sùà mìŋ doum nàŋ tɔ̀ɔ̀ e hààwe mɛ̀.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.