Luùm 4:5 - WƆŊ FƐ̀Ì EBÒ SÌÀŊ DAYÀA

⁵ Kɛɛ nyìmèè wiìŋ wèè wo nyùnɔ̀ɔŋ kuwa hààwe wo Dayà sùà wɔ eɓìèmàŋjɛ̀wɛ̀ manɛ̀ŋ nyɛ̀nɛuŋ màŋ. Kpeiŋ wo Dayà do nàŋ yɛ̀mɛ̀ e tɔ̀ɔ̀nyaàaŋ e hààweuŋ nɛ̀ sùà, kɛ̀ wò wòò wo nyùùŋ maŋ tùwò naanààŋ wɛɛ̀ wààŋ e keì fòùm. E hààwe lɛɛ̀ tiŋ wo Dayà jaa kùàŋ dìì wèè wo hìàŋ anyùùŋ koɓɛ̀ wuŋ biì.

Luùm 4:5 ပူးပေါင်းရင်းမြစ်များ

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:29

Wo Jisɛ̀ naŋ nyiŋ fasàì wààŋ, “Wo Dayà manaŋ maŋ kɛ̀ɛ̀nɛ̀ŋ e hààwe miàim wo yèɔ wò naŋ tùɔ̀ŋ wɔ sùà.”

Luùm 10:3

Kòò àŋ nyìmè è ɗeweɛ̀ wò Dayà jaa ànyùùŋ kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ kò nɛ̀ɛ̀uŋ niìŋ lɛ. Kɛɛ àŋ naŋ kàmè ɗewe wèè aŋ kàmè ke dòmàŋ nyiŋ bi. Weètii àŋ naŋ wa gè maŋhɛɛ wèè aŋ hààwè wo Dayà, wèè wo nyiŋ ɓemè wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Luùm 4:24

Maŋ keì mɛɛ̀ŋ naŋ wa nɔ̀ŋ sìnga miŋ wèè yàwi, nààŋ wo Dayà do nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, aŋ yè nyaŋ naŋ haawè kɛ̀ wuŋ naŋ gè wo Kana wiɔ̀ Jisɛ̀ e fàaà dìì.

Luùm 4:3

Jàaìŋ jii kɛ̀, wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Luùm 4:6

Wɔŋ fɛ̀ì Dayàa sùà wo Dèèwe naŋ wòò è kèè e zɔlɔ̀ɛ hnàŋ koɓɛ̀ wo nyùnɔ̀ɔŋ wo Dayà naŋ jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ wɔ, eɓìèmàŋjɛ̀wɛ̀ e nɛ̀ŋ gbiŋ e yèɛ wo nyùùŋ wii nyɛnɛŋ lɛ̀.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.