Luùm 4:3 - WƆŊ FƐ̀Ì EBÒ SÌÀŊ DAYÀA

³ Jàaìŋ jii kɛ̀, wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Luùm 4:3 ပူးပေါင်းရင်းမြစ်များ

Maafiù 20:9

Àŋ naŋ wa pààwà anyùùŋ nyaŋ naŋ wa tɔ̀ɔ̀tù tòmo e gɔɛɛ gbòà è nɔɔnɔɛ̀ŋ nyaŋ ke kaiŋ fua nɛɛnɛŋ wèè wo nyùùŋ guùŋ gbiŋ.

Luùm 10:11

Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ kuwa hààwe wo Dayà sùà wɔ, e sàngè naàuŋ kùwò.”

Luùm 11:2

Wo Dayà gò fè ànyunùuŋ nyàŋ wò naŋ tàeɗùù e yìwìà kò tɔɔtuì nyaŋ jɛwɛ. Nàŋ jàà jii e kpɛ̀nɛɛ̀ŋ wɔŋ fɛ̀ì Dayàa sùà, ko yèe wo wɛ̀ijìɔ Ìlaajà naŋ wa tɔ̀ɔ̀ e zàwè koɓɛ̀ Dayài, e nyaàiŋ dè anyùùŋ Ezɔ̀ɛ̀ nyaŋ lɛ̀?

Luùm 4:11

Wo Dayà naŋ wa jàà wo Eɓulɔhɛɛ̀ŋ kùàŋ dìì paŋgàà wò naŋ wa nɔ̀ŋ kpùà jààuŋ. Ke kpùà jààuŋ nɛɛ̀ŋ naŋ wa tɔ̀ɔ̀ e tɔ̀ɔ̀màŋsèì keì ɔ̀ɔ̀ e fee kɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààweɛ̀ wò kuwa wo Dayà sùà lɛ. Tɛɛ̀ naŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdaà wèè anyùùŋ nyaŋ naŋ hààwè Dayà nyaŋ, e kìlà wo Dayà naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, jòòpɛɛ aŋ fè kpùà jàa nyiŋ.

Luùm 4:5

Kɛɛ nyìmèè wiìŋ wèè wo nyùnɔ̀ɔŋ kuwa hààwe wo Dayà sùà wɔ eɓìèmàŋjɛ̀wɛ̀ manɛ̀ŋ nyɛ̀nɛuŋ màŋ. Kpeiŋ wo Dayà do nàŋ yɛ̀mɛ̀ e tɔ̀ɔ̀nyaàaŋ e hààweuŋ nɛ̀ sùà, kɛ̀ wò wòò wo nyùùŋ maŋ tùwò naanààŋ wɛɛ̀ wààŋ e keì fòùm. E hààwe lɛɛ̀ tiŋ wo Dayà jaa kùàŋ dìì wèè wo hìàŋ anyùùŋ koɓɛ̀ wuŋ biì.

Luùm 4:9

E zɔlɔ̀ lɛɛ̀ wo Dèèwe naŋ yaà wòò kii niŋ lɛ̀, è yaà nɔŋ wèè anyùùŋ nyaŋ àŋ naŋ jàà kpùa nyàŋ? Kpele! E fè yɛi. È yaà wèè anyùùŋ nyaŋ pɛɛ aŋ gò jàà kpùa nyàŋ. Esaɓù kɛ̀ wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Luùm 9:17

Wɔŋ fɛ̀ì Dayàa naŋ wòò wo kànà wɔŋ fùɔ̀ŋ Ijèɔ àŋ nyaaŋ Fɛɛlɔ̀ wɔ wààŋ, “Mìŋ naum nyɛ̀nɛ̀ŋ wo kana wèè kaum toomò wèè ka tɔ̀ɔ̀ e gaàŋ mɛ̀ yèè wèè anyùùŋ nyaŋ gbiŋ e ɗuunyaàŋ aŋ tɛ̀nɛ̀ŋ e deè mɛ̀.”

Jìiiŋ 2:23

Yèè e mìè nyààŋ wɔŋ fɛ̀ì Dayàa naŋ nɔ̀ŋ tɔ̀ɔ̀nyaàŋ nààŋ wɔ̀ŋ naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè esàɓù hààweuŋ nɛ̀ sùà wo Dayà nauŋ wa jàà kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ.” Yèè wo Dayà naŋ wa nyààŋ Eɓulɔhɛɛ̀ŋ wo dàwiuŋ.

Jìiiŋ 4:5

Ɓɔ̀ nìŋ gongò kɛ̀ è nɛ̀ɛŋ wɔŋ fɛ̀ì Dayàa naŋ woò lɛ è tɔ̀ɔ̀nyaàŋ fè niìŋ sùà kɛ̀, “Wo Jinàaŋ wo Dayà naŋ wi gbìɛ̀ŋ sùà wɔ e wùànàŋ nauŋ diè wèè e wùàŋ.”