Luùm 4:20 - WƆŊ FƐ̀Ì EBÒ SÌÀŊ DAYÀA

²⁰ Wo Eɓulɔhɛɛ̀ŋ gò wa fè è hààweiŋ nɛ̀ jɛwɛ, yèè wo gò wa sikà wèè wo hààwè è yèɛ wo Dayà naŋ wa jɔ̀ɔ̀ ɗààhiì kɛ̀ wò do nàŋ nyɛ̀nɛ̀ŋ lɛ. E hààweuŋ nɛ̀ nauŋ wa kìɛ̀ŋ gààŋ, yèè wò naŋ tɛ̀nɛ̀ŋ wo Dayà e jòòwo gbee sùà.

Luùm 4:20 ပူးပေါင်းရင်းမြစ်များ

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Luù 1:18

Wo Zakalayà naŋ wòò wo màikàa wààŋ, “Diè mìŋ do nàŋ nyìmè kɛ̀ tɛɛ̀ do nàŋ kaaìŋ? Tiŋ zà yàwi jawè miɔ̀ŋ è naàŋ tiiyè.”

Luù 1:45

Wo Kanaà Dayà naum gbìɛ̀ŋ e zòòlo maŋjɛ̀wɛ esaɓù kɛ̀, mùŋ naŋ haawè kɛ̀ wò do nàŋ nyɛ̀nɛ̀ŋ e yèɛ wò nàŋ woò lɛ.”

1 Kɔliìŋ 16:13

Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

2 Kɔliìŋ 12:10

Hɛ̀ɛɛ̀ŋ, ke jii maim fɔ̀ wèè ka yɔkpɔ̀ ɔ̀ɔ̀ aim pɔ̀ɔ̀ɓɛ̀ɛ ɔ̀ɔ̀ aim kùwà naanààŋ ɔ̀ɔ̀ ka kùwìè maŋ keì nyìnga yèè ka mɔɔnɛ̀ŋ, sèè è nɔ̀ŋ nɔŋ e wèè Jisɛ̀ Kulaì. E fèfoo sèè mìŋ yɔkpɔ̀ kpeiŋ, kɛ̀ kà kùwìè e gààŋ.

Ɛfesɔ̀ 6:10

E gbio sùà, tòòyaìŋ e kɔɔ nyingèiŋ nɛ̀ nààŋ nìŋ yaà aŋ bàiŋbà Kanaà Jisɛ̀ Kulaì sùà esàɓù e gààŋ zùlù gbeeuŋ nɛ̀ sùà lɛ.

2Time 2:1

Muàŋ, jɔ̀àfelaa miɔ̀ŋ Timetè, nyìngà sùà e yìwìà e tɛ̀ɛ̀tɛ̀ɛ̀ è kànàìŋ nààŋ è yààìŋ aŋ bàwibà wo Jisɛ̀ Kulaì sùà lɛ.