Luùm 4:17 - WƆŊ FƐ̀Ì EBÒ SÌÀŊ DAYÀA

¹⁷ Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

Luùm 4:17 ပူးပေါင်းရင်းမြစ်များ

Maafiù 3:9

Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Jɔ̀ɔŋ 5:25

Mìŋ yààìŋ wòo sùà e tɔɔɓaaà kɛ̀ e teenga do nàŋ hnè, yèè ngèè kòò è yaà naàŋ kià tɛ, anyuùŋ fàa nyàŋ do nàŋ kòmò ke mìè miàim wo Jɔ̀àfèlàà Dayàa. Yèè anyùùŋ nyaŋ do nyiŋ nàŋ kòmò nyaŋ do nàŋ nɔ̀ŋ wɔŋ nyiiŋ gèe sùà.

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Nyɛ̀nɛ̀ŋ 15:18

Tɛɛ̀ mìŋ naŋ wa nyɛ̀nɛ̀ŋ anyunùim nyàŋ aŋ nyìmàŋ e teenga gɔuo sùà.’ ”

Luùm 3:29

Nyɛ̀iŋ nààŋ Juùù nyaŋ, nìŋ gongà kɛ̀ nyɛ̀iŋ guùŋ nɔŋ wo Dayà do nàŋ jàà kùàŋ dìì? Tɔɔɓaa nyìmaìŋ kɛ̀ wò do nàŋ jàà anyùùŋ nyaŋ fè àŋ Juùù nyaŋ nyiŋ pɛɛ kùàŋ dìì.

Luùm 4:18

Wo Eɓulɔhɛɛ̀ŋ kuwa e hààwe yèè ke jii tùlia, sèè pɛɛ wò go wa kɛ̀ɛ̀nɛ̀ŋ esaɓù bà wèè wo niŋ tùlìà jii, wo Eɓulɔhɛɛ̀ŋ kuwa wa nɔŋ e hààwe wo Dayà sùà yèè wò naŋ nɔ̀ŋ wo nèwàènèwè anyùùŋ maŋ fuɔŋ zimgbe. Wɔŋ fɛ̀ì Dayàa naŋ woò wààŋ, “Ke kpoo mɔɛ̀ŋ do nàŋ gàŋ mààŋ maŋ ɗu màŋ.”

Luùm 4:2

Sèè wo Dayà wa weè jàà wo Eɓulɔhɛɛ̀ŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù e tòmoɛ̀ wò naŋ wa nyɛ̀nɛ̀ŋ lɛ, kɛ̀ wò ɓɛ̀nɛ̀ŋ kɛ̀ɛ̀ maŋ nyòngà anyùùŋ fɛɛ̀feìŋ wèè e tòmoɛ̀ wò naŋ nyɛ̀nɛ̀ŋ lɛ. Kɛɛ wò fè ɓɛ̀nɛ̀ŋ kɛ̀ɛ̀ màŋ nyòngà wò Dayà fɛɛ̀feìŋ.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

Luùm 9:11

Kɛɛ wèè paŋ aŋ jɔ̀àfèlàà tìyèe nyàŋ aŋ nɔ̀ŋ wa kòmaŋ nyiŋ, ɔ̀ɔ̀ wèè paŋ aŋ nyɛ̀nɛ̀ŋ wa e keì sìàŋ ɔ̀ɔ̀ e keì naanààŋ gbiŋ, wo Dayà naŋ wòò wo Lòbɛkà wààŋ, “Wo jɔ̀àfelaa jiɛ̀jiɛ̀ mɔɔ̀ŋ do nàŋ tòòmò wo nanàuŋ nɔɔ̀ŋ dìì.” Wo Dayà naŋ wa tɛɛ̀ woò wèè e tɔɔ̀ kɛ̀ wò naŋ wa ɗewè yèè wò manaŋ wa nɔŋ wo tà wo jɔ̀àfèlàà guùŋ ɗùù. Kɛɛ e fè wa wèè è keì ɗewe bà gbiŋ è yèɛ àŋ naŋ wa nyɛ̀nɛ̀ŋ lɛ.

Luùm 9:26

Koɓɛ̀ gunìiŋ wo Dayà naŋ nyiŋ wa woò wààŋ, ‘Niŋ fè ànyunùim lɛ̀,’ kuuŋ àŋ do nyiŋ nàŋ nyààŋ aŋ jɔ̀à wo Dayà gè nyiiɔ̀ŋ.”

1 Kɔliìŋ 1:28

Wo Dayà naŋ ɓèmè e nɛ̀ɛŋ e ɗuunyaàŋ naŋ kɔ̀ɔ̀yɛ̀ fɛ̀ɛ̀ sùà àŋ gongà kɛ̀ e fè nɛ̀ŋ bà gbiŋ sùà lɛ, wèè wo pɔ̀ɔ̀pɔ̀ɔ̀ e nɛ̀ɛŋ e ɗuunyaàŋ gongà kɛ̀ e gbììŋ gbììŋ yaà sùà lɛ.

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

1Time 6:13

Ko fɛ̀ɛ̀fèìŋ Dayài, wo yèɔ kiɛ̀ŋ wɔŋ nyiiŋ gèe koɓɛ̀ manɛ̀ŋ maŋ gbiŋ wɔ̀, yèè ko fɛ̀ɛ̀fèìŋ Jisɛ̀ Kulaì, wo yeɔ̀ naŋ fè ke mìè seì janjai ko fɛ̀ɛ̀fèìŋ Pɔuŋtiɔ̀ Paalèi e nyààìŋ dè e hààweuŋ nɛ̀ wɔ, mìŋ yààùm wòò sùà

Hiɓu 11:12

Jòòpɛɛ wo Eɓulɔhɛɛ̀ŋ naŋ wa naàŋ tiiyè, kɛɛ e yìwìà wo fèlàà guùŋ wɛɛ̀ aŋ jɔ̀à zimgbe naŋ nɔ̀ŋ kòmaŋ nyiŋ, yèè àŋ naŋ gàŋ mààŋ maŋ ɗu màŋ ke nyiliɛ̀ yèè e heiɛ̀ wɔŋ juwoɔ̀ kɔɔ.

Hiɓu 11:3

E yìwìà e hààwe sùà, è naiŋ nyìmè kɛ̀ wo Dayà naŋ wa bànè e ɗuunyaàŋ e yìwìà e yèɛ wò naŋ wa woò lɛ, wèè kɛ̀ e yèɛ è yɛmɛ̀ìŋ lɛ naŋ wa nɔ̀ŋ bàne niŋ e yìwìà e yèɛ e fèiŋ yɛmɛ̀ lɛ.

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

1Pììlɛ 2:10

E teenga bà sùà niŋ fè wa ànyùùŋ Dayà, kɛɛ e teenga lɛɛ̀ sùà nàŋ naàŋ nɔ̀ŋ anyunùuŋ. E teenga bà sùà, niŋ nyimààŋ wa kè nyòwoɛ̀ Dayà kuwa lɛ̀, kɛɛ e teenga lɛɛ̀ sùà wòiŋ tɔ̀ɔ̀ ke nyowouŋ nɛɛ̀ŋ.

2Pììlɛ 3:8

Kɛɛ nyɛ̀iŋ nààŋ dàwi mànaim nyàŋ, ɓɔ̀ nìŋ nyɛɛnɛ̀ŋ è kèì guùŋ. Tiŋ nàŋ yaà, e fèemàŋ gòòno gbiŋ fè kò fɛ̀ɛ̀fèìŋ Kanaà wèè è fèèmàŋ kè gɔ̀ɛ̀ guùŋ yèè màŋ doa tààsùùŋ guùŋ. Ko nɛ̀ɛ̀uŋ niìŋ, maŋ kèì ɗì tìyèe miiŋ naŋ seenè kpaŋ.