Luùm 4:13 - WƆŊ FƐ̀Ì EBÒ SÌÀŊ DAYÀA

¹³ Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Luùm 4:13 ပူးပေါင်းရင်းမြစ်များ

Nyɛ̀nɛ̀ŋ 13:32

Wo Dayà naŋ wa jɔ̀ɔ̀ ɗààhiì koɓɛ̀ aŋ nèwàènèwe wi nyàŋ. Yàwi pɛɛ è yààìŋ wòò sùà ebò siaŋ lɛɛ̀.

Luùm 4:12

Tɛɛ̀ naŋ ɓɛìŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdà aŋ yè nyaŋ kinɛiŋ àŋ naŋ jàà kpùa nyàŋ, yèè aŋ naŋ hààwè Dayà, màànààŋ wo Eɓulɔhɛɛ̀ŋ naŋ wa nyɛ̀nɛ̀ŋ paŋgàà wò naŋ wa nɔ̀ŋ kpùà jààuŋ lɛ̀.

Luùm 9:8

Tɛɛ̀ naŋ tɔɔ̀ kɛ̀, e fè àŋ jɔ̀à nyaŋ gbiŋ wò Eɓulɔhɛɛ̀ŋ naŋ wa kòmò nyaŋ, wò Dayà naŋ wa jɔ̀ɔ̀ ɗààhiì wèè aŋ nɔ̀ŋ àŋ jɔ̀à Dayà. Kɛɛ aŋ jɔ̀à nyaŋ àŋ naŋ kòmò e esàɓù e ɗààhiìɛ wo Dayà naŋ wo jɔ̀ɔ̀ lɛ̀ nàŋ yaà aŋ jɔ̀à tɔ̀ɔ̀nyaàŋ nyaŋ.

Gàla 3:29

Sèè mùŋ nɔ̀ŋ wo Jisɛ̀ Kulaì sùà, kɛ̀ mùŋ yaà naàŋ wo bàumbà wèè ke kpòò Eɓulɔhɛɛ̀ŋ, yèè wo Dayà doum nàŋ kìɛ̀ŋ e yèɛ wo naŋ ɓèèmè e ɗààhiì diɛŋ lɛ̀.

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

Hiɓu 7:6

Wo Mɛ̀kisiɗɛ̀ gò wa fòlà kè kpòò Liivaà sùà, kɛɛ wo Eɓulɔhɛɛ̀ŋ naŋ wa goonò manɛ̀ŋ maŋ wò kuwa màŋ ɗì zììyà yèè wò naŋ fè e ɗì guùŋ koɓɛ̀ wo kanaà Mɛ̀kisiɗɛ̀. Wo Mɛ̀kisiɗɛ̀ naŋ wa dàwè wo Dayà wèè wo kpuumàŋ Eɓulɔhɛɛ̀ŋ, wo yèɔ wo Dayà naŋ wa jɔ̀ɔ̀ ɗààhiì sìwè wèè wo nyɛ̀nɛ̀ŋ ke kpoouŋ nɛɛ̀ŋ ke gàŋ wɔ̀.