Luùm 4:11 - WƆŊ FƐ̀Ì EBÒ SÌÀŊ DAYÀA

¹¹ Wo Dayà naŋ wa jàà wo Eɓulɔhɛɛ̀ŋ kùàŋ dìì paŋgàà wò naŋ wa nɔ̀ŋ kpùà jààuŋ. Ke kpùà jààuŋ nɛɛ̀ŋ naŋ wa tɔ̀ɔ̀ e tɔ̀ɔ̀màŋsèì keì ɔ̀ɔ̀ e fee kɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààweɛ̀ wò kuwa wo Dayà sùà lɛ. Tɛɛ̀ naŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdaà wèè anyùùŋ nyaŋ naŋ hààwè Dayà nyaŋ, e kìlà wo Dayà naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, jòòpɛɛ aŋ fè kpùà jàa nyiŋ.

Luùm 4:11 ပူးပေါင်းရင်းမြစ်များ

Maafiù 16:16

Wo Saimɔŋ Piilɛ̀ nauŋ fasàì wààŋ, “Muàŋ nàŋ yaà wo Kulaìɔ, wo Jɔ̀àfèlàà Dàyà nyiiŋ gèeɔ̀.”

Maafiù 8:11

Anyuùŋ zimgbe do wa nàwèè nàŋ yèwè maŋ tàta màŋ gbiŋ sùà wèè aŋ jɛ̀ì wo Eɓulɔhɛɛ̀ŋ, wo Ààze, yaà wo Jègɔ kɔɔ ko jììyè nɛ̀ŋ e Kànà àìjɛnɛ̀ɛŋ sùà.

Luù 19:9

Yèè wo Jisɛ̀ nauŋ woò wààŋ, “E jòèye è nàaŋ hnàŋ ko gboo yaà, esaɓù kɛ̀ wo felaa wɛɛ̀ wuŋ pɛɛ wò yaà wo jɔ̀ɛ̀jɔ̀ɛ̀ Eɓulɔhɛɛ̀ɔŋ bà.

Jɔ̀ɔŋ 3:33

Kɛɛ wo nyùnɔ̀ɔŋ gbiŋ haawà ke mìè seìuŋ nɛɛ̀ŋ wɔ, wò tɔɔ̀ kɛ̀ wò haawè kɛ̀ e yèɛ wo Dayà naŋ wa woò lɛ è yaà tɔ̀ɔ̀nyaàŋ.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 6:35

Kpeiŋ wo Jisɛ̀ naŋ nyiŋ woò wààŋ, “Mìŋ yaà nɔŋ mààŋ e nɛ̀ŋje e yèɛ kiɛ̀ŋ wɔŋ nyiiŋ lɛ̀. Wo nyùnɔ̀ɔŋ gbiŋ dèìm maŋjɛ̀wɛ yèè wò haawàìm wɔ, e jìyè yèè ke jòòmàì naàuŋ wa nàwèè ɓɛìŋ kùwò.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 6:47

Mìŋ yààìŋ wòò e tɔɔɓaaà kɛ̀, wo nyùnɔ̀ɔŋ kɛɛnɛ̀ìm e hààwe ko sùà wɔ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 8:33

Àŋ naŋ fasàì nyààŋ, “È yèwèìŋ ke kpòò Eɓulɔhɛɛ̀ɛŋ sùà, yèè kòò è nɔ̀ìŋ wa àŋ ɗo wò nyùùŋ gbiŋ dìì. Dièsɔa mùŋ naŋ ɓɛ̀nɛ̀ŋ wòo mààŋ, ‘È doiŋ nàŋ fòlò e ɗo dìì’?”

Luùm 10:11

Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ kuwa hààwe wo Dayà sùà wɔ, e sàngè naàuŋ kùwò.”

Luùm 10:4

Wo Jisɛ̀ Kulaì naŋ wa hìɛ̀ŋ maŋ Sàwà maŋ ko dìa, wèè kɛ̀ anyùùŋ nyaŋ gbiŋ kɛɛnɛ̀ŋ hààwe nyàŋ, àŋ do nàŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài.

Luùm 10:6

Kɛɛ e nɛ̀ɛŋ wɔŋ fɛ̀ì Dayàa naŋ woò e nyaàiŋ dè e ɗeweɛ̀ wo Dayà jaa wo nyùùŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààwe sùà lɛ tɛɛ̀. Wɔ̀ŋ naŋ woò wààŋ, “Ɓɔ̀ mùŋ dawè muàŋ bi kè jii mɔɛ̀ŋ sùà mààŋ, Ɓòò nàŋ do nàŋ jòwò ko àìjɛnɛ̀ŋ?” Tɛɛ̀ naŋ tɔɔ̀ kɛ̀ wèè maŋ dèèyè wo Jisɛ̀ Kulaì ko nɛ̀ɛ̀ŋ wiì.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Luùm 3:30

Wò Dayà yaà nɔŋ wò guùŋ, yèè wò do nàŋ jàà aŋ Juùù nyaŋ àŋ naŋ jàà kpùa nyàŋ kùàŋ dìì esàɓù hààwe nyiŋ nɛ̀ wo Jisɛ̀ Kulaì sùà àŋ naŋ nyɛ̀nɛ̀ŋ lɛ, yèè wo jaa anyùùŋ nyaŋ fè àŋ Juùù yèè aŋ gò jàà kpùa nyàŋ kùàŋ dìì sèè àŋ haawà wo Jisɛ̀ Kulaì e tɔ̀ɔ̀nyaàŋ sùà.

Luùm 4:10

Kiìŋ è teenga tɛɛ̀ naŋ wa kaaìŋ? È naŋ wa kaaìŋ paŋgàà àŋ naŋ wa jàà wo Eɓulɔhɛɛ̀ŋ kpùa? Ɔ̀ɔ̀ e yìwìà e teengaà àŋ nauŋ wa naàŋ jàà kpùa tɛ lɛ̀? Tɛɛ̀ naŋ wa kaaìŋ e yìwìà e teengaà kòò àŋ jàà wa wò Eɓulɔhɛɛ̀ŋ kpùa lɛ̀.

Luùm 9:30

Kiìŋ tɛɛ̀ gbiŋ naŋ fasàì? È naŋ tɔɔ̀ kɛ̀ anyùùŋ nyaŋ fè àŋ Juùù nyaŋ fè wa kààmè ɗewe wèè wò Dayà wo nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, kɛɛ wo Dayà naŋ nyiŋ wa jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààwe nyiŋ nɛ̀.

Luùm 9:33

Màànààŋ nɔŋ wo Dayà naŋ woò wɔŋ fɛ̀ì Dayàa sùà lɛ wààŋ, “Yɛ̀mɛìŋ, mìŋ yaà hàa sùà ke dùò ko Zanyɔ̀ŋ, ke dùòɛ ke yèɛ do nàŋ nyɛ̀nɛ̀ŋ anyùùŋ aŋ duonò, ke dùòɛ ke yèɛ do nyiŋ nàŋ nyɛ̀nɛ̀ŋ aŋ sɔ̀à dìì fukpù. Kɛɛ wo nyùnɔ̀ɔŋ gbiŋ haawà Dayà wɔ e sàngè naàuŋ kùwò.”

Luùm 9:6

Miŋ fè woo mìàŋ è ɗààhiìɛ wo Dayà naŋ ɓemè lɛ e fè toomo, kɛɛ anyùùŋ Ezɔ̀ɛ̀ nyaŋ gbiŋ nàŋ fè ànyùùŋ Dayà.

2 Kɔliìŋ 1:22

wo yèɔ naŋ wi sìè le fee kɛ̀ wuŋ nàŋ kànàŋ wì wɔ, yèè wo yèɔ naŋ wi fè wo Jìnàŋ Dayàa maŋ jii wi màŋ sùà wɔ. Wuŋ naŋ nɔ̀ŋ ke jii nyììneɛ̀ wèè e nɛ̀ɛŋ gbiŋ wo Dayà kuwa ko bàànè hàa weè wilɛ̀.

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Gàla 3:29

Sèè mùŋ nɔ̀ŋ wo Jisɛ̀ Kulaì sùà, kɛ̀ mùŋ yaà naàŋ wo bàumbà wèè ke kpòò Eɓulɔhɛɛ̀ŋ, yèè wo Dayà doum nàŋ kìɛ̀ŋ e yèɛ wo naŋ ɓèèmè e ɗààhiì diɛŋ lɛ̀.

Gàla 3:7

Nìŋ kuwa naŋ nyìmàŋ kɛ̀, aŋ jɔ̀à kɛnɛ nyàŋ wèè Eɓulɔhɛɛ̀ŋ, nàŋ yaà anyuùŋ kùwìè e hààwe nyàŋ.

Gàla 5:5

Ke jii tùliaà è kùwàìŋ lɛ̀ nàŋ yaà kɛ̀, wo Dayà do wi nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè tɛɛ̀ è yiwìà gààŋ Jìnàŋ Nɛɛmaàŋ, e wi toomò e yìwìà e hààwe wi lɛ sùà.

Gàla 6:16

Anyùùŋ nyaŋ naŋ jɔ̀ɔ̀lɔ̀ e keì wòo lɛɛ̀ dìì maŋ nyiiŋ gèe nyiŋ màŋ sùà nyaŋ, tɔ̀ ke jii fàa yèè ke nyowo nɔ̀ŋ nyiŋ maŋjɛ̀wɛ yaà anyùùŋ Dayà nyaŋ gbiŋ.

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Ɛfesɔ̀ 4:30

Yèè ɓɔ̀ mùŋ nyɛ̀nɛ̀ŋ wò Jìnàŋ Nɛ̀ɛ̀màŋ Dayàa kè nyowo douŋ nyɛ̀nɛ̀ŋ, esaɓù kɛ̀ wo Jìnàŋ Nɛɛmaŋ nàŋ yaà e feeɛ̀ yààùm kɔɔ sùà, e yèɛ naŋ tɔɔ̀ kɛ̀ wo Dayà nàŋ kànàùm lɛ. Wuŋ nàŋ yaà ke jii tùliaà kɛ̀ ke ɗɔɔ bà do wa nàwèè nàŋ hnè, wo Dayà woum joeyè wèè foo yèè wo fòum kùwìà màŋ jùumùum màŋ bà gbiŋ.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

Maŋ kèì nyɛɛnɛŋ 9:4

Wo nyùnɔ̀ɔŋ naŋ wa wòò aŋ gɔungɔ̀ nyaŋ kɛ̀ ɓɔ̀ àŋ kiɛ̀ŋ è keì nyìnga kòɓɛ̀ màŋ dɛɛ màŋ ɔ̀ɔ̀ è nɛ̀ŋ wuiye ɔ̀ɔ̀ màŋ kùù maŋ è dììɛ diɛŋ. Àŋ naŋ nyiŋ wa woò wèè aŋ kiɛ̀ŋ e keì nyìnga anyùùŋ kàaɓì nyaŋ gbiŋ aŋ gò wa hàà è fèè è nɛ̀ŋ yìlìà Dayàa maŋ ɗìfèìŋ nyaŋ.