Luùm 4:10 - WƆŊ FƐ̀Ì EBÒ SÌÀŊ DAYÀA

¹⁰ Kiìŋ è teenga tɛɛ̀ naŋ wa kaaìŋ? È naŋ wa kaaìŋ paŋgàà àŋ naŋ wa jàà wo Eɓulɔhɛɛ̀ŋ kpùa? Ɔ̀ɔ̀ e yìwìà e teengaà àŋ nauŋ wa naàŋ jàà kpùa tɛ lɛ̀? Tɛɛ̀ naŋ wa kaaìŋ e yìwìà e teengaà kòò àŋ jàà wa wò Eɓulɔhɛɛ̀ŋ kpùa lɛ̀.

Luùm 4:10 ပူးပေါင်းရင်းမြစ်များ

Luùm 4:11

Wo Dayà naŋ wa jàà wo Eɓulɔhɛɛ̀ŋ kùàŋ dìì paŋgàà wò naŋ wa nɔ̀ŋ kpùà jààuŋ. Ke kpùà jààuŋ nɛɛ̀ŋ naŋ wa tɔ̀ɔ̀ e tɔ̀ɔ̀màŋsèì keì ɔ̀ɔ̀ e fee kɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààweɛ̀ wò kuwa wo Dayà sùà lɛ. Tɛɛ̀ naŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdaà wèè anyùùŋ nyaŋ naŋ hààwè Dayà nyaŋ, e kìlà wo Dayà naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, jòòpɛɛ aŋ fè kpùà jàa nyiŋ.

Luùm 4:9

E zɔlɔ̀ lɛɛ̀ wo Dèèwe naŋ yaà wòò kii niŋ lɛ̀, è yaà nɔŋ wèè anyùùŋ nyaŋ àŋ naŋ jàà kpùa nyàŋ? Kpele! E fè yɛi. È yaà wèè anyùùŋ nyaŋ pɛɛ aŋ gò jàà kpùa nyàŋ. Esaɓù kɛ̀ wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.