Luùm 3:8 - WƆŊ FƐ̀Ì EBÒ SÌÀŊ DAYÀA

⁸ Sèè nyɛ̀iŋ nìŋ naŋ tɛɛ̀ ɓɛ̀nɛ̀ŋ wòo, kɛ̀ nàŋ ɓɛ̀nɛ̀ŋ wòo nààŋ, “Nyɛ̀nɛ̀ŋ wiìŋ e keì naanààŋ, wèè e keì kɛnɛ hnàŋ ko nɛ̀ɛ̀ŋ wiì.” Anyùùŋ nyaŋ bà nyiŋ ngèè pɛɛ àŋ wi kìɛ̀ŋ maŋ mìè ɓɛ̀ɛ̀pɔ̀ɔ esaɓù kɛ̀ nyààŋ kòò è yààìŋ wòò e kèì guùŋ nɛɛ̀. Kɛɛ wo Dayà yaà wo nyùùŋ tɔ̀ɔ̀nyaàŋ yèè wò do nyiŋ nàŋ nimilà nyiŋ pɛɛ.

Luùm 3:8 ပူးပေါင်းရင်းမြစ်များ

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

Luùm 6:1

Kiìŋ kai è naiŋ naàŋ ɓɛ̀nɛ̀ŋ wòo? E nɔ̀iŋ nyìnìè maŋ jùumù keleiŋ wèè wo Dayà tɔɔ̀ wi è tɛ̀ɛ̀tɛ̀ɛ̀uŋ nɛ̀ zimgbe zimgbe?

Luùm 6:15

Nààŋ miŋ fè naàŋ kè sàwàa dìì lɛ, kà ɓɛ̀nɛ̀ŋ nyɛ̀nɛ̀ŋ maŋ jùumù esaɓù kɛ̀ mìŋ yaà e gààŋ e tɛ̀ɛ̀tɛ̀ɛ̀ Dayàa dìì? Kpele!

Luùm 7:7

Èiŋ ɓɛ̀nɛ̀ŋ wòo wìà, ke sàwàa kiiŋ bi kè kuwa jùumù? Tɔɔɓaa ke sàwàa kuwà jùumù. Kɛɛ ke sàwàa naŋ nyɛ̀nɛ̀ŋ mìŋ naŋ nyìmè kɛ̀ e keì naanààŋ nyɛ̀nɛŋ è yaà e jùumù. Sèè ke sàwàa go weè woò wààŋ, “Ɓɔ̀ mùŋ jàà jii mɔɛ̀ŋ è nɛ̀ŋ kàmè dàwi mɔɔ̀ŋ màŋjɛ̀wɛ,” miŋ naàŋ weè nyìmè è keì mààŋ tii.

2 Kɔliìŋ 11:15

E wèètii, e fè guùŋ è keì gbee bà sèè àŋ ɓɔìjɔ̀àuŋ nyàŋ ɓemàŋ yèè àŋ tɔɔ̀ nyiŋ bi wèè aŋ nɔ̀ŋ mààŋ anyùùŋ tɔ̀ɔ̀nyaàŋ. Ko jee e ɗìi, àŋ do nàŋ yɛ̀mɛ̀ e nɛ̀ɛŋ maŋ nyɛ̀nɛŋ nyiŋ màŋ kanaŋ lɛ̀.

2 Kɔliìŋ 6:8

Àŋ joowà wì, e kìlà aŋ wi pɔ̀ɔ̀ɓɛ̀ɛ. Àŋ diɛ̀ŋ wì e kìlà aŋ wi tɛnɛ̀ŋ. Àŋ nyɛ̀nɛ̀ŋ wì mààŋ anyuùŋ tòa, kɛɛ è gbaì tɔ̀ɔ̀nyaàŋ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.