Luùm 3:31 - WƆŊ FƐ̀Ì EBÒ SÌÀŊ DAYÀA

³¹ Tɛɛ̀ ɓɛ̀nɛ̀ŋ tɔ̀ɔ kɛ̀ esàɓù e hààwe lɛɛ̀ e jàaiŋ maŋ Sàwà Dayà maŋ ɓula? Kpele! E fè yɛi gbiŋ. Kɛɛ tɔɔɓaa è kuwo maŋ Sàwà maŋ kpaŋ e kìlà eiŋ miŋ jɔ̀ɔ̀lɔ̀ dìì tɛ̀ɛ̀.

Luùm 3:31 ပူးပေါင်းရင်းမြစ်များ

Maafiù 15:6

Nààŋ e fè tɛ̀ɛ̀ wèè aŋ jɔ̀ɔ̀lɔ̀ àŋ dèda nyiŋ nyàŋ dìì. E ɗewe kii lɛɛ̀ nìŋ naŋ yaà kàà anyùùŋ nyaŋ lɛ̀, è pɔ̀ɔ̀pɔ̀ɔ̀ e nɛ̀ɛŋ ke mìè Dayàa naŋ woò lɛ, wèè niŋ dè e làŋgì nyɛ̀iŋ biɛ̀ maŋjɛ̀wɛ.

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Maafiù 5:17

“Ɓɔ̀ nìŋ gongò kɛ̀ mìŋ naŋ hnè wèè ka jàà maŋ Sàwà Dayà maŋ yèè maŋ mìè gbìàŋ aŋ wɛ̀ijì nyaŋ ɓula. Miŋ gò hnàŋ wèè ka miŋ noo gè, kɛɛ mìŋ naŋ hnè wèè ka tɔ̀ɔ̀ e fàsai kɛnɛ miŋ nɛ̀ e hɛɛnɛ̀ŋ.

Maafiù 5:20

Sɔɔ̀ naŋ jɔ̀ɔ̀lɔ̀ màŋ Sàwà Dayà maŋ dìì tɛ̀ɛ̀ e nìàŋ anyùùŋ nyaŋ àŋ nyaaŋ aŋ Fɛlosiì nyaŋ yèè e ɗeweɛ̀ aŋ kààmɔ̀ɔ̀ŋ maŋ Sàwà Dayà nyaŋ jɔɔlɔ̀ mìŋ dìì lɛ. Tɔ̀ miŋ woòiŋ, sèè nìŋ go miŋ jɔ̀ɔ̀lɔ̀ dìì è tɔ̀ɔ̀nyaàŋ sùà, niŋ naàŋ wa nàwèè kɔ̀ è Kànà kò àìjɛnɛ̀ɛŋ sùà.

Luù 20:16

Wò do nàŋ hnè wo jìwà anyuùŋ yɛ̀mɛ̀ ɓù diɛŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ anyuùŋ joo bà.” Nààŋ anyùùŋ nyaŋ naŋ tɛɛ̀ kòmò, àŋ naŋ woò nyààŋ, “Julɔfɔ tɛɛ̀ ɓɔ̀ è kaaìŋ.”

Luùm 10:4

Wo Jisɛ̀ Kulaì naŋ wa hìɛ̀ŋ maŋ Sàwà maŋ ko dìa, wèè kɛ̀ anyùùŋ nyaŋ gbiŋ kɛɛnɛ̀ŋ hààwe nyàŋ, àŋ do nàŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài.

Luùm 2:20

Nyɛ̀iŋ nàŋ dè anyùùŋ ɓàaɓàa nyàŋ ke dòmaŋ siaŋ diɛŋ, yèè nìŋ yaà aŋ kààmɔɔŋ wèè anyuùŋ gò nyìmàŋ nɛ̀ŋ nyaŋ. Nìŋ naŋ haawè kɛ̀ nàŋ nyìmàŋ maŋ Sàwà Dayà maŋ yaà e tɔ̀ɔ̀nyaàaŋ.

Luùm 3:4

Tii nààŋ e gò fasàì. Wo Dayà yaà tɔ̀ɔ̀nyaàŋ, jòòpɛɛ anyuùŋ kpùuŋ nyàŋ gbiŋ aŋ fè tɔ̀ɔ̀nyaàŋ. Wɔŋ fɛ̀ì Dayàa naŋ woò wààŋ, “Maŋ mìè gbòaum màŋ tɔɔ̀ kɛ̀ mùŋ yaà tɔ̀ɔ̀nyaàŋ sèè mùŋ woà e keì. Mùŋ kuwa maŋ kɛ̀ɛ̀nɛ̀ŋ gɛŋ sèè mùŋ nɔ̀ŋ kɔ̀ɔ̀yɛ̀ e gbài dìì.”

Luùm 3:6

Ɓɔ̀ è haàiŋ è kiti dìàmaŋ kɛ̀ wo Dayà ɓɔ̀ wò gbaì wi. Sèè wo Dayà wo weè nɔ̀ŋ wo nyùùŋ kàaɓì, kɛ̀ dièsɔa wò naŋ weè ɓɛ̀nɛ̀ŋ gbàì anyùùŋ nyaŋ e ɗuunyaàŋ?

Luùm 4:14

Sèè e yèɛ wo Dayà naŋ weè jɔ̀ɔ̀ e ɗààhiì wèè wo kiɛ̀ŋ lɛ e weè nɔ̀ŋ kìɛŋ niŋ koɓɛ̀ anyùùŋ nyaŋ nɔŋ jɔɔlɔ̀ maŋ Sàwà Dayà maŋ dìì nyaŋ, kɛ̀ e hààwe yaà wèè foo, yèè e ɗààhìì Dayàa naàŋ weè kɛ̀ɛ̀nɛ̀ŋ gààŋ.

Luùm 7:22

Mìŋ naŋ jàà ke Sàwà Dayàa kùàŋ dìì ke jii miɛ̀ŋ gbiŋ sùà.

Luùm 7:25

Mìŋ naŋ gè wo Dayà ke sɛ̀ e yìwìà wo yèɔ doim nàŋ joeyè wɔ, wo Kana wiɔ̀ Jisɛ̀ Kulaì sùà. Weètii, yɛi mìŋ yaà, e yìwìà ke jii miɛ̀ŋ sùà mìŋ jɔɔlɔ̀ ke Sàwà Dayàa dìì. Yèè e yìwìà ke kpùnaŋ miɛ̀ŋ sùà mìŋ jɔɔlɔ̀ ke sàwàa dìì ke yèɛ naim nyɛ̀nɛ̀ŋ wo ɗo koɓɛ̀ jùumù lɛ.

Luùm 8:4

Wo Dayà naŋ wa tɛɛ̀ nyɛ̀nɛ̀ŋ wèè kɛ̀ yàwi nààŋ yè nyaŋ yààìŋ nyiiŋ gèeɔ̀ sùà nyaŋ eiŋ jɔ̀ɔ̀lɔ̀ ke Sàwàa dìì esàɓù wo Jìnàŋ Dayàa sùà, kɛɛ e fè wèè kè nyɛ̀nɛ̀ŋ è kèìŋ nyuùŋkpùuŋ nɛ̀.

1 Kɔliìŋ 9:21

E ɗèwè guùŋ bi sùà, sèè mìŋ nɔ̀ŋ tòòmò anyùùŋ nyaŋ nààŋ fè àŋ Juùù nyaŋ e tɛɛ, mìŋ nɔ̀ŋ wo nyuùŋ pɔ̀ɔ̀ maŋ sàwà, wèè miŋ hiàŋ nyiŋ koɓɛ̀ Dayài. Tɛɛ̀ gò tɔɔ̀ kɛ̀ miŋ fè jɔ̀ɔ̀lɔ̀ màŋ sàwà Dayà maŋ dìì. Tɔɔɓaa mìŋ yaà maŋ sàwà Jisɛ̀ Kulaì maŋ dìì.

Gàla 2:19

Ke Sàwàa kiiŋ bi naim wa jìwè, yèè kè naim joeyè e yìwìà e gaàŋ nyiŋ nɛ̀ dìì, wèè ka nɔ̀ŋ wɔŋ nyiiŋ gèe miɔ̀ŋ sùà wèè wo Dayà. E kìlà àŋ naŋ wi jìwìè wɔŋ vànèkpaa diɛŋ yàwi nààŋ Jisɛ̀ Kulaì.

Gàla 2:21

Mìŋ naŋ gangà wèè ka gììyà e tɛ̀ɛ̀tɛ̀ɛ̀ Dayà maŋhɛɛ. Kɛɛ sèè wo Dayà naŋ ɓɛ̀nɛ̀ŋ jàà wo nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ ko nɛ̀ɛ̀uŋ niìŋ e yìwìà ke Sàwàuŋ nɛɛ̀ŋ dìì, è do naŋ tɔɔ̀ kɛ̀ wo Jisɛ̀ Kulaì naŋ wa fɔ̀ e wèè foo!